معجزة عملها معايا شفيع عمرى البابا كيرلس يوم 22/5/2012

بنتك يايسوع · رقم المشاركة : ( 1 ) 04 - 06 - 2012, 06:17 PM

معجزة عملها معايا البابا كيرلس يوم 22/5/2012

معجزة عملها معايا شفيع عمرى البابا كيرلس يوم 22/5/2012

اولا عاوزة اقول ان يمكن الكلام اللى هقوله ده بالنسبة لكثيرين منكم يكون حاجه تافهة او بسيطة
وممكن كمان لا يعتبره انه معجزة وانها حاجه عاديه جدا لكن صدقوووووونى بالنسبالى انا كان اكبررررررر معجزة

هبدا كلامى واقول
انا طالبة فى تانية ثانوى عاااام علمى واخترت علمى علووووم فى تالته
اكيد لما دخلت ثانوية عامة عموما وشعبة علمى خصوصا كان ليا اهداف وطموحات كتير نفسي احققها
مش هقول كلية بعينها لكن على الاقل كنت بحلم بمستقبل باهر ومشرق
المهم حصلت معايا شوية حاجات كده وقررت من شهر فبراير انى خلاص مش هدخل امتحان السنادى
ولا حتى هقسم السنة لا انا هسيب كل الموااااااااد ومش هقول ان كان عندى ظروف تمنعنى من دخول الامتحان
بالعكس كل الظروف كان مهيأة انى ادخل واجيب مجموع كبيييييير اوى كمان كل حاجه كان متوفرة لى
بس بجد معرفش ايه اللى جرالى وخلانى اخد قرار زى ده واللى مفيش كتير من اللى حواليا اعترض عليه
باعتبار ان ده مستقبلى وليا حرررية الاختيار فى كل ما يخصه وكنت خلاص رتبت نفسي على كده
لحد ما جه يوم 22/4/2012 واللى خرج علينا فيه وزير التربيه والتعليم بقرار يعتبر بمثابة صاعقه ليا
وهو عودة نظام الثانوية العامة القديم يعنى هتبقى ثانوية عامة من سنة وااااااحدة وقال كمان ان الراسبين طبقا للقانون
والقواعد سوف يطبق عليهم النظام الجديد لا محاله وفضلت المناقشات كتير حول الموضوع ده لحد ما اكده مجلس الشعب
واتاكدت انه خلاص لا مفر من النظام الجديد
بجد من وقتها عيشت ايام مريرة وصعبة جداااااا جدا لانى ببساطة مع النظام الجديد مستحيل اكمل علمى اصلا مش علمى علوم بس
لا شعبة علمى سواء علوم او رياضه لانه هايبقي صعب جداااا جداااا وفى نفس الوقت الوزير قرر القرار ده مع نهاية السنة الدراسيه
يعنى فى اخر شهر 4 يعنى مستحيييييييل اقدر اعمل حاجه وادخل امتحان ولو حتى اقسم بحيث اقدر الحق النظام القديم بتاع السنتين
وتعبت جدا جدا ويمكن الناس القريبيين منى حسوا بده وحسوا قد ايه كنت بعانى جدا جدا الفتره اللى فاتت
فقلت خلاص بقي انا هحول ادبى وكنت بفكر تفكير جدى جدا انى مكملش ثانويه عامة اساسا مش لانى واثقه انه فى نظام السنتين هجيب مجموع لا بس لانى هحس بالذنب اووووى تجاه نفسي لانى كان قدامى الفرصه انى ادخل السنادى بس انا اللى تهاونت كتير
فقلت مش هظلم نفسي اكتر من كده وكفايه بقي بلا دراسه بلا نيله معدش فى حاجه فارقه بالنسبالى

