|
 |
 |
 |
|
رقم المشاركة : ( 1 )
17 - 02 - 2017, 09:49 AM
|
|||||||||||
|
|||||||||||
|
5 رجاله مريضه اوعي تتجوزي واحد منهم ، هاقولك صفات كل واحد منهم ، ١- الاول : انا اسمي فارس وقررت أخطب سها ، مش عارفين مين سها ؟ طب هاقولكم بس امسكو أعصابكم . سها دي مزه المزز ، معايا في الشغل ، ، قمرن يخبلن بجد ، شعر ايه!! واصل لنص ضهرها ، اوام ايه !!!! يجنن اللي مايتجننش ، دلع ، روشنه ، هزار ، ضحك ، طوب الارض بيحب يتكلم معاها ، عندها ع الاكونت ١٠ الاف فولورز ، و علي الاينستجرام ٢٠٠٠ صوره ونص مليون فولورز ، ايوه بقي ، هي دي الحلم ، زوجه تطول العمر ، مش تقولي ( مني) صاحبتها الرخمه الأتمه اللي مابتضحكش غير في المواسم ، اعوذ بالله ، دي مش بتلبس هدوم لااااا دي بتغلف نفسها ، مستحيل تحرك اي راجل ، لا ليها اصحاب ولاد علي صفحتها ولا صوره ع الاينستجرام ، حاجه كده تخنق . -الف مبروك يافارس خطبت سها. -ياعم الف مبروك ايه بس دي حاجه تقرف . - ليه بس . - البت طلعت دلوعه اوي ولبسها محرج جدا !!!! تخيل ان ليها اصحاب ولاد وصور بالهبل ع الاينستجرام ، لااااا دي ماتنفعش زوجه خالص . - طب خطبتها ليه ؟ -خطبتها علشان عجبتني فقررت اتجوزها بس اخليها تلبس كويس وتقفل الاكونت وتبطل دلع وماتصاحبش ولاااد ، بس هي للأسف رافضه . - ايوه فهمت ، يعني انت خطبت سها علشان تحولها ل مني !!! - اممممممم تصدق اه . 
|
|
17 - 02 - 2017, 09:51 AM
|
رقم المشاركة : ( 2 ) | ||||
|
..::| الاشراف العام |::..
|
رد: رجاله مريضه اوعي تتجوزي واحد منهم
نكمل
ال 5 رجاله المريضه اللي ماينفعش تتجوزي واحد منهم : ٢- التاني : انا بقي مني اللي اتكلم عليها فارس فوق ، وانا فعلا كئيبه ، بس بسبب الحيوان اللي كان خاطبني ، الاستاذ قعد لاطعني جنيه سنتين علشان ابو سيادته حلف ما هايجي معاه يتقدملي غير لما يخلص فتره تجنيده ، وخلص زفت بس ماجاش يتقدم علشان الهانم عمته قررت تبعتلو عقد عمل في الخليج ، وبعتتلو زفت ، ولطعني جنبه كمان سنتين ، ونزل اول اجازه بعد سنه علشان يعرفني بالست والدته علي اساس انه هايتقدملي خلاص بقي ، تقوم الحاجه الفاضله اطال الله عمرها تقوله بصراحه العروسه مش اد كده وبنت خالتك احلي كتير ، يقوم الحيوان يقولي انا اسف مش هاقدر أزعل امي وانتي عارفه غضب الام ، وانتي بجد تستاهلي احسن مني ولو لينا نصيب هانرجع في يوم سلامو عليكو . وشكرا ٥ سنين حب وهيام ووعود ، بذمتكو دي رجاله ؟؟!! |
||||
|
|
|
17 - 02 - 2017, 09:52 AM
|
رقم المشاركة : ( 3 ) | ||||
|
..::| الاشراف العام |::..
|
رد: رجاله مريضه اوعي تتجوزي واحد منهم
نكمل رقم ٣ واحد من 5 رجاله اوعي تتجوزي واحد منهم . ٣- هو مستر ( ايحه ) بخيل موووووت ، هاتعرفيه من اول يوم يتقدملك ، غالبا بيدخل بإيده فاضيه او بالكتير نص يوستفندي او ربع حرنكش ، حسب اعجابه بيكي ، ولو ماحصلش نصيب بيطالب باستردادهم ، او بتعويض مادي عنهم ، لو اتخطبيلو هاتشوفي فيلم موسم الجفاف ، لما تخرجو هايقعدك ع الكورنيش علي اعتبار انه بسيط ومش متكلف ، والبديل إنكم تقعدو ف مطعم بس تدفعي لانه مؤمن ان الست زي الراجل والمليان يكب ع الفاضي والزوجة سند جوزها والاوفه اللي ليها ودنين تشيليها انتي لواحدك ، هايتعمد ينسي عيد ميلادك او يستشيخ يومين ويقولك دي كلها بدع ، لكن عيد ميلاده مش بدعه لانه يوميها بيقلب ليبرالي او ممكن علماني عادي جدا ، المهم تجيبي هديه قيمه ، يتكلم كتير هو وامه وابوه في التكاليف والفرح ويشيلوكي معظم الليله لانك هاتتجوزي الفلته ، احفظي دي البخيل ف الفلوس بخيل ف الاهتمام بخيل ف الحب بخيل ف الرغبه . |
||||
|
|
|
17 - 02 - 2017, 09:54 AM
|
رقم المشاركة : ( 4 ) | ||||
|
..::| الاشراف العام |::..
