22 - 04 - 2014, 03:20 PM
|
|
|
|
† Admin Woman †
|
|
|
|
|
|
بالصور حمدين صباحي مع الحراسات الخاصة
فتحت «صورة» حمدين صباحي محاطًا بعدد من رجال الحراسات الخاصة، النار على المرشح الرئاسي، من قبل نشطاء «فيس بوك».
وعلق عامر حسن على الصورة قائلا: «سؤال لأنصار حمدين اللى بيقولوا إنه بيمشي زي صلاح الدين من غير قواد ولا حرس، اللى مركب سماعة ده مين، يكونش دكتور.. طب واللى مقرب الميك منه وبيتكلم فيه دا إيه، يكونش مطرب التوكيلات الحلال».
وأضاف حسن: «أبوس إيديكم بلاش موضوع واحد مننا، ونصير الفقراء، وبيمشي بدون حرس، والمتاجرة بصور السيسي.. على الأقل المشير وزير دفاع سابق وله من الأعداء الكثير، ومطلوب تصفيته من دول بنفسها وليس أشخاصًا.. حمدين بقى ماشي بحرس ليه؟ وبيدفع لهم منين هذا الرجل الفقير؟!.. شوفوا مرشحكم بشكل كويس، أو روحوا البسوا نظارات أحسن، أو مترموش الناس بالطوب وبيوتكم من زجاج».
فيما علق وائل الهامي قائلا: «أصلا حمدين عارف إن دوره لا يتعدى كونه محللًا، والأدلة اللي بتدينه بالتخابر اتعرضت عليه الأسبوع اللي فات، وحملة السيسي اللي كملت له التوكيلات يوم الجمعة ومكاتب الشهر العقاري فتحت مخصوص عشان كده».
وقال محمد على: «هو مين أصلا، وحرس على إيه؟.. حمدين مش قوى كده عشان يمشي بحراسة وبودي جارد».
أما حازم سامي، أحد مؤيدي «النسر» فاعتبر الصورة محاولة لتشويه حمدين من قبل أنصار المشير عبدالفتاح السيسي فعلق على الصورة قائلا: «متزعلوش منى انتوا متعرفوش أي حاجة في أي حاجة.. الصورة دى أمام اللجنة العليا لانتخابات الرئاسة، والناس اللى بتحرسه مش تبعه أصلا.. وانتوا مش لاقيين حاجة تقولوها.. اهدوا على نفسكم ومالكوش دعوة بغيركم.. ركزوا بس في اللى عندكم».
النهار
|
