يسوع هو ضامن كل الاوقات والازمنة

[walaa farouk]

"وَهُوَ يُغَيِّرُ الأَوْقَاتَ وَالأَزْمِنَةَ. (دانيال 2: 21)

في الترجمة الانجليزية ترجمة كلمة الزمان season ..
فعندما يذكر سفر الجامعة "لِكُلِّ شَيْءٍ زَمَانٌ" معناها ان لكل شئ season في السماء
.. وده بيؤكد ان الحياة مع الله غير ثابتة فكما ان السنة عبارة عن فصول
واليوم الواحد عبارة عن احداث متغيرة (شروق ، نهار ، عصر ، غروب ، ليل ، فجر) .
. كذلك الحياة مع الله عبارة عن seasons مواسم متغيرة ..
هو بيغير الازمنة بتاعتك مش هاتعيش كل حياتك في موسم الفقر والاحتياج
، ولا هاتعيش كل حياتك في موسم الغني ،
ولا هاتعيش كل حياتك في موسم المعجزات والتعزيات ، ولا في موسم الالم والضيق .

حابب اشجعك لو بتعيش في season الزرع والبكاء
.. فاستعد لموسم الحصاد والابتهاج .
. ولما يجيلك موسم الحصاد متعتمدش كتير عليه لانه مجرد موسم له بداية ونهاية ..
هاينتهي الموسم ده وهتدخل مواسم جديدة بتحدياتها وخبراتها
ودروسها ومعجزاتها واستجابات صلاتها ..

حابب اشجعك ان يسوع عاش كل الازمنة والمواسم دي
عاش الفقر وعاش الغني .. عاش الكفاف وعاش الشبع .. عاش المعجزات وعاش الترك
. عاش الزحام حواليه وعاش الوحدة ..
عاش جثسيماني بكل الامها لكن اتغيرت الازمنة وعاش القيامة بكل مجدها ..

كما انه هناك زمن للصليب هناك زمن اخر قيامة

والتلاميذ في اعمال الرسل عاشوا كل المواسم المعجزات والضيقات والاحتياج
والغني الاستشهاد والمجد التعزية والالم

هو بيغير الاوقات والازمنة .. فبلاش تعيش حياتك كلها في نفس الموسم
وبنفس المشاعر ونفس السلوك ونفس الروتين ..
مهم تعرف انت الموسم بتاعك ايه بحسب ازمنة السماء .
ويكون عندك الايمان انه بيغير الازمنة وبيستخدمها في تحقيق مجد مشيئته .

لكن الضمان مش في الازمنة (المواسم) اللي بتتغير
لانها فيها الحلو والمو .. الحزن والفرح .. الموت والحياة

لكن الضمان الحقيقي ان يسوع معاك في كل الازمنة والاوقات
وهايعلمك ويدربك ولما تقع هيقومك ويعلمك ازاي تعيش في كل زمن بالاستراتيجية الصح

يسوع هو ضامن كل الاوقات والازمنة

[Mary Naeem]

يسوع هو ضامن كل الاوقات والازمنة

صح يا قمر
ربنا يباركك حببتي

[walaa farouk]

ميرسى على مرورك الغالى