مابين صفعة القديس نيقولاوس واعتذار أنبا مارتيروس

[walaa farouk]

+ قبل ما ينتهى العام عندنا ليكم كلمتين
+ وقبل ما تروجوا لبابا نويل بتاع البدله الحمراء والدقن الابيض والشاربين
+ وقبل ما تتشغلوا بالهدايا والعطايا والحفلات ورحلات الاطفال الصغيرين
+ عايزين نوضح ليكم كام حاجة عن القديس نيقولاوس يمكن يكونوا عنكم غايبين
+ ده أسقف مكرم كان لمجمع نيقية من ضمن 318 من الحاضرين
+ دى ملابسه ملابس أسقف مش بدله حمراء صممها ليه الامريكين !!!
+ ده شخصية حقيقة من القرن الرابع وكان عن لاهوت المسيح من المدافعين
+ ده الوحيد اللى لما سمع تجديف اريوس لطمه بقوه على فمه علشان كان لهرطقة اريوس كان من الرافضين
+ لطمه فى وجود قسطنطين الملك اللى كان من الحاضرين
+ والملك أستاء من تصرفه وترك امر عقابه للاساقفة الحاضرين
+ اللى حكموا بانهم يأخدوا انجيله وقطعة من ملابس الكهنوت الخاصه به فى ذاك الحين
+ وحبسوه فى غرفه لغاية ما يفندوا تعاليم أريوس المشين
+ وهو محبوس فى الليل ظهرت له العذراء شايله يسوع وبتقوله مالك زعلان يا نيقولاوس وحزين ؟؟؟
+ قالها انا محبوس لاجل حبكم انتى وابنك الفادى الامين
+ سألته فين انجيلك وملابس خدمتك يا نيقولاوس الامين
+ قالها خدوها منى يا ستى يا عذراء انا الان من المعاقبين
+ قالت له خد ادى انجيل من ابنى ليك ودى كمان ملابس لخدمتك يا أمين
+ ولما حضروا الاساقفة يسألوا عنه فى الصباح لقوا وجهه بيشع نور وماسك انجيل وكمان مرتدى ملابس الخدمة وقاعد فرحان من المتهللين
+ راحوا عرفوا مقدار كرامته قدام ربنا وكرامة من يحافظ على العقيده امام المهرطقين
+ القديس نيقولاوس رمز للدفاع عن الايمان ضد المهرطقين
+ صفعة القديس نيقولاوس لاريوس سجلها التاريخ يا حاضرين
+ ومشى أريوس لمزبله التاريخ وكتب عن الاسقف نيقولاوس انه كان أمين
+ وزى ما لطم نيقولاوس أريوس زمان تكرر هذا الاسبوع لطمة من انبا مارتيروس باعتذار وافى وأمين
+ اعتذار أنبا مارتيروس الواضح بيقول خلوا بالكم يا جموع الاقباط الارثوذكسين
+ فيه غلطة تمت بالتوقيع على وثيقة وحدة الاديان مع الوثنين
+ واعتذارى مصحوب بطلب سحب توقيعى كممثل عن الكنيسة القبطية الارثوذكسية ايها الاباء والابناء المحبوبين
+ اعتذارك يا سيدنا كان لطمة على جبين كل المنافقين
+ اعتذارك يا سيدنا كشف مخطط شرير للماسونين
+ اعتذارك يا سيدنا وضع الامور على طريق التصحيح بدلا من انكار الخائنين
+ اعتذرك يا سيدنا معناه انك لم تقبل ان تبيع الكنيسة كتصرف يهوذا المشين
+ اعتذارك كشف المستور اللى لسه فيه ناس عنه من الغافلين !!!
+ اعتذارك بعد خطأ التوقيع زى بكاء بطرس بعد الانكار بدموع العين
+ وحسب لبطرس بكائه وندمة لكن مين يقف يدافع عن الخائنين ؟؟؟!!!
+ شكرا انبا مارتيروس اعتذارك بمثابه لطمة القديس نيقولاوس على وجه اريوس الخائن اشهر المهرطقين.