مثلث الرحمات الأنبا مكاريوس

[Mary Naeem]

واحد من أعظم شخصيات جرجا والكنيسة القبطية كلها






○ المطران اللي كان بيعمل 2000 ميطانيه ف اليوم ( وبداية رهبنته كان بيصلي ال151 مزمور )
● المطران اللي العدرا ظهرتله بالظبط 50 ظهور ( ودا اكده بنفسه في اكتر من مرة ) اخرهم ظهور نوراني لحمامة ف عز النهار يوم جنازته
○43 سنة مطران ع اصعب ايبارشية ( اللي كانت فاضية لمدة ١٤ سنة )لدرجة البابا كيرلس قاله كدا بالنص " قبولك للإيبارشية دي بالذات خدمة ليا " لانه كان شايف فيه الحل
●الشاب اللي عنده يدوب 15سنه يروح الدير 4مرات ويرجعوا .. مره بسبب صغر سنه والباقي برغبه والده وفي المره ال4 يروح دير ابو مقار..والاباء خصصوا له تربه "مقبره" يعيش فيها وقالوله دي قلايتك !!
○بدأ حياته الرهبانيه بعمق شديد لدرجه بعد فتره صغيره اترسم كاهن وبعدها ب5شهور اترسم قمص باسم ابونا لوقا القاري
● كان معاه واحد صاحبه زعلان منه(عشان راح الدير وكان نفسه يروح معاه") فأبونا لوقا قرر يزوره فصاحبه قاله ناخد بركه.. واشتري بطيخه عشان يقدم منها لابونا لوقا فقاله " البطيخه دي زي قلبك بالظبط..." صاحبه قاله دي أغلى بطيخه اشتريتها ف حياتي ويفتح البطيخه يلقاها كلها بيضه من جوا.
○خدم وعمر دير الفاخوري باسنا..ورسم صوره للقديس انبا متاؤس الفاخوري "لسه موجوده في الكنيسه الاثريه"
_بعد ضغط شديد جدا من البابا كيرلس وابونا عبدالمسيح يوافق ابونا لوقا المقاري إنه يترسم مطران علي جرجا بإسم الانبا مينا - انبا مينا اترسم مطران مرة واحده مش اسقف - اترسم ع ايبارشيه فضلت 14سنه من غير أسقف "لان اسقفها بقى البابا يوساب الثاني"
● قرر البابا كيرلس قبل رسامته يعمل قرعه هيكليه وبالفعل طلب من شعب جرجا يرشحوا اسماء ..وبالفعل رشحوا الاسماء دي
١. ابونا انطونيوس السرياني (البابا شنوده )
٢.ابونا متي المسكين
٣.ابونا انجليوس المحرقي (المتنيح الانبا مكسيموس مطران بنها )
٤ . ابونا تيموثاؤس المقاري (المتنيح الانبا تيموثاؤس الاسقف العام )
٥. ورقة فاضية ع المذبح ( يمكن يكون اللي عاوزه ربنا برا دول )
وليلة القداس يعتذر ابونا تيموثاؤس المقاري فالبابا كيرلس يكلم الشماس ويقوله "حط اسم ابونا لوقا المقاري(الانبا مينا )بدل اسم ابونا تيموثاؤس ( دا كله من غير مااي حد يعرف حاجة)
وتاني يوم الصبح المذبح يختار ابونا لوقا وبكدا يكون مؤيد من السماء
● الغريب بقا ان بالرغم من كدا سافر احد ارخنة جرجا للبابا كيرلس ويكلمه بطريقة خارجة تماما عن الادب ويقوله
" لو رسمته غصبن عننا هيجي جرجا هنبهدلهولك " البابا يرد بمحبة :" يابني بينا وبينك ربنا " وهو وطالع من عند البابا تحصل حادثه وتخبطه عربية
○ اكتر مطران في الكنيسة القبطية بني كنايس " كانوا مسمينه ف المصالح الحكوميه صاحب تصاريح المحبه "
بني ضعف الكنايس اللي كانت موجوده دا غير التجديد والتوسيع اللي تم ف جرجا وفرشوط وبهجوره
● المطران اللي كنايس جرجا استقبلته بالاجراس الحزينه ( لانهم كانوا رافضين ) لكن يوم نياحتة بكي ٧٠ الف شخص !!
○ صاحب اقوي عظات في اسلوبها البسيط ..كان مدقق لغوي عظيم بسيط ف كل حاجة لدرجة معظم سنواته مكنش معاه عربية كان بيتنقل بحنطور ..
○ واحد حب ينصب عليه وخد منه جواب تذكيه عشان يشتغل ف مصنع ..قام خد ٦٠ الف من صاحب المصنع بضمان الجواب دا ..انبا مينا قال لابونا عبدالمسيح " اجيب منين ٦٠ الف ! اتصرف " تاني يوم بالليل لقيوا الراجل مربوط عند كنيسة ابونا عبد المسيح و ف النهاية سامحه
●اي اكل بياكله لازم يضيف عليه مايه ( عشان يفقد طعمه ) دا غير ان اكله كله نباتي ومكلش لحوم من ساعة ما توحد فترة ف المناهره ..وكل الاصوام عند انبا مينا هي من الدرجة الاولي
○ لما حد سأل البابا شنوده ( ايام ماكان اسقف التعليم ) عن الاباء السواح رد انبا شنوده :" افضل من يُجيب علي هذا السؤال هو الانبا مينا مطران جرجا "
● السبب في انتشار اسم مينا بقوة ف جرجا ( اي واحده مش بتخلف يقولها ربنا هيديكي مينا ..وترجع بعد سنه بمينا فعلا
○بعد خدمة كبيرة اتمدت لسنين .. علاقة مع القديسين مكنش ليها حد .. شفافية عالية بشهادة كل اللي اتعامل معاه ...واحداث كتيرة ( اتعملت في اجزاء من الكتب ) ، اتنيح المطران السائح
43 سنه بيعمر ف جرجا ..ويبني ف النفوس ..٢٢ اسقف صلي عليه ..ظهوراته ومعجزاته لسه مستمرة لحد النهارداشفاعته تسندك ف كل اللي جاي