الهروب إلى مصر ( الهروب من الشر)

[walaa farouk]

الهروب إلى مصر
( الهروب من الشر)



هروب العائلة المقدسة
إلى مصر لما هيرودس عرف من المجوس
ان ملك إسرائيل ولد فراح اضطهد كل الاولاد وموتهم
وملاك😇 جه ليوسف النجار قاله
خذ الصبى وأمه واهرب إلى مصر
ربنا عاوز يعلمنا درس مهم👇🏻 *(الهروب من الشر)*
بلاش تواجه الشر ✋🏻❌
الهروب من مصر = الهروب من الشر ..
هل دا ضعف؟ 🤔
لا...... لو واجهت الشر بتبقي شبهه فأبعد عنه افضل
و الشر هنا بيجى بمعني التجارب و الخطية... ابعد عن الخطية 🚫

⚠️ الهروب من الشر وصية 🤍
دا معنى مهم جدا ✝️
لما ربنا حب يعاقب سدوم وعمورة وحذر لوط قبل كدا
قاله اهرب انت واولادك ومراتك
فلوط لسة عاوز يقعد فى مكان قريب من سدوم 😞

وَكَانَ لَمَّا أَخْرَجَاهُمْ إِلَى خَارِجٍ أَنَّهُ قَالَ: *«اهْرُبْ لِحَيَاتِكَ*. لاَ تَنْظُرْ إِلَى وَرَائِكَ، وَلاَ تَقِفْ فِي كُلِّ الدَّائِرَةِ. اهْرُبْ إِلَى الْجَبَلِ لِئَلاَّ تَهْلَِكَ». سفر التكوين17:19
*اهرب لحياتك ( لازم يبقى شعار فى حياتنا)* 🤗🏃🏻‍♂️

⏺️ الهروب من الشر حياة 🤍
طب ايه عاقبة عدم هروبنا من الشر؟ 🤔
الهلاك هو نتيجة لعدم الهروب من الشر 😟

وَنَظَرَتِ امْرَأَتُهُ مِنْ وَرَائِهِ فَصَارَتْ عَمُودَ مِلْحٍ. سفر التكوين26:19

✝️ *الحياه أساسها الله , الإنسان ليست له حياة في ذاته* 🤍
مصدر الحياة هو ربنا ..
كلامي روح و حياة 🤍 📖
وصيتي هي الحياة عملت الوصية هتعرف تعيش ، بعدت عني و عن الوصية مش هتعرف تعيش. ليس لك حياة فى ذاتك
الموت والهلاك هو نتيجة وعقاب فى نفس الوقت
بتعند مع ربنا انت رايح لهلاكك بتعند مع نفسك
إمرأة لوط كانت عندها التفكير دا فرجعت نظرت ورائها فصارت عمود ملح
وربنا يسوع يذكرها 👇🏻
اُذْكُرُوا امْرَأَةَ لُوطٍ إنجيل لوقا32:17

ساعات كتير الإنسان بيتعلم من النتائج ...
ليه بقول كدا؟
لان ساعات ناس يبقى عندك ميل مزدوج... ( يعنى عاوز اعمل الحاجة دى وعارف انها غلط)
طب ازاى اخلى الجانب الصح هو اللى يبان عندى اكتر؟
شوف النتيجة ◀️( نتيجة كل اختيار ايه؟)

⏺️ العثره و الفساد نتيجه عدم الهروب .🏃🏻‍♂️🏃🏻‍♂️
من زمان المفروض لوط يسيب سدوم وعمورة واكيد جاله أصوات كتيير انه يسيب المكان
انت قاعد فى وسط الناس دى ليه 😏🤔🤔

إِذْ كَانَ الْبَارُّ، بِالنَّظَرِ وَالسَّمْعِ وَهُوَ سَاكِنٌ بَيْنَهُمْ، يُعَذِّبُ يَوْمًا فَيَوْمًا نَفْسَهُ الْبَارَّةَ بِالأَفْعَالِ الأَثِيمَةِ. رسالة بطرس الثانية8:2
طب قاعد ليه.... مشي ورا الفلوس ووراء الفساد فبناته طلعه فاسدين😔
بنات لوط أفسد بنات فى التاريخ كله للأسف 🥺
لان لوط لم يهرب من بدرى

⏺️ *اهرب من ضغوط الشر*
الشر بيضغط ومش بيعرض فساده ولا عروضه مرة واحدة
... الشيطان لا ييأس ابدا
زي إمرأة فوطيفار و يوسف الصديق... لم تعرض عليه الشر مرة واحدة بل مرات كتيير ( يوم ورا يوم)
*( فترك ثوبه في يدها و هرب و خرج إلي الخارج)*🤍.
لو لم يهرب يوسف مكانش هايبقى يوسف الصديق العفيف مخلص مصر والعالم فى زمنه كرمز للمسيح ( خبز الحياة)
كتيير من الناس تقع في الشر لانه انضغط عليه ☹️
فلما يبقى فيه ثغرة مفتوحة ممكن تيجى منها الشر من فضلك اقفلها.... اقفل تماما ( اهرب من تلك الدائرة)

