تكات وحركات لست البنات

[walaa farouk]

بصوا بقا يابنات الموضوع ده هنزل فيه كل تكات وحركات ست البنات وست الستات كمان

هنزلكوا دايما شوية نصائح لبيتك ولمطبخك ولحياتك كست عموما تابعونى هنا وكل يوم نصيحة جديد لست الستات
ويارب تستفيدوا معايا ياقمرات




1--الملوخيه انتى وبتسويها متضعيش عليها الغطاء الا وقت الطشه وتشليها علشان متسودش منك وتفصل
*****************
2--بعد ما تقورى الباذنجان ادعكى ايدك بليمونه علشان متسودش او البسى جونتى وانتى بتقورى
*****************
3--بعد ما تخلصى خلطه المحشى وقبل ما تحشى ضعى للخلطه ربع كوب زيت بتخلى المحشى يلمع وطعمه جميل "
*****************
4--لو بتعملى الرز بالسمنه يبقى اول ما تضيفى الميه ابقى ضعى فى الماء معلقة زيت علشان يطلع مفلفل وبيلمع "
*****************
5--قبل ما تقلى الباذنجان رشى عليه ملح وحطيه فى مصفاه على الحوض هينزل كل الميه ومش هيشرب زيت فى القلى "
*****************
6--اللحوم وهى بتتسلق لو عاوزه تزودى ماء زودى لها ماء مغليه وليست ماء ساقعه لان الساقعه هتخليها من غير طعم "
*****************
7--وانتى بتعملى صنية رقاق ضعى ربع معلقة شاء بيكنج بودر فى الشربه اللى هتزقى بيها الرقاق هيبقى مورق ومش هينشف منك
******************
8--الكفته اعمليها بالبرغل هيمتص الميه وهيحافظ على حجم الكفته "
******************
9--ضعى معلقة ماء مثلجه فى بيض البانيه .هيفضل الزيت نظيف لحد اخر قطعه "
******************
10--استبدلى اللبن فى الكيك بااى مشروب غازى مثل الميرندا او السفن اب هيخليها هشه ومرتفعه "


استنونى بكرة ونصايح تانية جديدة ....

[Mary Naeem]

شكرا على المعلومات

ربنا يباركك

[walaa farouk]

ميرسى على مرورك الغالى مرمر

[walaa farouk]

شويه نصايح كده ع الماشي
* ارمي كل الازايز والبرطمانات والكوبايات المكسرة والاكياس البلاستيك المقطعه واي حاجه ملهاش لازمة في المطبخ
* كل يوم اغسلي فوط المطبخ ولو حتي بشويه صابون وانتي واقفه ع الحوض وانشريها ودخليها تاني يوم ااصبح هتبقي نضيفه وملهاش ريحه
* لما تخلصي وتغسلي مواعين العشا حطي حله ميه بتغلي وفيها ليمونه وشويه خل هتخلي ريحه المطبخ نضيفه جدا
* عودي ولادك يلموا اللعب بعد اما يخلصوا واعمليلهم باسكيت كبير او كرتونه للعب ولو مسمعوش الكلام لميهم انتي وحطيهم في مكان عالي يشوفوه ولما يطلبوهم منك قوليلهم لا عشان مش بتلموها وسيبيهم يزنوا شويه عشان لما يخلصوا يلموها
* رتبي الدولاب اول بأول قبل ما تدخلي الهدوم عشان ميتكركبش
* لو عندك بيبي خلي دايما جنبك فوطه صغيرة عشان تمسحي بيها اول بأول ايده قبل ماهو يمسحها في الملايات والكراسي
* اوعي تحطي حلل في التلاجه فضي الاكل في علب بلاستيك عشان تحافظي علي نظامها ونضافتها
* لو عندك بنوته علميها تلم التوك في علبه وليها غطا عشان الكركبه
* علمي بنوتك تدخل التواليت لوحدها وراقبيها من بعيد وخلي دايما معاها فوطه تنشف بيها بعد الحمام وتغير البانتي بتاعها مرتين في اليوم ع الاقل
* لو عندك بيبي اقل من اربع سنين شيلي كل الاوكر بتاعه الادراج والدواليب عشان ميعرفش يفتحها ويطلع اللي جواها وتيجي انتي تصوتي وفي الاخر تقعدي تلميها طول اليوم
* هاتي مفرش جلد حوالي مترين وحطيه ع السفرة وقت الاكل عشان تحافظي عليها وبعد الاكل امسحيه بقماشه وشويه ديتول
* غودي نفسك انتي وولادك تشربوا كوبايه ينسون كل يوم عشان تحافظوا علي صحتكوا
* خلي عندك دايما لبان وشيكولاته وبالونات ولما ولادك يسمعوا كلامك اديهم وفرحيهم عشان يسمعوا كلامك دايما
* قبل ما تنامي رشي شويه صابون او شاور او معطر في قاعده الحمام
* لو في يوم حد من ولادك تعبان او مأريف اقعدي جنبه مش مهم تروقي وتنضفي وتطبخي في اليوم ده
* افرشي مشمع فوق الدواليب عشان التراب
* في مثل قديم بيقول ....حاجه البدريه مقضيه.... يعني اصحي بدري يومك يبدأ بدري هتخلصي شغلك بدري وباقي اليوم بتاعك انتي وولادك شويه مذكرة وشويه ولادك يلعبوا وشويه اهتمي بنفسك
* عودي ولادك. جوزك دايما يشوفوكي في احسن شكل حتي وانتي في المطبخ عشان يبقوا زيك وتبقي نفسيتك احسن وبلاش ربطه سعديه في المطبخ والشراب المعفن اللي فرده وفرده
* واخيرا مهما حصل في يومك من مشاكل وحوارات وشغل كتير وعصبيه ولادك وزنهم وطلباتهم اللي مبتخلصش ارمي كل ده ورا ضهرك وبلاش تتعصبي وتزعقي وفي الاخر انتي بتعملي كل حاجه يبقي ان جالك الغصب خوديه بجميله فرفشي وانتي بتشتغلي عشان نفسيتك ترتاح وتخلصي بسهوله