نييجي بقي لبداية المعجزة
فى يوم الاربعاء 16/5/2012 جاتلى البيت بنت عمى وبتقولى ده الكنيسة عندنا مطلعه رحلة للبابا شنودة والبابا كيرلس
واديره كتييييير تانيه بس اخر ميعاد للحجز بعد كام ساعه وبصراحه الناس زحمه اوى ويا تلحقى يا متلحقيش
فانا فرحت اووووووى وحسيت ان البابا كيرلس بيقولى تعالى اشكيلى واحكيلى عن كل اللى تاعبك
فروحنا لمزار البابا كيرلس فى دير مارمينا بمريوط يوم 22/5/2012
و اول ما وصلت المزار بجد حسيت ان البابا كيرلس قاعد مستنيني
وحاسه انى رايحه اكلمه وجها لوجه انا حتى مرضتش اكتبله ورقة بطلبى لانى حسيت انه قاعد قدامى
فجريت عليه واتكيت عند جسده وقلتله انا زعلانه منك اوى اوى يا بابا مش انت شفيع الطلبه وكل طلباتهم عندك مجابة
ليه تخليني حزينة وليه تتخلى عنى وانت شفيعى وصديقى وحبيبى وعارف قد ايه انا بحبك وفى كل ضيقة بتشفع بيك
بقولك ايه بقي ماليش دعوة انا عاوزة نظام السنتين يرجع تانى ماليش دعوه بقوانين ولا قواعد اللى قال عليها الوزير
معنى انه يطبق عليا نظام السنة الواحده يعنى انت موافق على ضياع مستقبلى فحسيت ان البابا بيضحك ورد عليا وقالى
طيب براحه عليا شوية يابت بقي هو ده اللى مزعلك اوى ومخليكي تعبانه كل التعب ده وخانقك كل الخنقه دى
قلتله اها هو انت كمان مش حاسس بيا زى كل الناس اللى حواليا قالى كده انا اللى هزعل منك انا حاسس بيكي اكتر من نفسك
متقلقيش يا حبيبة ابوكى كل طلباتك عندى اوامر اعتبرى ان النظام القديم رجع بس عاوزك تذاكرى وترفعى راسي ياحبيبتى
يرضيكي يبقي ابوكى وحبيبك شفيع الطلبه ومتجبيش مجموع ذاكرى انتى بس وانا هكون معاكى متقلقيش من حاجه
مش هنكر ان فى البدايه حسيت ان انا اللى بصبر نفسي بالكلام ده وان البابا مش بيقولى كده
فرجعت من الرحله يوم 24/5/2012 ولقيت اخويا بيقولى خدى كده اقري الخبر ده
بقوله انا خلاص ذهقت بقي ومش عاوزة اعرف اى حاجه فا بيقولى اقري بس مش هاتخسري حاجه
ففتحت لقيت خبر طويل قلت له ياعم انا معنديش طولة بال فقالى طيب اقري اخر جزء كده فلاقيت مكتوب فيه كده
والخبر ده على فكرة كان بتاريخ 22/5/2012 فى نفس الوقت اللى انا كنت فيه فى مزار البابا كيرلس

ويخص حالة الجدل التى احاطت بوضع الطلاب الذين سيرسبون فى الصف الثانى الثانوى هذا العام ومدى إمكانية تطبيق النظام الجديد عليهم، قال العربى، إذا رسبوا فى مادتين فقط فسوف يلتحقون بالصف الثالث، إما إذا رسبوا فى ثلاث مواد سيعيدون السنة وسنتيح لهم حرية الاختيار ما بين أن يعيدوا السنة بناءً على النظام القديم أو أن يعيدوها على نظام السنة الواحدة.

يعنى حبيبى وشفيع عمرى مش بس رجع لى نظام السنتين زى ما وعدنى
لا ده كمااااان ادانى حرية الاختيار يا اما اختار النظام القديم او الجديد براااااااحتى
قالى انا مش هجبرك على حاجه فكررررى كووووووووويس واختارى اللى يناسبك
بجد من وقتها ومش قادرة اوصف لكم شعورى وفرحتى قد ايه بالخبر وكمان بشعورى بوجود البابا كيرلس جنبى وانه قبل عتابى ليه بكل محبة وحققلى طلبى بسرررعه اووووووى
شكرااااااااااااا ليك ياشفيع عمررررررررى وشفيع جميع الاجيال
بركة صلواته تشملنا كلنا وتكون معانا فى كل وقت امييييييييييين يارب