علمنـى الحــب

[محتاجه لايدك ياربى]

علمنى الحب الغير محدود + علمنى حب فاق الحدود .
علمنى حب مالوش قيود . علمنى يايسوع يا حبيب قلبى ..

علمنى الحب علمنى + دا مفيش غيرك انت حاببنى .
قرب لى كمان قرب منى . خد كل حياتى وعلمنى ..

علمنى يا رب علمنى + علمنى يا رب وغيرنى .
وان مرة نسيت كلمنى . ولا انت نسيت كلمة ابنى ..

تعال لى يا رب وعلمنى + وبحبك كمل واغلبنى .
اغسلنى بحبك جددنى . املانى بحبك والبسنى ..

حاسسنى بحبك حاسسنى + املانى بحبك واكبسنى .
تعال واسكن جوة فى قلبى . ولا فى قلبك انت احبسنى ..

ريحنى يا رب وعلمنى + ريحنى وعلمنى يا ربى .
علمنى وما تسيبنيش اتعب . وبحبك يا يسوع اتعبنى ..

علمنى احبك ع طول + علمنى يا رب وكلمنى .
من غير ما اتكلم ولا اقول .من غير ما اتكلم علمنى ..

مرمغنى فى حبك قلبنى + اشوينى فى حبك عذبنى .
اصلبنى اجلدنى اقتلنى . وانا جنبك وبلاش تبعدنى .

ورينى حنانك ورينى + وبحبك يا يسوع اسبينى .
ما تسيبنيش احب غيرك انت . وترجع وتقول انت سايبنى ..

علمنى اعيشلك واشتقلك + علمنى وخلينى استاهلك .
علمنى ما اضيعش ولا ثانية . اطحنى فى حبك وانجدنى ..

علمنى يا رب علمنى + علمنى احبك واخبى .
افراحى عن الناس والدنيا . لاحد يشوفنى ويحسدنى ..

علمنى يا رب انى اجيلك + علمنى افتكرك واشكيلك .
علمنى افضفض واحكيلك .علمنى يا رب وسلمنى ..

خلينىاعشلك خلينى + خلينى اعيشلك طول عمرى .
دوقنى حنانك واسبينى . انت اللى معاك قلبى وعقلى ..

علمنى يا رب انى اصلى + دا انت اللى هاتقدر وتخلى .
مشغول بيك فكرى تملى . وقلبى وروحى لا كلى ..

حبيتك ايوة انا حبيتك + ودا حبك هو اللى مالينى .
ولا يمكن اسيبة يطلع منى . وان لزم الامر اخلع عينى

.. ان عشت كتير هافضل احبك + وان مت هاموت وهاكون عندك .
وهاقولك يا يسوع عذبنى . خد حقك ما انا ياما عذبتك ..

علمنى يارب انى اتواضع + علمنى وانزل واتواضع .
وتعال واسكن قلبى الخاضع علمنى يا رب واعنى ..

علمنى اتعلم يا معلم + علمنى اتعلم واتكلم .
علمنى ازاى انا هتعلم . من غير انت ما تعلمنى

.. علمنى احبك علمنى + علمنى احبك يا معلم .
علمنى احبك وسامحنى . علمنى اجيلك واسلم ..

علمنى اجيلك واعنى + علمنى اجيلك واتكلم .
علمنى احبك وامنحنى . من طيبة قلبك اتعلم ....

علمنى الحب علمنى + علمنى احبك من قلبى .
ولا واد ولا بنت هيشوف حبى . ولا حد غيرك انت يا ربى

كلمات أدم

[كاترينا]

كلمات رااااااائعة
ربنا يباركك ويفرح قلبك الجميل

[Mary Naeem]

كلمات جميلة جدا
ربنا يباركك

[محتاجه لايدك ياربى]

ميرسى كتير لمروركم الجميل
ربنا يفرح قلوبكم دااايما

[ميرو]

كلمات رااااااائعة

[محتاجه لايدك ياربى]

ميرسى كتير يا ميرو لمرورك
ربنا يفرح قلبك