⏺️ *اهرب من الشر حتي لو هناك خسارة مؤقتة*
وربنا يسوع نبه بشدة 👇🏻
فَإِنْ أَعْثَرَتْكَ يَدُكَ أَوْ رِجْلُكَ فَاقْطَعْهَا وَأَلْقِهَا عَنْكَ. خَيْرٌ لَكَ أَنْ تَدْخُلَ الْحَيَاةَ أَعْرَجَ أَوْ أَقْطَعَ مِنْ أَنْ تُلْقَى فِي النَّارِ الأَبَدِيَّةِ وَلَكَ يَدَانِ أَوْ رِجْلاَنِ. وَإِنْ أَعْثَرَتْكَ عَيْنُكَ فَاقْلَعْهَا وَأَلْقِهَا عَنْكَ. خَيْرٌ لَكَ أَنْ تَدْخُلَ الْحَيَاةَ أَعْوَرَ مِنْ أَنْ تُلْقَى فِي جَهَنَّمِ النَّارِ وَلَكَ عَيْنَانِ. إنجيل متى9-8:18.
هل ربنا عاوز يدخل السما ناس عُرج وعمى 🤔؟
اكيد لا.... لكن لو وصلت للدرجة دي انك تعمل كدا 😮 فاعمل كدا
هى مش بشكل حرفى لكن اقطع رجلك عن المشوار الغلط 🦵🏻🦵🏻
غمض عينيك عن المنظر الغلط 👁️👁️
دا المعنى المقصود 👍🏻
لو اصحابك هايخسروك ربنا.... اخسرهم حتى لو قعدت وحيد 👤 بكرة وبعده يبقى ليك أصحاب افضل فى دواير تانية 🫂... حتى لو خسرت فلوس مؤقتة💸... او علاقات مؤقتة.👥... او يقولوا افقك ضيق🤷‍♀️... يقولوا اللى يقولوه🤗
اكسب السماء وحياتك الأبدية دا الأهم 😇

⏺️⚠️❗. أهرب من طقس الخطيه
و كلمه طقس معناها نظام مش مرتبطة فقط بالكنيسة
حتى الخطية ليها نظامها 😓
*اكسر طقس الخطية* 👇🏻
زي الأشخاص ، الأماكن ، الاشياء
الأشياء ◀️ بتفكرك بوقت الخطية دا
الأشخاص ◀️ اللى كنت بتعمل الخطية معاهم
الأماكن ◀️ متعديش حتى من الشارع اللى عملت فيه الشر

( اكسر طقس الخطية) 🙏🏻

⏺️ *اهرب من الخصومات*
الخصومة شر 👇🏻

غَيْرَ مُجَازِينَ عَنْ شَرّ بِشَرّ أَوْ عَنْ شَتِيمَةٍ بِشَتِيمَةٍ، بَلْ بِالْعَكْسِ مُبَارِكِينَ، عَالِمِينَ أَنَّكُمْ لِهذَا دُعِيتُمْ لِكَيْ تَرِثُوا بَرَكَةً. رسالة بطرس الأولى9:3
طول ما انت بتقول شتمونى فشتمتهم ودا رد فعل طبيعى تبقى مش تائب 🙄
دعوتك كمسيحى ترد الشتيمة بالبركة 🥰
لو شابهت اللى شتمك فشتمته
لو شابهت اللى بيكذب عليك فكذبت عليه
لو شابهت اللى قصر معاك فقصرت معاه
انت بقيت شيطان 🤦‍♂️😈 جمعت كل الخطايا فى نفسك
فاهرب من الخصومة 🤝

لاَ يَغْلِبَنَّكَ الشَّرُّ بَلِ اغْلِبِ الشَّرَّ بِالْخَيْرِ. الرسالة إلى رومية21:12

ابونا ابراهيم لما رعاة لوط اتخانقوا مع رعاته رفض الخصومة.... المهم البركة 👇🏻
فَقَالَ أَبْرَامُ لِلُوطٍ: «لاَ تَكُنْ مُخَاصَمَةٌ بَيْنِي وَبَيْنَكَ، وَبَيْنَ رُعَاتِي وَرُعَاتِكَ، لأَنَّنَا نَحْنُ أَخَوَانِ. سفر التكوين8:13.
✝️لازم نرجع نشوف أهداف حياتنا ايه ونرتبها
( نرتب علاقتنا ) 🙏🏻
علاقتي مع ربنا وعلاقتى بالوصية و علاقتي مع اخواتي و علاقتي مع اولادي. ..

العلاقة مع الله علاقة حقيقية فيها اتحاد مع شخص المسيح
والعلاقة مع شريك الحياة فى البيت واصحابنا ومعارفنا
العلاقات دي بتبقي اهم من الفلوس وأهم من التعليم وأهم من الشغل وأهم من أى شئ ♥️🙏🏻
الحياة بدون علاقات حقيقية ملهاش معنى 🥹

*⏺️ اهرب من الشر و شبه الشر*
( جلسات النميمة ، المناظر المعثرة ، الاخبار المقلقة )
احنا عاوزين نروح السما 🙏🏻

اَلذَّكِيُّ يُبْصِرُ الشَّرَّ فَيَتَوَارَى، وَالْحَمْقَى يَعْبُرُونَ فَيُعَاقَبُونَ.
سفر أمثال سليمان 3:22
انت مش كبير على الشر خاف على نفسك
اللى هدفه واضح ومرتب أولوياته صح مش بيغير من الأشرار 👇🏻

جَاهِدْ جِهَادَ الإِيمَانِ الْحَسَنَ، وَأَمْسِكْ بِالْحَيَاةِ الأَبَدِيَّةِ الَّتِي إِلَيْهَا دُعِيتَ أَيْضًا، وَاعْتَرَفْتَ الاعْتِرَافَ الْحَسَنَ أَمَامَ شُهُودٍ كَثِيرِينَ. الرسالة الأولى إلى تيموثاوس12:6

❤️❤️❤️❤️❤️