الانطواء والانعزال عن الخدمة

[walaa farouk]

سهل اوي علي بعض الخدام انهم يسيبوا الخدمة وينطووا وينعزلوا بسبب مشاكل في الخدمة ويقولوا (اصل الخدمة كلها مشاكل فاحسن حاجة ابعد عن المشاكل بإني اسيب الخدمة او اخد جنب وخلاص)
بس في الواقع :بيكون هو دة اللي عاوزة الشيطان وبيخططلة من زمان انك تنطوي وتنعزل عن الخدمة ثم تترك الخدمة نهائيا
ولو انت فاكر ان انطوائك وانعزالك عن الخدمة هو حل للمشكلة وتجنبك للمصادمات والمشاكل والمشاجرات تبقي بتخدع نفسك
لان اللي انت بتعملة دة اسمة هروب من مسؤلية الخدمة
طريق الخدمة عمرة ماهيكون وردي ولا سهل ان اعددت نفسك للخدمة فهئ نفسك للتجارب واضحة زي الشمس ان الخدمة باب ضيق مش واسع
وجمال الخدمة يبان في تحملك اكبر قدر من المشاكل والالم بروح حلوة وديعة محبة للمسيح واتاكد ان معونة ربنا بتبان وسط التحمل وربنا بيشوف تعبك وبيسندك
واجة مشاكل الخدمة بهدوء وحكمة --اعمل اللي عليك في مواجهة المشاكل واترك الامور علي ربنا في صلاتك ولو احترت اوي وفكرة الانعزال مسيطرة عليك روح لاب حكيم وقور (اب اعترافك) خدة من فمة الحكمة والارشاد
وافتكر مقولة لابونا بيشوي كامل الخادم الناري لما قال: الانطواء والانعزال هو هروب من مسؤلية الخدمة .

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى