صباح الخير ايها الفرح المسيحى السبت 16-9-2017

[walaa farouk]

صباح الفرح على الفرح المسيحى
صباح الحب على منتدانا الغالى ....صباحكم بسمة وتفاؤل
ابدا يومى معكم كعادتنا دائما وحديث الاحباء ... الحديث مع من تحبة نفسى
وفقرة الصلاة .....





شكراً لك إلهي

شكرا لك إلهي"أحمد الربّ بكل قلبي. أحدث بجميع عجائبك. أفرح وأبتهج بك. أرنم لاسمك أيها العليّ" (مزمور 9: 1-2). عجز لساني عن التعبير، وتوقّف قلبي عن التحرك، وتاهت مني أفكاري عندما بادرت لأشكر الرب، فوجدت نفسي لن أستطيع لا بالكلام ولا بالصمت أن أوفي يسوع بما فعله من أجلي. لهذا أريد فقط أن أقول "شكرا لك إلهي".

1- شكرا إلهي على الحرية: "إذا لست بعد عبدا بل إبنا وإن كنت إبنا فوارث لله بالمسيح"(غلاطية 4: 7). نعم حررني يسوع وجعلني حرا من الخطية ومن براثم إبليس الذي كبلّني لسنين طويلة. ولكن نعمة الرب و إيماني الجدي بالمسيح أعطاني عربون الحرية لكي أتبرر أنا من خلال كمال المسيح. لهذا أقول "شكرا لك إلهي ".!!!

2- شكرا إلهي على العناية: "إلق على الرب همك فهو يعولك. لا يدع الصّديق يتزعزع الى الأبد" (مزمور 55: 22). إذ أحاطت بي الهموم فأنت تتدخل لإنقاذي. إذا شعرت بالمرض الشديد فأنت تبلسم جراحي، واذا سرت في وادي ظل الموت لا أخاف شرا لأنك معي. وإن كانت مشاكل الكون فوق رأسي فأنت بجناحيك تظلّلني لتخفف عني آلامي. لهذا أقول "شكرا لك إلهي"!!!

3- شكرا إلهي على محبتك: "بهذا أظهرت محبة الله فينا أن الله قد أرسل إبنه الوحيد الى العالم لكي نحيا به" (1 يوحنا 4: 9)، وهل يوجد أجمل وأعظم وأدهش من هكذا محبة، الله الآب بذل ابنه الوحيد لكي نحن ننال الغفران الكامل والخلاص الكامل من خلال ربنا وفادينا يسوع المسيح. فهذه المحبة الموجودة فينا هي جزء صغير من هذه المحبة الواسعة الموجودة عند الله التي لا توصف. لهذا أقول "شكرا لك إلهي"!!!




ايه اليوم ....



الاشبال احتاجت وجاعت واما طالبو الرب فلا يعوزهم شئ من الخير ( مز 34 : 10 )




اكتر دعوة حبيتها"


ربنا يرزقك بواحد متهونيش عليه
سمعت كتير"ربنا يرزقك بواحد يحبك ويصونك"
"ربنا يوعدك بواحد هني وغني"
"ربنا يرزقك بواحد يخاف ربنا فيكي"
بس هو ممكن يحبني...واهون عليه ممكن يبقى غني..... واهون عليه ممكن يتقي ربنا وميعملش حاجة حرام...
لكن اهون عليه فكرة انك تبقى ف علاقة عارف ومتأكد انك مش حتهون على الي قدامك، مهما غلطت، مهما سرحت، مهما بعدت، مهما حصل، هيعمل كل حاجة، الا انك تهون عليه....
ميهونش عليه زعلك، انشغالك، سهرك، تعبك، وحدتك، شيلك للهم لوحدك،
ميهونش عليه حد غيره الي يخفف عنك،
ميهونش عليه انك تهون عليه،
ميهونش عليه يبقى الوجع منه مش من الدنيا،
ميهونش عليه ميبقاش جنبك ف نجاحك او فشلك...
دي منتهى معاني الامان، والحب غير المشروط.
فكرة انه يبقى قادر يسيبك، وقادر يقسى، وقادر يفكر ف نفسه بس ويكبر دماغه وميشيلش همك،
لكن يختار"متهونش عليه" دي تخليك تسيب نفسك، تخليك مش خايف. تخليك واقف على ارض صلبة، تخلي الي قدامك دا مربوط بيك بصلة قريبة لصلة الدم،
لانها زيها ملهاش فكاك... لانك مش بتهون عليه
ربنا يرزقنا واياكم بناس منهونش عليهم





