|
 |
 |
 |
|
رقم المشاركة : ( 1 )
22 - 05 - 2017, 05:18 PM
|
|||||||||||
|
|||||||||||
|
طريقة تدميس الفول مش هتشتريه من بره تانى على ضمانتى  طريقة تدميس الفول مش هتشتريه من بره تانى على ضمانتى المقادير ربع ك فول تدميس نص كوب فول مدشوش ربع كوب عدس اصفر طماطمايه صغيره ليمونه صغيره شرايح 2 فص توم معلقه صغيرة كركم معلقه كبيره زيت الطريقه اغسلى الفول وحطى عليه ميه وسبيه يغلى يدوب يغلى اطفى وصفى الميه وحطى ميه تانيه مغليه اغسلى العدس والفول المدشوش والطماطم والليمون وحطيهم معاه وقلبيه وضيفى الكركم و التوم وقلبيهم واخر اخر معلقه الزيت ع الوش ومتقلبيش وحطيه فى الدماسه على نار هادئه جدااااا او سخان الدماسه ملاحظات احسن طعم للفول بيكون فى الدماسه بس لو مفيش ممكن حله بس الومنيوم الفول ميعديش نص الدماسه او الحله والميه توصل لتلات ارباع الدماسه متفتحيش عليه قبل ساعتين ولو محتاج ميه زودى ميه مغليه مش بارده متنقعيش الفول بيخليه عامل زى الفول النابت الليمون بيحافظ عليه وميخليهوش يسود معلقه الزيت بتخليه سايب مش مكلكع مهما بات عندك فى التلاجه اخر حاجه لو عندك اطفال بيحبوا هما مية الفول اكتر م حبوب الفول نفسها بعد ما يستوى خااالص هاتى ٣ معالق بالظبط ميه م الحنفيه وقلبى فيهم معلقه النشا وضيفهم ع الفول وسبيه ربع ساعه زياده ع النار الهادئه زى ما هو.. 
|
 |
|
| قد تكون مهتم بالمواضيع التالية ايضاً |
| الموضوع |
| طريقة عمل الفول بالطماطم |
| اسهل طريقة لتدميس الفول مش هتشتريه من بره تانى |
| طريقة عمل الفول الإسكندرانـــي |
| طريقة عمل الفول المدمس |
| طريقة عمل الفول حسب الطلب |
العرض العادي
