|
 |
 |
 |
|
رقم المشاركة : ( 1 )
03 - 11 - 2017, 10:00 AM
|
|||||||||||
|
|||||||||||
 كانت السادسة مساء حين دق جرس الباب ليعلن وصول أبونا هدرا في أول زيارة لمرثا و ريمون .. كان الاثنان في انتظار الزيارة منذ فترة اذ انهما تربيا سوياً على يد أبونا هدرا وهذه أول زيارة لأبونا بعد شهرين من الزواج في بيتهما الجديد و ابتدأ ريمون بالكلام "أبونا احنا لازم نعمل دورات للخدام .. محدش فيهم عارف حاجة في الانجيل .. يعني عندك مرثا مثلاً .. أمينة خدمة ولا تعرف حاجة خالص في الانجيل ..كل حاجة أقولها عليها تقول لي ازاي تأخد القرار لوحدك و تبقى عاوزة تتدخل في كل قرار أخده ..بذمتك يا ابونا هو مش الانجيل قال .. قاطعته مرثا: "بلاش كل حاجة تقول الانجيل ..ربنا ادانا عقل وأنا زيي زيك ولازم نفكر سوا مش انت اللي تأخذ القرارات" .. ضحك ريمون و قال: "يا بنتي الانجيل بيقول "الرجل رأس المرأة" .. اعترضي على كلام ربنا بقى !!" .. ردت قائلة: "أكيد فيه حاجة تانية و فيه مليون آية بتقول ان البنت زي الولد عند المسيح " فقام ريمون بسرعة وأحضر الانجيل ليفتحه على الآية فوراً اذ كان يضع عندها علامة خاصة كبيرة .. وابتسم أبونا هدرا حين وجد تحت الآية عدة خطوط بألوان مختلفة حتى انها محت الايات المجاورة لتبدو كأنها الآية الوحيدة في الصفحة .. ثم ابتسم ريمون اذ اطمأن ان الاية لسة موجودة وقال لأبونا: "ما تقول حاجة يا ابونا هو الرجل مبقاش رأس المرأة في الزمن دة ولا ايه ؟؟!!" .. فضحك أبونا هدرا وقال له: "أنا لو منك .. أحاول أخبي الآية دي من الانجيل خالص .. أو أشيل الاصحاح كله وعمري ما أخلي مراتي تقرأه !!!".. ريمون مندهشا:ً "ليه بس ..دا فيه كل المصلحة".. أخذ أبونا هدرا الانجيل من ريمون وقرأ: "لأن الرجل هو رأس المرأة كما أن المسيح ايضا رأس الكنيسة وهو مخلص الجسد" (اف 5 : 23)... ثم أغلق الانجيل وقال: "انت طبعاً فرحان ان الرجل رأس المرأة .. لكن عمرك ما كملت الآية لتفهم يعني ايه؟!!: "كما ان المسيح ايضا راس الكنيسة وهو مخلص الجسد"!!! عاوز تبقى رأس المرأة .. تعال شوف مسيحك ازاي بقى رأس الكنيسة .. ازاي اتعرى على الصليب علشان هي تبقى متزينة بالبر .. ازاي عطش في الجبال علشان يغني كنيسته بجسده و دمه .. ازاي كأن يأخذ رأيها في كل حاجة زي ما كان يسأل فيلبس قبل اشباع الجموع يعمل ايه ويديله المشورة ويشجعه على التنفيذ .. ازاي كان بيصلي ليالي كل الأيام في الجبال للآب علشان خاطر -عروسه- كنيسته تبقى واحد فيه ومعاه .. ازاي لما كنيسته (متمثلة في أمنا العذراء) في عرس قانا الجليل طلبت وهو مش موافق تنازل عن رأيه تماماً ونفذ رأيها طالما لا يوجد به خطأ .. ازاي وضع نفسه للألم مكان كنيسته وفدية عنهم .. و لما كان في البستان طلب ان كنيسته (التلاميذ) يمشوا من البستان ويقبضوا عليه هو بس ... ازاي لما كنيسته مقدرتش تشيل معاه حمله الثقيل بسبب ضعفها وانكرته مع بطرس أخذها في حضنه تاني وسامحها وحسسها انها أحلى ما في الدنيا .. ازاي كان بيثق فيها انه سلم الكنيسة مسئولية خلاص العالم وصعد للسماء ومعندوش اي خطة احتياطية غير انه يعتمد على كنيسته الصغيرة انها تغير العالم .. وعروسته كانت قد المسئولية .. ازاي انه عمره ما تسلط عليها ولا أجبرها حتى على قرار واحد من باب انه رأسها .. بل حتى قرار انها تتركه (مثل الابن الضال) تركه لها وظل في الانتظار .. ازاي كان بينفرد بكنيسته كل يوم بعيد عن العالم على الجبال أو في البحر ويقضي وقت معاها خاص يتكلموا بس فيه سوا ويناقشوا ويسألوا كل حاجة .. ازاي اهتم بيها في أقصى لحظات ألمه وهو على الصليب انها لا تكون محتاجة لشئ .. ابتسم ابونا هدرا حينما راي ريمون تسللت دموعه وقبل يد زوجته كأنما يعتذر لها عما سبق .. فأعطاه ابونا الانجيل قائلاً: "مسيحك عمره ما تسلط .. عمره ما انفرد بقراراته .. المسيح تراس علينا بالصليب .. الاصل في الرئاسة هو ابوة .. من اراد ان يكون فيكم عظيما فليكن خادما للكل .. عمره ما اعتد برأيه بل كان يضع رأي كنيسته قبله .. انت محتاج تقرأ كل ده علشان تفهم يعني ايه مسيح وكنيسة قبل ما تطلب انك تبقى راس كنيسة بيتك .. واوعى تطلب تكون رأس ..قبل ما تبقى الأول زي المسيح". 
|
|
03 - 11 - 2017, 11:43 AM
|
رقم المشاركة : ( 2 ) | ||||
|
† Admin Woman †
|
رد: اوعى تطلب تكون راس قبل ما تبقى الاول زى المسيح
انت محتاج تقرأ كل ده علشان تفهم يعني ايه مسيح وكنيسة قبل ما تطلب انك تبقى راس كنيسة بيتك ..
واوعى تطلب تكون رأس ..قبل ما تبقى الأول زي المسيح". هو الرجل مبقاش رأس المرأة ولا ايه ؟؟!! |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اوعى تعجز و تشيخ أوعي أفكارك تبقى قديمة |
| اوعي تبقي يويو |
| اوعى تطلب الإهتمام |
| ترنيمة اوعى تبقى نايم |
| اوعى تقول بطلت احلم |
العرض العادي
