موضوع للنقاش..

[walaa farouk]

انا مش بحب جوزي....المهم العشره
جوزي بخيل اوي..... ماهو بيحوشلك انتي وولادك
ده مش بيثق فيا...العيب عليكي خليكي علي كيفه ترتاحي
جوزي بيضربني..... معلش جوزك ولازم تستحمليه
بيخوني... ربنا بيغفر انتي مش حتغفري ؟؟؟
بيعاملني وحش....جوزك علي ما تعوديه
مش عايزني اكلم صحباتي...دي غيره يا عبيطه
بيتحكم في كل تفاصيل حياتي...الله مش جوزك !!!
خانقني بتحكماته.... بيحبك و بيخاف عليكي
بيغير عليا بزياده...مش احسن ما يبقي بارد
مبيغيرش عليا خالص...مش احسن ما يخنقك بغيرته
بيزعقلي ادام الولاد...اسكتي و مترديش عليه عشان المشكله ماتكبرش
عايزني اروح لاهله بالعافيه...معلش دي صلة رحم
مش عايزني اروح لأهلي خالص...معلش استحمليه و بكره ربنا يهديه
استحملي بخله و غباءه و تحكماته و شكه و غيرته و شكله و ريحته و و تسلطه و نكده بس متطلقيش
اوعي تطلقي ده ضل راجل ولا ضل حيطه.
الطلاق مش نهاية الحياه ...و الحياه اللي بالشكل ده مش حياه
قرارك في ايدك
يا تعيشي و راسك في الطين يا تعيشي و راسك في السما
متقبليش تكوني مجرد تابع

شاركونا برايكم بصراحة.......

[sama smsma]

ربنا يبارك خدمتك

[Rena Jesus]

و الحياه اللي بالشكل ده مش حياه
قرارك في ايدك
يا تعيشي و راسك في الطين يا تعيشي و راسك في السما
متقبليش تكوني مجرد تابع

هى دى الجمله الصح احنا صحيح ما عندناش طلاق
بس فعلا ياتعيشى عيشه كويسه يا أما بلاش
حاربى بكل الطرق عشان العيشه دى

[Mary Naeem]

طبعا لازم تحاول تغيره

ولو منفعش

تعتمد على نفسها

وتبعد هي وعيالها

يمكن ينصلح حاله

[walaa farouk]

ميرسي كتير على مروركم الغالى

[marit jesus]

ربنا يبارك خدمتك

[Haia]

كل مشكلة تنشأ من وجود طرفين .
لا يوجد طرف واحد على حق بالكامل .
المشكلة تتم بمشاركة الطرفين .
والحل هو التفاهم للاقتراب نحو نقطة التلاقى التى هى بداية طريق السعادة ..

[walaa farouk]

ميرسي كتير على مروركم الغالى