تبان هزار بس من جوا نار

walaa farouk · رقم المشاركة : ( 1 ) 16 - 10 - 2019, 11:05 AM

ابشع انواع التنمر

فى حوار مع احد المتهمين فى انتحار شاب
بسبب التنمر والاساءه ليه...
- ايه رأى حضرتك فى الشاب اللى انتحر ده؟
= ايه ياخوانا انا كنت بهزر معاه هههههه..
. هو اللى عيوطه وبيزعل بسرعه
- يعنى حضرتك مش شايف
انه اتحطم نفسياً بسبب الكلام اللى قولتهوله؟
= المفروض يسترجل شويه بلاش شغل المحن ده.. انا بهزر معاه مضربتوش يعنى
-

طب لو حضرتك اتعرضت لنفس التنمر ده.
. كنت هتحس ب اية
= انا محدش يقدر يتنمر عليا...انا واد بيعرف يقصف الجبهه كويس اوى ومحدش يقدر يعلم عليا.
- هو حضرتك قولتله ايه بالضبط؟
= كنت احب اوى احرجه قدام الشله
واخليهم يضحكوا عليه..وافضل اقصف جبهته واتريق على طريقة كلامه...ما هو اللى كوميدى اوى بصراحه.
..كل ما يقول حاجه مبقدرش امسك نفسى انى اتريق عليه..
. انا مش عارف هو كان عايش ازاى وهو "نورمى" كده...لا وايه بقى...اعشق التحفيل على شكله واسلوب حياته...
ده لوحده حتى لو متكلمش ممكن تحفل عليه براحتك..
.مشوفتنيش يوم الاتنين اللى فات...
الشله كلها اشترت مناديل من كتر ما عيطوا من الضحك
على التحفيل اللى حفلته عليه ده...شغل فنادق يابا...
لا وايه...عايز يختار كلية تانيه غير الكليه اللى انا داخلها...
بذمتك مش يستاهل التحفيل؟...
عايز يختار وانا موجود....بس انا مسكتش...
فضلت وراه لحد ما اقنعته ان اختياراته دايماً هتوديه فى داهيه
وهو كده كده رايح فى داهيه....انتو ظالمنى..
.انا خايف عالواد..
فى شوية توابل كده بسيطه..
. لما كان بيعمل اى انجاز كنت لازم اتريق عليه.
..الواد يشخبطلى شوية شخابيط
ويجى يوريهم لصحابه ومش عايزنى احفل..
.ده انا فى دقيقتين ممكن ارسم رسمه اخلى فان جوخ نفسه
يطلب ياخد رقمى...
وكنت كل شويه لازم اسأله...
انت ازاى متعرفش المعلومه دى؟!!
ده انت جاهل جاهل يعنى...ولا انت نافع فى اى حاجه...
.بذمتك انا مش كده خايف عليه؟.
..بتسموه تنمر ازاى يا ظلمه؟!!!
- تحب تضيف ملاحظات تانيه؟
= اه..المفروض كل اللى بيزعلوا دول يعرفوا اننا بنهزر
او خايفين عليهم مش اكتر ههههه..
. ايه يا جماعه بتاخدوا الكلام على صدركم ليه..
.متبقوش قموصه كده ههههههه

تبان هزار بس من جوا في نار بتاكل ف الروح.
. حط نفسك ف موضع الشخص قبل ما تتكلم ف حاجة تخصه

Mary Naeem · 16 - 10 - 2019, 12:11 PM

تبان هزار بس من جوا في نار بتاكل ف الروح.
. حط نفسك ف موضع الشخص قبل ما تتكلم ف حاجة تخصه

صح يا قمر
ربنا يباركك حببتي

walaa farouk · 16 - 10 - 2019, 10:16 PM

ميرسى على مرورك الغالى تبان هزار بس من جوا نار