زوّادة اليوم: كلنا عنّا إشيا ايجابيّة وإشيا سلبيّة : 25 / 3 / 2020 /

[souad jaalouk]

زوّادة اليوم: كلنا عنّا إشيا ايجابيّة وإشيا سلبيّة

بيخبرو عن فحمة قاعدة زعلانة كيف قالولها انّو هيّي مؤذيّة بتحرق غيرها. اجت عند امها عم تخبّرها، قالتها الأم: مش مزبوط انّك مؤذيّة انتي بس يحطّوكي عالبخّور بتطلع ريحة حلوة كتير، بس يولعوكي بيحَضرو اكل مشوي، بس يحطّوكي عالأرغيلة بيتسلّو ساعات... انتي طبيعتك قلبك نار و اكيد النار بتحرق بس كمان انتي ما بتفتري عا حدا، اللي احترق هوّي اللي ما انتبه يحملك منيح! الزوّادة اليوم بتقلّك كلنا عِنّا اشيا ايجابيّة و اشيا سلبيّة بس كمان في اشيا ما بيكون الحقّ علينا فيها! يسوع ما علّمنا نسكت عن الحقّ ابدا بس كمان وقت منغلط لازم نعتذر و بنفس الوقت اذا حدا غلط بحقنا نسامحو...اوقات منتخبّط بين كتير مشاعر و ما منعرف نتصرّف بس تذكّرو: "كُونُوا لُطَفَاءَ بَعْضُكُمْ نَحْوَ بَعْضٍ، شَفُوقِينَ مُتَسَامِحِينَ كَمَا سَامَحَكُمُ اللهُ أَيْضًا فِي الْمَسِيحِ" (رسالة بولس الرسول إلى أهل أفسس 4: 32)...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

آمين يا رب