|
 |
 |
 |
|
رقم المشاركة : ( 1 )
05 - 12 - 2021, 04:27 PM
|
|||||||||||
|
|||||||||||
 كتير لما بنمر في أوقات صعبة ومؤلمة، بتيجي في بالنا أسئلة كتير لربنا.. زي مثلاً: ليه يارب يحصل لي كده؟؟ و اشمعنى أنا اللي أقابل الشر ده كله في حياتي؟ وأيه الهدف من كل الشر والألم اللي بمر بيه؟ وفي الغالب مش بنلاقي للأسف رد واضح وصريح للأسئلة دي.. وساعات بنحس إن الله صامت وغامض ومش عاوز يرد علينا.. لكن الحقيقة الله رد علينا من حوالي 2000 سنة، من خلال أعظم حادثة شريرة حصلت في تاريخ البشرية، لما المسيح اتعذب واتهان ومات على الصليب وهو بريء.. المسيح مر بأشد أنواع الألم اللي ممكن إنسان يمر بيها.. محدش قدر يثبت تهمة واحدة على المسيح يستحق بسببها الموت.. لكنه قرر إنه يقدم حياته على الصليب فداء للإنسان، واتكتب عنه في الكتاب المقدس إنه كان رجل أوجاع ومختبر الحزن (إش53: 3). طيب ليه المسيح اتألم بالشكل الفظيع ده!؟ لأسباب كتير جداً، لكن منها إنه يشعر بآلام البشر كلهم.. اتقال عن المسيح "لأَنَّهُ فِي مَا هُوَ قَدْ تَأَلَّمَ مُجَرَّبًا يَقْدِرُ أَنْ يُعِينَ الْمُجَرَّبِينَ." (عب 2: 18) الكتاب المقدس مش بيفسر لنا في أوقات كتير أيه هي أسباب الألم.. لكن بيقدم لينا إعلان أعظم.. إن الله بنفسه مر بالآلام اللي إحنا بنمر بيها.. ودي أعظم حاجة مُعزية لينا، إن الله بيتألم معانا.. وأنت في وسط ألمك وتعبك، خلي عندك ثقة إن الله قريب منك.. حاسس بيك وبتعبك، لأنه مر بيه من قبلك. اعظم شر حصل في التاريخ 
|
|
| قد تكون مهتم بالمواضيع التالية ايضاً |
| الموضوع |
| لو لم يكن يسوع المسيح اعظم رجل في التاريخ لما بدأ التاريخ بميلاده |
| من اعظم الquotes ف التاريخ |
| اعظم قصة حب فى التاريخ |
| اعظم قصة حب في التاريخ |
| اعظم الامبراطوريات في التاريخ |
العرض الشجري