|
 |
 |
 |
|
رقم المشاركة : ( 1 )
03 - 02 - 2020, 08:46 PM
|
|||||||||||
|
|||||||||||
 الطيبة فضيلة حلوة إلا لو زادت عن حدها ، تبقي رذيلة ، و التوازن في اي فضيلة اهم من الفضيلة نفسها .. و لاننا بنخاف من الذنب ، بنتزحلق في حفرة الاستغلال ، و تتحول الطيبة من نعمة إلي نقمة !! واحد استغلالي يعمل نفسه محتاج ، و يدعي لك علشان تديله أو يدعي عليك لو ما اديتلوش ، و بسبب خوفك منه تديله و تريح ضميرك.. هنا يجي التوازن : ندي محتال علي حساب واحد تاني محتاج ؟؟ مش كده نبقي خدنا حق واحد فعلا محتاج و نبقي شجعنا المحتال انه يتمادي في احتياله؟؟ مثال تاني : واحد بيستغل وقتك ، و يبتز مشاعرك و يستغل سماحتك ، فيحرمك من راحتك و ياخد وقت أو ميعاد حد تاني ، و انت سايبه يستغلك .. مش كده تبقي ارهقت عقلك و ضيعت وقتك و كمان علمته يبقي استغلالي و انتهازي ؟؟ مثال تالت : واحد بيفرض عليك نفسه ، يعني يا تعمله اللي بيطلبه (خدمة ، طلب مادي) بالطريقة اللي هو عاوزها و في الوقت اللي هو يحدده ، يا يجلد ضميرك و يطلعك مذنب ، و يسلخك نفسيا انك ما عملتلوش طلباته، من غير ما يحترم وقتك و رغبتك و امكانياتك ووقتك .. شوية دروس .. ١- لو عملت حاجة و انت مش مرتاح لمجرد انك تسكن ضميرك ، حاسب لتكون في فخ الاستغلال.. ٢-العلام مش ببلاش ؛ ما تزعلش من ناس استغلتك زمان ، بس المهم تتعلم بسرعة ما تعملش كده تاني .. ٣-فيه مواقف خاصة بيحصل لنا "حبة استغلال" علشان نعدي موقف حساس أو موقف خاص ، او نمنع ان حد يتعثر مننا ، مفيش مانع .. بس بعد كده نوقف الشخص عند حده بالاعتذار المهذب أو الحزم أن لزم الأمر .. ٤- لما تحتار قوي صلي علي طول ربنا يريح قلبك للقرار ، و لو ليك حد ثقة استشيره يديك نور الخبرة الجميل.. ٥- لو خدت قرار أن ما حدش يستغلك اوعي تندم ، حتي لو حد زعل منك .. ضميرك الصالح معناه أنك تبقي طيب لكن معاك حكمة و إفراز و تمييز .. ٦-افتكر ان الطيبة في غير محلها مدمرة لصاحبها و مفسدة للغير . 
|
|
| قد تكون مهتم بالمواضيع التالية ايضاً |
| الموضوع |
| ناس حلوة بزيادة |
| اتربينا بزيادة |
| الشبحنه بزيادة ..... |
| لا تكن باراً بزيادة |
| لا تكن باراً بزيادة |
العرض الشجري