08 - 07 - 2024, 06:25 AM
|
|
|
|
..::| الإدارة العامة |::..
|
|
|
|
|
|
في سفر الخروج ،،،
موسى راح لفرعون ١٠ مرات
كل مره يطلب منه انه يسيبه يخرج هو وشعبه
ومع ذلك كل مره كان فرعون بيعند وبيرفض
عشر مرات ب عشر ضربات
كان بعد كل رفض بيحصل ضربه مختلفه
، كنوع من انواع الضغط ، وبعد مابيعلن استسلامه
، بيرجع يعند من جديد
كان ممكن ربنا يجبره يوافق من اول مره
لكن ربنا خلقنا مخيرين ،
نعمل اللي على كيفنا علشان يعرف يحاسبنا عليه
عشر مرات موسى يصلي علشان قلب فرعون يلين لكنه مكنش بيلين
في الاخر كان لازم الحساب ،
بحر يتشق لعبور موسى وابتلاع فرعون
خلاصة كلامي
اوقات كتير بنقابل ناس بتفرض سيطرتها علينا
ويجوز بيتلذذوا بتعذيبنا
يمنعوا عننا المساعدة رغم انها في مقدرتهم
يستعبدوننا رغم اننا ملوك
يسدوا ودانهم في عز مابنكلمهم
ومع استمرارنا في الصلاة والبكى ، وانت ليه يارب سامح بده
يقول علشان انا خالقكم احرار ، كل واحد هايتحاسب عن اعماله
ولكن لما الشر بيتمادى والذل بيزيد ، بتلاقي ربنا بيتدخل
وبيشق بحر الشر ويعديك ، ويبلع الشرير واعوانه
مهما طالت تجاربك ، اعتبرها ضربات ما قبل شق البحر
طالت او قصرت ، استعد للعبور ❤️
|
