سيرة الشهيدة سامية شهيده البطرسيه

[بشرى النهيسى]

الشهيدة سامية شهيده البطرسيه





+ يحكي زوج الشهيدة سامية الاستاذ محسن طانيوس :
راحت تصلي في كنيسة مارجرجس بالخصوص انا ما استمتعتش بالقداس لان في ولاد بتلعب وبتعمل هوسة ، وكان في الآنبا بطرس هو اللي مصلي القداس وبيوزع لقمة البركة وقلت في نفسي لو الآنبا بطرس اداني الصليب كله من قربانه البركة يبقي انا حامل وراح اداني الصليب كله من قربانة البركة فآكلته كله فقلت لها مخلتيش ليا منه فقالت لا وانا اسفه اني اكلته كله ، فقلت لها عاوزة تسمي اولادك ايه فقالت : عاوزة اسمي الواد ابسخيرون علشان هو شفيعي وعاوزة انشر سيرته ومفيش حد مسمي علي اسمه كتير .
+ كنت قاعد في الصاله وكنت بتفرج علي التليفزيون وكانت هي قاعده في الأوضة فخرجت وقالتلي :
" الرب اعطي الرب اخذ فليكن اسم الرب مبارك " وانا لم افهم معني الكلام ده ولم اهتم .
+ قلتلها في مرة لو عندك 100000 جنيه تعملي بهم ايه ؟
راحت موزعه الفلوس كلها علي اخواتها واخوه الرب واطفال الخدمة والخادمات اللي كانوا معاها في الخدمة .
روحت قلت لها لما انتي وزعتيهم احنا هناخد ايه ؟
فقالت ما الفلوس كلها بتاعتك يا محسن ، وفي اثناء الكلام قالت لي :
انا حاسة اني مش هاشوف ابويا تاني .

[بشرى النهيسى]

#رابعا : موقف اخر يوم : ⤵
+ كان يوم الآحد الموافق 11 - 12 - 2016 صحينا بدري من النوم علشان نروح الكاتدرائية المرقسية بالعباسية لحضور القداس بكنيسة الآنبا رويس قلت لها علشان نتناول فقالت لي مينفعش نتناول علشان بقالنا 3 شهور ما اعترفناش فروحت اتغششت وقلتلها اعمليلي كوباية شاي فخرجنا من الشقه في الخصوص وركبنا المترو من محطة المرج الي محطة الدمرداش ونزلنا للتوجه الي الكاتدرائية روحنا لقينا الباب الفرعي مقفول من ناحيه كنيسة مارمرقس فكملنا طريقنا علي طول علشان نلف من الباب العمومي فوقفنا ولقينا بوكس وعساكر قدام الكنيسة البطرسية فبصت عليا وضحكت ودخلنا البطرسية علشان نشتري قربان ونروح الآنبا رويس نصلي القداس فلقينا قداس في البطرسية فقلت لها ندخل نرشم الصليب ونطلع فقالت لي انا مادام دخلت الكنيسة ما بطلعش منها غير لما القداس يخلص وكان القداس هادي وجميل وراح عجبنا القداس وبقيت ابصلها عشان نطلع لقيت كل السيدات واقفين وشهم للهيكل ومنظمين وتعجبت لنظامهم فلم اجد سيده تبص يمين او شمال الكل باصص للهيكل وبعد التقديسات قبل حلول الروح القدس حدث التفجير ولم اصدق ولقيت تراب بينزل علينا والناس كلها بتصرخ وجريت علي ناحيه السيدات علشان اشوف سامية روحت لقيتها واقعه علي ضهرها فبشد ايدها علشان اقومها لقيت احشاء بطنها طلعت وبقيت اقول قومي يا سامية وصرخت وقولت نجيني يا عدرا ولقيت جزء من راسها مفقود وواقع جنبيها .
+ روحت اتصلت باخواتي واقاربي بسوهاج وزملائي في الشغل بالقاهرة وعند وصول الاسعاف اخذت جسدها في كيس وركبت عربية الآسعاف وتوجهنا الي مستشفي الدمرداش وبعديها علي كنيسة العذراء بمدينة نصر للصلاه علي ارواح الشهداء الطاهرة وبعد ذلك توجهنا الي النصب التذكاري بمدينة نصر لتجنيزهم جنازة عسكرية وبعد ذلك ذهبنا الي دير الآنبا شنوده بالمقطم بمدينة نصر لوضع جثامين الشهداء في المزار المخصص لهم ، وبعد ذلك توجهنا الي سوهاج لتقبل العزاء بكنيسة الشهيد العظيم ابو سيفين بآخميم .
#خامسا : بعد مرور اسبوع من الحادث : ⤵
فتشت في اوراقها علشان اعمل نبذة عن سيرتها ومؤلفاتها لقيت شاهد من الانجيل في ورقة وهو
( اعمال الرسل 16 : 13 ) وبيقول :
" وَفِي يَوْمِ السَّبْتِ خَرَجْنَا إِلَى خَارِجِ الْمَدِينَةِ عِنْدَ نَهْرٍ، حَيْثُ جَرَتِ الْعَادَةُ أَنْ تَكُونَ صَلاَةٌ، فَجَلَسْنَا وَكُنَّا نُكَلِّمُ النِّسَاءَ اللَّوَاتِي اجْتَمَعْنَ. "
فلقيت الاية ماشية مع الاحداث وفهمت ان دي اراده ربنا .
بركة صلواتها وشفاعتها تشملنا جميعا ... امين

[Mary Naeem]

شفاعتها تكون معنا
ربنا يبارك حياتك

[walaa farouk]

بركة صلواتها فلتكن معنا آمين

[بشرى النهيسى]

شكرا للمرور الجميل
ربنا يفرح قلببك