"ليه يا رب اشمعنى أنا ؟ "




ليه بيحصللِّى كده ؟ اشمعنى أنا " عبارات قلتها كتير .. وانتظرت أكثر ولكن للأسف : لا إجابة
لقيت ربنا بيقوللّى : أجاوبك بتاع إيه ؟ وأجاوبك ليه ؟ .. هوه فيه علاقة شخصية بينى و بينك علشان أجاوبك ؟!؟ ... اللى بيني و بينك عامل زى الشارع الـ one way .. شارع اتجاه واحد .. من تحت لفوق بس .. شارع مابتمشيش فيه غير عربيّات ماركة : " طلبات " و ماركة " تظلمات" ، و كل فين و فين لمَّا تمر فيه عربية ماركة : " تشكرات " … !!! لأنك لمّا بتقعد قدَّامى ( ده لو قعدت أصلاً ) بتقول الكلمتين اللى عندك وبتجرى ... مابتستنّاش علشان تسمعنى عايز أقولّك إيه أو عايز منك إيه .
سَكتّ .. هاقول له إيه ؟ .. ما هى دى الحقيقة .. أنا على طول مشغول و ورايا 100 حاجة .. وما بفتكرش ربنا إلاَ لما تحصللّى مصيبة ! .. وقتها باصرخ وأقول له : " إلحقنى " و " ليه يارب ؟ " إلى آخر قائمة الشكوى و الاعتراض ... مع إن على العكس ، لما بيدِّينى عطية ، ماباقولش " ليه يارب ؟ " و يا افتكرت أشكره ، يا مفتكرتش !
فى وقت ما ، زادت علىَّ الضغوط جداً
.. وحصللّى زى ما بيقول الكتاب :
" هكذا قال الرب : أُضيِّق عليهم لكي يشعروا " . أرميا 10: 18
وشعرت فعلاً إني لازم أعيد حساباتى مع نفسى … دلوقت أمامى طريقين وقائدين مالهمش ثالث :
(1) طريق إبليس . (2) طريق الله
* بالنسبة لطريق إبليس : كلنا عارفين إن مافيش أسهل من إن الواحد يعمل الخطية !!… ده حتّى عم بولس قال : " حينما أريد أن أفعل الحسنى ، أجد الشر حاضر عندى" رومية 7: 21 تخيَّل لما بولس نفسه يقول كده !! يعنى أنا مش لوحدى فى الخيبة دى ..
طب و القائد فى الطريق ده . اسمه إيه ؟ اسمه : (1) الشيطان : يعنى المقاوم … مقاوم لكل عمل روحى بيعمله الله فى وسط شعبه . (2) إبليس : يعنى المشتكى .. ينصب لك الفخ .. ولما تقع فيه .. يروح يشتكى عليك عند الله ! (3) الكذَّاب و أبو الكذَّاب : يعنى ما يقولّكش حاجة صح أبداً … ده غير أسماء تانية كتير … من ضمنها : الشرير ، القتَّال ، المجرِّب ، عدو الخير ، رئيس سلطان الهواء ، رئيس سلطان هذا العالم … مش بس كده .. ده من بجاحته .. تبقى ماشى وراه .. و على قد ما يقدر يذلَّك ويبهدلك !!
فى طريق إبليس : ذل و بهدلة و نكد.
طب و بعد الموت ؟
بعد الموت .. بعيد عنك … هاكون فى مكان فيه حريقة ليل نهار … و مافيهوش مصلحة مطافي تِطفِّي … لأن مافيهوش مصلحة مياه أصلاُ ( يعنى مش هلاقى ميه أبل بيها ريقى )بالنسبة لطريق الله :
الكتاب بيقول : " ما أضيق الباب و أكرب الطريق الذى يؤدى إلى الحياة ، وقليلون هم الذين يجدونه !" متى 7: 14
يعنى الشخص اللى هايمشى فى الطريق ده ، لازم يكون سوبر مان علشان يقدر يقول للخطية :
" لو اتنططِّى قدَّامى … مش هاعملك برضه !!"
طب أروح فين أنا ولاَّ أعمل إيه ؟ … ده أنا باقول للضعف : " قوم وأنا أقعد مكانك …" يعنى حتى يا رب لو أنا اخترت طريقك … مش هاعرف أمشى فيه.
لقيته بيقوللى : لا يا حبيبى ، الموضوع مش متوقِّف عليك أنت … ضعيف ولاَّ قوى ، لأن : " الخطية خاطئة جداً " رومية 7: 13 " مش بس كده … ده التقرير الإلهى صدر بإن :
" الجميع أخطأوا و أعوَزهم مجد الله " رومية 3: 23
افتح كتابك المقدس واقرا يوحنا 15: 5
"أنا الكرمة وأنتم الأغصان. الذي يثبت فىّ وأنا فيه، هذا يأتي بثمر كثير، لأنكم بدوني لا تقدرون أن تفعلوا شيئاً."
واخد بالك في كلمة " بدونى " بعد النون فيه إيه ؟ .. " الياء " دى بتعود على المسيح .. يعنى بدون المسيح ، أنت ولا هتصد ولا هترد !.. لكن لما هتبطّل تمشى بدماغك ، وتسلمنى حياتك .. هتقدر تقول مع عمّك بولس : " أستطيع كل شئ فى المسيح الذى يقوِّيني. " فيلبى 4: 1
لأن وقت ما هتسلِّم حياتك للمسيح ، هو اللى هايخلِّيك تمشّى جسدك بالطريقة اللى تليق بواحد من أولاد الله لكى " لا يستحى بهم الله أن يُدعَى إلههم. " عبرانيين 11: 16 ، و هاشبَّعك و أفرَّحك .. و هتقدر تقول :
دوسي يا نفسي بعز... على كل المغريات (قضاة 5: 21 )
يمكن ظروفك ما تتغيّرش.. لكن إنت اللى هتتغيّر … واللى كان بيسعدك وقتياً زمان .. أصبحت تنفر منه الآن … وهتلاقي روحك إن إنت مابقتش إنت … بقيت واحد تانى … واحد جديد :
طب و القائد فى الطريق ده … اسمه إيه
الاسم الأول : " المحبه "
لما بحث الناس عن كلمة يخبروا بيها عن طبيعة الله اختاروا كلمة " المحبة " : ( الله محبة )
" ليس لأحد حب أعظم من هذا : أن يضع أحد نفسه لأجل أحبائه ". يوحنا 15: 13 " هكذا أحب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الأبدية ." يوحنا 3: 16
- معلش يا رب .. أنا عايز أقولّك إن إنت أكيد بتحب بس اللى بيحبّوك ... اللى عايشين لك .. اللى مش بيقولوا لك زيّى : كان نفسى أصلّى و أقرا في كتابك ، لكن أعمل إيه ؟ .. مافيش وقت !…
وإنت مافيش فيك حاجة عِدلة تتحب … بحبك
وأنت مدينى ظهرك ومشغول عنى … بحبك و مستنّيك بكيت ....
وكل يوم
نطلب من يسوع ان يجعلنا بالحب نعرف كم هو مقدار الحب المقدم لنا منه
فحب يسوع هو كل الحب

