حاجات متعملهاش مع بنت

[Rena Jesus]

حاجات متعملهاش مع بنت

1- انك تسخر من حاجة البنت بتحبها
البنات بطبيعتهم مختلفين عن الولاد فَمتسخرش من برنامج بيبحوه على التلفزيون او مجلة معينة او اى حاجة هى بتحبها وتكون فى نظرك تافهه
لانك مش هتحب سخريتهم من لعبك للبلاى ستيشن على سبيل المثال!

2- انك تلومها على وزنها الزائد
الموضوع ده حساس بالنسبة للبنت..
هى عارفة ومتضايقة من وزنها فانك تقولها بلاش قطعة البيتزا الزيادة دى عشان متتخنيش ده شئ خطير جدًا.. احذره!

3- انك تحاول تحل كل مشكلة
البنت بتحب تتكلم جدًا وتطلع اللى جواها.. سيبها تحكى واسمعها..
لو طلبت منك حل فكّر معاها.. لو مطلبتش متحاولش تحل المشكلة وصدقنى هتكون شاكرة ليك جدًا..
اصلها ساعات بتكون عارفة الحل بس كل الفكرة انها حابه تحكيلك

4- انك تطلب منها انها تضحك وتصمم على ده ..
مساحة مشاعر البنت كبيرة وتقلباتها المزاجية كتيرة..
فى وقت هتلاقيها حزينة و وقت عصبية واوقات بتضحك..
استحملها فى الاوقات اللى بتكون حزينة او عصبية فيها لانك لو طلبت منها تضحك هتعتبره استهانة بمشاعرها

5- انك ترد عليها بكلام مختصر (اياك)
البنت بسهولة اوى بتحس احساس عدم الاهتمام حتى لو غلط بس دايمًا استعدادها موجود..
لو انت مهتم لازم تبين ده واوعى ترد ردود مختصرة

6- انك تخلف وعد
ثقة البنت فيك واحساسها بِالامان بيتكون بشكل كبير من مدى تنفيذك للوعود..
لو مش بتنفذ وعودك متستناش انها تثق فيك

7- انك متسمعهاش
انك تسمع الكلام اللى بتقوله وتقول "ممممممممممم" ده انساه تماما لو عاوز متضيعهاش..
تفاعل معاها، اسمعها و رد على كلامها و اسأل اسئلة كمان

[walaa farouk]

تفاعل معاها، اسمعها و رد على كلامها و اسأل اسئلة كمان
ميرسي على مشاركتك الجميلة

[Ramez5]

ميرسى للموضوع المثمر
ربنا يبارك خدمتك

[Mary Naeem]

انك متسمعهاش
انك تسمع الكلام اللى بتقوله وتقول "ممممممممممم" ده انساه تماما لو عاوز متضيعهاش..
تفاعل معاها، اسمعها و رد على كلامها و اسأل اسئلة كمان

صح يا قمر

ربنا يباركك حببتي

[Rena Jesus]

ميرسى لمروركم الغالى