انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ

[walaa farouk]

انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ." (عب 13: 7) 🙃

في وقت من حياتي كان تفكيري عن الخدمة محدود وبشوف ان الخدام
لازم يبقي فيهم كل الصفات الكويسة وصورتهم لازم دايما تبقي مفهاش غلطة ...
فهمت بعدين ان الخدمة مش محتاجة مكان معين
ولا اسرة وان اي حد يقدر يخدم لأن الخدمة الحقيقية هي اللي بيها بنوصل ربنا للي حوالينا ..
وشوفت ناس كتير استخدمت الخدمة ( بس الخدمة الحقيقية )
لتغيير مصار حياتهم ولو هنتكلم عنهم مش هنلاقي احسن من بولس الرسول ناخده قدوة ف الموضوع دا 🥰

تغيير حياة شاول من شخص متعصب لليهودية ومضطهد
لكل شخص يتبع تعاليم المسيح لبولس اللي بيموت شهيد ع اسم السيد المسيح ♥️

اهم نقطة ف التغيير كانت ف رد بولس ع ربنا لما ظهرله" يَا رَبُّ، مَاذَا تُرِيدُ أَنْ أَفْعَلَ؟ (أع 9: 6)
نقطة التسليم لمشيئة ربنا وان خدمتنا وحياتنا تمشي حسب خطته دي في رأيي رقم واحد ☝🏻

النقطة التانية
ماتقلش اهمية عن الاولي ..وهي اننا لازم نفرق بين التبكيت وفقدان الرجاء .
.التبكيت طبعا هو عمل الروح القدس اللي بينبهنا عن الخطية
وبيرشدنا للتوبة لكن اوقات عدو الخير بيفقدنا الرجاء اننا بسبب خطايانا
ماينفعش نخدم ومعندناش فرصة حتي ف ان ربنا يسامحنا من كتر الخطية
ودي فهمها بولس الرسول كويس " الأَشْيَاءُ الْعَتِيقَةُ قَدْ مَضَتْ،
هُوَذَا الْكُلُّ قَدْ صَارَ جَدِيدًا." (2 كو 5: 17)
يعني بعد التوبة والاعترف ماتفكرش ف اي حاجة عملتها قبل كدا "

إِذْ أَنَا أَنْسَى مَا هُوَ وَرَاءُ وَأَمْتَدُّ إِلَى مَا هُوَ قُدَّامُ،" (في 3: 13)✌🏻

تالت نقطة هي انك لازم تاخد بالك ان نجاحك ف الخدمة
هي معونة ربنا واراداته اللي سببت النجاح مش مجهود شخصي منك
" لَيْسَ أَنَّنَا كُفَاةٌ مِنْ أَنْفُسِنَا أَنْ نَفْتَكِرَ شَيْئًا كَأَنَّهُ مِنْ أَنْفُسِنَا
، بَلْ كِفَايَتُنَا مِنَ اللهِ،" (2 كو 3: 5)✋🏻

رابع نقطة مهمة ف الخدمة هي المحبة 🤗
ودي اللي بيها نقدر نتغلب ع حروب عدو الخير ف الخدمة
ودي اتكلم عنها بولس الرسول بوضوح ف رسالته الاولي لأهل كورنثوس
" الْمَحَبَّةُ تَتَأَنَّى وَتَرْفُقُ. الْمَحَبَّةُ لاَ تَحْسِدُ. الْمَحَبَّةُ لاَ تَتَفَاخَرُ، وَلاَ تَنْتَفِخُ،وَلاَ تُقَبِّحُ،
وَلاَ تَطْلُبُ مَا لِنَفْسِهَا، وَلاَ تَحْتَدُّ، وَلاَ تَظُنُّ السُّوءَ،وَلاَ تَفْرَحُ بِالإِثْمِ بَلْ تَفْرَحُ بِالْحَقِّ
،وَتَحْتَمِلُ كُلَّ شَيْءٍ، وَتُصَدِّقُ كُلَّ شَيْءٍ، وَتَرْجُو كُلَّ شَيْءٍ، وَتَصْبِرُ عَلَى كُلِّ شَيْءٍ.اَلْمَحَبَّةُ لاَ تَسْقُطُ أَبَدًا "
لو اهتمينا بكل النقط اللي فاتت واهملنا المحبة فخدمتنا ملهاش معني
"وَإِنْ كَانَ لِي كُلُّ الإِيمَانِ حَتَّى أَنْقُلَ الْجِبَالَ، وَلكِنْ لَيْسَ لِي مَحَبَّةٌ، فَلَسْتُ شَيْئًا." (1 كو 13: 2)✋🏻
المحبة اللي بيها بولس قدر يتعامل مع كل شخص حسب طبيعته
"صِرْتُ لِلضُّعَفَاءِ كَضَعِيفٍ لأَرْبَحَ الضُّعَفَاءَ. صِرْتُ لِلْكُلِّ كُلَّ شَيْءٍ، لأُخَلِّصَ عَلَى كُلِّ حَال قَوْمًا."
(1 كو 9: 22)♥️ بِالْمَحَبَّةِ اخْدِمُوا بَعْضُكُمْ بَعْضًا." (غل 5: 13)♥️
وَادِّينَ بَعْضُكُمْ بَعْضًا بِالْمَحَبَّةِ الأَخَوِيَّةِ، مُقَدِّمِينَ بَعْضُكُمْ بَعْضًا فِي الْكَرَامَةِ." (رو 12: 10)♥️

ف النهاية احب اقولك ان عندك الفرصة تخدم وتتغير وكلنا محتاجين الخدمة
اللي تشدنا ف طريق ربنا وافتكروا دايما ان "كُلَّ وَاحِدٍ لَهُ مَوْهِبَتُهُ الْخَاصَّةُ مِنَ اللهِ. (1 كو 7: 7)
ماتفقدش الرجاء ف نفسك انت قادر ع التغيير «خَمِيرَةٌ صَغِيرَةٌ تُخَمِّرُ الْعَجِينَ كُلَّهُ»(غل 9:5)
"وَالرَّبُّ يَهْدِي قُلُوبَكُمْ إِلَى مَحَبَّةِ اللهِ، وَإِلَى صَبْرِ الْمَسِيحِ." (2 تس 3: 5)♥️