خليك خفيف على الناس

[Rena Jesus]

الناس الي عاشت لوحدها او سافرت بيتكون في شخصيتهم حاجة بتكون من الثوابت في حياتهم.

بيكون عايز كل حياتة الاجتماعية بسيطة و سهلة و من غير لوم ولا مين يسأل على مين و بيكون مش عايز يبذل مجهود انة يثبت انة كويس بالنسبة لاي حد.

لو مش عاجبك الموقف يبقى اتكل على الله.
لو حد محترمش اولوياتة هتلاقي بعد عنة بشكل تلقائي.
مش عايز وش ولا صداع و بيكون عملي جدا لدرجة بعض الناس تشوفة معندوش دم او مش بيراعي العشرة.

الحقيقة انة بس مش ملاحق من المسؤوليات الي فجأة بقت علية و مفيش حد مهما كان قريب لية بيسندة
(لما تبقى لوحد بتبقى لوحدك في كل حاجة)
عشان كدة معندوش وقت يدخل في دراما فارغة كفيلة انها تخربلة حياتة الي بقالة كتير بيبني فيها.

على عكس اغلب الناس الي بتكون خايفة على زعل غيرها جدا...
الشخصية دي بتجيب من الاخر و عايزة تواجة الشخص عشان تخلص من المشكلة بشكل مباشر لان مفيش وقت نضيعة.

خليك خفيف على الناس و ابعد عن الشكليات و مين سأل و مين مسألش صدقنى هتتحب اكتر.

[walaa farouk]

خليك خفيف على الناس و ابعد عن الشكليات و مين سأل و مين مسألش صدقنى هتتحب اكتر.

مشاركة رائعة يا رينا

[sama smsma]

ربنا يبارك خدمتك

[Mary Naeem]

خليك خفيف على الناس و ابعد عن الشكليات و مين سأل و مين مسألش صدقنى هتتحب اكتر.

ربنا يفرح قلبك

[Rena Jesus]

ميرسى لمروركم الغالى