|
رد: رجاله مريضه اوعي تتجوزي واحد منهم
اتفقنا ان فيه ٥ رجاله ماينفعش تتجوزي واحد منهم ،هاتكلم دلوقتى علي الرابع :
٤- الحاكم بأمره ده بقي ولد بيحرم عليكي كل حاجه ، ويحرم الحلال قبل الحرام ، ماينفعش تكلمي صاحبتك فولانه ، ماينفعش تهزري ع الفايسبوك وتقولي رأي ، لازم تقوليلي نازله ليه و راحه فين وجايه منين ، وياريت احسن ماتنزليش ، لااازم تخدي إذني قبل ماتسلمي حتي علي ابوكي ، ممنوع ممنوع ممنوع ،كل حاجه ممنوع . لكن هو بقي من حقه يعمل كل حاجه في كل وقت ، يكلم بنات ماشي ، يصاحب ستات ماشي ، يبقي له اصدقاء مسجلين قشطه ، ومش من حقك تدخلي ولا تفتحي بوقك لان هو الراجل وانتي الست ، هو الحاكم بأمره والناهي بجبروته ، ده في علم النفس بيسموه ( شيزوفرينك بوي) ، وترجمتها بالعربي ( واد اهبل وبرياله)،اوعي تتجوزيه . |
||||
|
|
|
17 - 02 - 2017, 09:57 AM
|
رقم المشاركة : ( 5 ) | ||||
|
..::| الاشراف العام |::..
|
رد: رجاله مريضه اوعي تتجوزي واحد منهم
ندخل ع الراجل الخامس والأخير ،
واحد من 5 رجاله ماينفعش تتجوزيهم ، 5-الذئب : تاتاتاتاااااااا، ياعزيزي كلنا ذئاب ، لااا بس ده ذئب بجد مش مجرد راجل بيبص زي حالتنا يعني ، ده راجل مدمن بنات بمعني الكلمه ، يبقي خاطب ومتجوز رسمي وعرفي ومصاحب وبيدور علي عروسه في نفس الوقت ، يخطبك ويرسم علي جارتك و صاحبتك وعمتك وبنت خالتك ، ولو أمك مزه شويه برضو هايرسم عليها ، والغريبه ان عنده مبررات للخيانه لاتنتهي ، مره انتي شكاكه وانا كويس ، ومره انا غلطان وباعترف ، ومره انا ضعيف وأرجوكي اقفي جنبي وساعديني اتغير ، ومره اصل العيب منك عشان بارده ومش مظبطاني ( اوعي تظبطيه هايخلع برضو ) ، ومره اصله عنده عقده من البنات بسبب تفيده اللي خانته وهو في كي جي وان ومن ساعتها وهو بيصاحبهم علشان ينتقم منهم ، فتره يبقي معاكي حلو ، وفترة يتنك ويتعصب ويختفي ، وانتي زي الهبله تسامحي وترجعي علشان بتحبيه ، لانه طبعا جذاب ومحترف ودي شغلته ، ده ياستي راجل لايصلح زوج ، مهما كان أمور ومتكلم وبيعرف يشتغلك ، مهما حاولتي تقنعي نفسك انه اختارك وفضلك علي غيرك ، او انكً هاتقدري تغيريه ، صدقينى ما هايحصل ، وعهد الله بتضحكي علي نفسك وبكره تقولي انى قلتلك |
||||
|
|
|
17 - 02 - 2017, 10:02 AM
|
رقم المشاركة : ( 6 ) | ||||
|
..::| الإدارة العامة |::..
|
رد: رجاله مريضه اوعي تتجوزي واحد منهم
موضوع جميل جدا يا رينا
ميرسي على موضوعك الرائع |
||||
|
|
|
17 - 02 - 2017, 01:00 PM
|
رقم المشاركة : ( 7 ) | ||||
|
† Admin Woman †
|
رد: رجاله مريضه اوعي تتجوزي واحد منهم
صح يا رورو ربنا يباركك |
||||
|
|
|
17 - 02 - 2017, 04:18 PM
|
رقم المشاركة : ( 8 ) | ||||
|
..::| الاشراف العام |::..
|
رد: رجاله مريضه اوعي تتجوزي واحد منهم
ميرسى لمروركم الغالى
 |
||||
|
|
|
28 - 04 - 2017, 07:06 AM
|
رقم المشاركة : ( 10 ) | ||||
|
..::| الاشراف العام |::..
|
رد: رجاله مريضه اوعي تتجوزي واحد منهم
ميرسى لمرورك الغالى
|
||||
|
|
 |
|
العرض العادي
