20 - 04 - 2024, 07:09 AM
|
|
|
|
..::| الإدارة العامة |::..
|
|
|
|
|
|
زوادة اليوم:
كلّ شي إلو وقت !
يا ربّ، الإشيا اللّي عم نعيشها عم تخلّي توما اللّي فينا يبيِّن أكتر و أكتر... أوقات كتير منسألَك وينَك من كلّ شي عم يصير و بِتصير الشّكوك تسكُن بقلوبنا.
ليش هالطفل بدّو يُمرَض، ليش هالعيلة بدّا تنام جوعانة
، ليش هلقد بدو يعرقِل شِغلي، ليش بدُّن يموتوا ناس أبرياء
، ليش بدّو يتعرَّض هالمطران للطعن بالكنيسة
، ليش كل ما جرِّب إتقدَّم خطوة
بتِجي ظروف بترجِّعني ١٠ لوَرا، ليش ما عم فيّي إفرَح
و كل ما جرِّب بيصير شي بيزعِّل؟
أسئلة ما بتخلَص... و الجواب واحَد : التسليم لمشيئة
و حكمة الله شو ما كان الظرف!
هيدا الإيمان الحقيقي بيظهَر بالأوقات الصّعبة و ساعِتها بتشوف إذا قلبك عنجَد بيِعنِي الـ : لِتَكُن مشيئتك اللي بتردِّدها لمَّا تصلّي...
عطينا يا ربّ نآمِن بكلّ معنى الكلمة و نِفهَم إنُّو معك كلّ شي إلو وقت!
|