.

جرب كده :

في وقت ضعفك والناس نسياك امسك في ايد ربنا وقوله انت المعين .
جرب كده :
في وقت حزنك وألمك تقف قدام ربنا وتقوله انت فرحي وسروري .
جرب كده :
في وقت تجاربك الصعبه تشكر ربنا وتقول يا مشكله في اله اقوي منك

نصيحة فكر فيها وحاول أن تعمل بها



☝🏾لا تبحث عن قيمتك فى اعين الناس، فالغالبية غير راضون عن أنفسهم وبالتالى لن يكونوا راضين عنك
☝🏾ابحث عن قيمتك فى ضميرك ، فإذا ارحت ضميرك ، ارتفع مقامك واحترامك لنفسك وسوف يحترمك الآخرون
☝🏾ابحث عن قيمتك فى أعين الله، فهو المخلص الدائم ولا يتغير وإذا عملت بوصاياه سترتاح وتشعر بقيمتك
☝🏾واذا عرفت نفسك ، فلن تهتم بما يقال عنك لأن الناس يحكمون حسب مصالحهم الخاصة وظروفهم وحالتهم النفسية








كانت هذه اخر فقراتنا سعدت جدا بلقائكم ...واتمنى ان اكون اسعدتكم انتظرونى السبت القادم ............

[souad jaalouk]

[souad jaalouk]

[walaa farouk]

ميرسي على مرورك الغالى

[Mary Naeem]

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى