مدام قررت انك تخدم يبقي متسمعش صوت نفسك

[walaa farouk]

- ربنا قال لبولس متبشرش لليهود دلوقت.
= بولس مسمعش الكلام
- ربنا قاله محدش فيهم هيسمعك
= بولس مسمعش الكلام ..
- ربنا قاله " روح بشر للأمم هما محتاجين اكتر ".
= بولس مسمعش الكلام
- باقي الرسل قالوا لبولس بالروح ( بلاش اورشليم دلوقت)
= بولس مسمعش الكلام، وبشر في اورشليم..

وبعد ما بشر بولس لليهود الأول ( عكس مشيئة الرب)
كانت النتيجة أنهم امروا بقتله واشتكوا عليه وسجنوه....

ومتذكرش ان كلامه فرق مع شخص واحد حتي!!

- ويرجع الرب يقول لبولس:
( خلاص يا بولس شهدت عني في اورشليم.. اذهب إلي رومية بقي )
« لأنك كما شهدت بما لي في أورشليم، هكذا ينبغي أن تشهد في رومية أيضا».

واتسجن بولس أكتر من سنتين ..
والوقت دة اكيد كانت الأمم أولي بيه ..
وإن خلاص مبقاش في فرق بين اليهود والأمم ..

الحماس والنشاط في الخدمة مش كفاية ..
واحيانا كتير ابليس بيحاول يشتت حماسنا ..
ويخليني نخدم فالمكان الغلط ( الغير مُحتاج).
ويهدر طاقتنا في المكان الغلط..

والأهم من أنك تخدم ..
أن تكون خدمتك في المكان الصح ..
واللي الله عايزك فيه ..
وميبقاش مجهود بلا ثمر ..
ومدام قررت انك تخدم .. يبقي متسمعش صوت نفسك ..