عارفين ليه البطاطس المحمرة هي الاكلة الوحيدة اللي اجمع علي حبها كل الناس؟؟؟؟؟
١- البطاطس المحمرة لما بتتقلي في الزيت بتبقي مقرمشة من بره وطرية من جوة يعني لما حد يعمل معاك موقف سخن متعاملهوش وحش حسسه انك زعلت بس خلي قلبك ابيض وطري وسامحه علشان ربنا بيسامح
٢- البطاطس المحمرة تلاقيها في المطاعم الغالية وعند بتاع الفول والطعمية يعني انت كمان خليك زي البطاطساية متتكبرش علي حد وصاحب الفقير والغني
٣- البطاطس المحمرة بتتفدم مع حاجات كتير مايونيز وكاتشب وطحينة بس في الاخر بتفضل بطاطس يعني مهما اتعرضت لثقافات مختلفة احتفظ دايما بشخصيتك المستقلة وطريقة تربيتك وخلي الناس هي الا تتأثر بيك
٤- البطاطس ممكن تبقي شيبسي وهي اول حاجة تفكر فيها لما تحس بالجوع برة البيت يعني ساعد الناس ودايما خليك اول واحد يجي علي بالهم لما يقعوا في مشكلة خليك جدع زي الشيبسي كدة
٥- البطاطس انواع في بطاطس محمرة وفي الفرن وبوريه ومهروسة بس في النهاية بطاطس انت كمان حاول تحتفظ بشخصيتك بس نوع في طريقتك مع الناس علشان متبقاش ممل
٦-البطاطس المحمرة لو اتهرست بيبقي طعمها حلو الا بنسميها بوريه يعني مهما الدنيا تبهدل وتهرس فيك خليك شخص كويس ولذيذ وطلع للدنيا لسانك وقول انا بطاطساية بوريه
ببساطة علشان تبقي محبوب من كل الناس خليك بطاطساية
