زوادة اليوم: الفرق بين المحبِّة والحُبّ : 23 / 8 / 2024 /

[souad jaalouk]

زوادة اليوم:
الفرق بين المحبِّة والحُبّ

بيخبّرو إنّو بيوم من الإيَّام سألو رِجّال حكيم عن الفَرق بين اللي بيحكو عن الحُبّ ويلّي بيعيشوه بحياتُن.

ما جاوب بس عزمُن عالعشا.

قعدو الكلّ حول الطاولة بغرفة كبيرة كتير، قام الحكيم صبّ للكلّ شوربة بصحونُن وعَطى كلّ واحد ملعقة طولها حوالي المتر وطلب مِنُّن ياكلو بهالملعقة العجيبة، وما حدا فهمان شي، في مِنُّن جرَّبو ياكلو ما قدرو يوَصّلو الشوربة عَ تِمُّن، عَصَّبو وقامو جوعانين، ومِنُّن صارو يمِدّو الملعقة لَيلّي قاعد قبالُن يطعموه وهوّي بدورو يطعمِيُن وهيك أكلو وشِبعو...

الزوّادة بتقلّي وبتقلَّك :

يلّي بيحكي عن الحُبّ وما بيتقاسمو مع غَيرو بيكون أناني ما بيحِبّ إلّا حالو، أكيد رح بيضلّ طول عمرو جوعان.

بس يلّي بيفكِّر بغيرو وبيتقاسم معو خيرات الأرض بيعيش الحُبّ والمشاركة، بيكون فرحان ومكتفي وربحان.

تَ نقدر نعيش الحُبّ ما لازم نخبّيه بقلوبنا ونتركو إلنا وحدنا لازم نتقاسمو مع الآخرين وهيك الحُبّ بيزهِّر وبيعطي ثمر وثمارو بتدوم للأبد، والله معك.

[walaa farouk]

ميرسي على زوادة اليوم
ربنا يفرح قلبك

[Mary Naeem]

شكرا على الزوادة
ربنا يفرح قلبك