معاها تفاصيلي الي حفظتها

[Rena Jesus]

كان أقرب صحابها مسافرين ،
بتعيط وزعلانة ولما جيت أقولها الكام كلمة المحفوظة
من معلش هي دي سنة الحياة، والصحاب بتروح وتيجي، وكلنا حواليكي،
ردت عليا بأغرب رد أنا سمعته،
قالت :
" أنا مش زعلانة انها ماشية وانها هتوحشني ،
أنا زعلانة عشان معاها تفاصيلي الي حفظتها في ٧ سنين،
ومعنديش قوة استنى كمان ٧ سنين على ما غيرها يحفظهم"

بعدين كملت وهي بتعيط
وقالت :
" الفرق بين أي حد قريب وأي حد عادي التفاصيل الي حافظها،
انا لو اتصلت بحد عادي متضايقة وبقوله عمي هنا،
مش هيعرف اني متضايقة عشان عمي ولاده صغيرين،
وابنه الصغير بينام عندي وانا ورايا امتحان كل يوم سبت في الكلية ومش هعرف اذاكر،
وإن النهاردة الخميس الي بحب أسهر فيه اتفرج على المسلسل
والي ماما بتكون طابخه فيه سمك عشان بابا بيكون جاي من سفر الشغل وهو بيحبه،
وانا بكون عايزة اخرج اكل برة في اليوم ده ومش هينفع عشان عمي هنا،

انا مضطرة أشرح نص ساعة في تفاصيل عشان يفهموا الكلام العادي ،
الناس الي بتحبنا مش هي الي بتفهمنا ، الناس الي حافظينا هم الي بيفهمونا،
وأنا خسرت واحدة حفظاني"

في ناس فعلا في حياتنا موفرين علينا شرح بالساعات ،
موفرين كلام كتير ، وحجج كتيرة ،
لمجرد انهم حافظين تفاصيلك ، تفكيرك ، حياتك ومواقفك،
مش شرط يكونوا أقرب الناس ليك، بس انت دايما بتلاقيهم فاهمين ،
لا مضطر تشرح ولا تفسر ،
دول تقريبا بيكونوا مركزين في كل حاجة تخصك،
والتركيز أصله اهتمام، والاهتمام أصله حب

[walaa farouk]

ميرسي على مشاركتك الجميلة

[Rena Jesus]

ميرسى لمرورك الغالى

[MenA M.G]

دائماً مُشاركاتَكْ رائْعة
موضوعك مُمَميز
ربنا يبارك خدمتك

[Rena Jesus]

ميرسى لمرورك الغالى

[magy]

كلام صحيح جداااا وموضوع حلو جدااا جدااا

ربنا يباركك ويعوضك رينا

[marit jesus]

فعلا كلامها صح
روووووووووووووعة

[Rena Jesus]

ميرسى لمروركم الغالى