[walaa farouk]

معلومة للأفادة ✋
دوره الخل للغسالات الفل اوتوماتيك 🔊🔊🔊🔊🔊🔊🔊🔊
ما هى دوره الخل
دوره الخل هى عمليه نظافه عامه للغساله الفل اوتوماتيك وهى تحافظ على رومان بلى الغساله وتحافظ على عمر الحله الداخليه وتجعل دائما الغساله نظيفه من الداخل ومن المناطق التى يصعب الوصول اليها
1- اجعلي الغساله فارغه من اى غسيل متبقى
2- ان كانت الغساله مستهلكه من 5دقائق فيجب راحه الغساله ساعتان ونصف قبل عمليه دوره الخل
3-ضعي فيشه الغساله وتاكدي من دخول المياه ووجود مياه فى خط المياه
4-تاكدي من خرطوم الصرف هل واصل الى ماسوره الصرف
5-احضري مقدار1/2 لتر خل وضعيها فى درج الصابون وفى الخانه الوسطى
6-وافتحي صنبور المياه وضعي الفيشه
7-اضبطي تايمر الغساله على برنامج c
8-اضبطي الحراره على درجه 70 درجه مئويه
ملحوظه يوجد بعض انواع الغسالات غير موجود بها ثرموستات لضبط الحراره فى هذه الحاله يجب عدم الضغط على مفتاح الغاء الحراره
9- اضغطي على زر التشغيل او اسحبي اكره التايمر للخارج هذا بالنسبه لانواع اخرى تعمل على سحب اكره التايمر للخارج
10-اتركي الغساله تعمل وحدها ستستهلك الغساله حوالى ساعه ونصف من الوقت فى حوالى ساعه ونصف
ماذا يحدث فى الغساله من الداخل تعالو نعرف
عندما وضعنا الخل وضبطنا الحراره على الدرجه العاليه بدات الغساله تسحب الماء بالخل وعندما سحبت الغساله المقدار المطلوب بدات بالدوران وتقليب الخل بالماء وهو على درجه الحراره العاليه يعمل الخل فى هذه الحاله على اذابه الاملاح من الحله الداخليه وكل هذا فى ساعه ونصف تخيلي انتي ذلك وعند الانتهاء من الدوره يجب اتباع التعليمات الاتيه
1- تنظيف الفلتر الخاص بالغساله وسوف ترين الاملاح المترسبه فى الفلتر بعد استعمال دوره الخل
2- يجب استعمال دوره الخل كل شهر
سترين ما تخرجه الغساله من املاح مترسبه بالغساله

[walaa farouk]

نصائح لتنظيف المطبخ
1--لتنظيف سيراميك المطبخ سواء كان الجدران او الارض يذاب قليل من الخل الابيض وقطرات من عصير الليمون فى ماء فاتر ويلمع به السيراميك فيرجع له بريقه ولمعانه "
*************
2--لازالة اثار البيض من الاوانى والمعالق تفرك بقليل من الملح الخشن وتشطف بالماء الساخن وتجفف "
*****************
3--لتنظيف الابواب البيضاء تنظف بماء به ورق بصل مغليه "
*****************
4--للاحتفاظ برائحة المطبخ يمكن وضع قطرات من ماء الكلونيا اثناء المسح وهى افضل من المطهرات العاديه لانها تبقى لمده طويله "
*****************
5--حتى تحافظى على برودة الثلاجه انزعى الفيشه لمدة عشر دقائق كل عشرة ايام ثم يعاد مره اخرى للمحافظه على قوة التبريد "
******************
6--من نصائح مجربه تغسل الثلاجه مره كل عشر ايام بالماء والصابون وتشطف بماء به خل وماء ورد "
******************
7--بعد عملية تنظيف الثلاجه لاتستعمليها ولا ترصى فيها الاطعمه لمدة ساعتين "
*******************
8--لتخلص من الدهون داخل الزجاج اغسليها بماء ساخن وملح خشن "
*********************
9--حاولى تنقعى المفاتيح الخاصه بفتح المعلبات فى خل وليمون مره كل شهر ثم شطفها وتجفيفها حتى تحافظى على حدتها"
*********************
10--لو فى ريحه وحشه فى مطبخك من الاكل حطى قشر ليمون فى ماء واغليها على النار من غير غطا الحله وشمى احلى ريحه فى المطبخ

[walaa farouk]

-1 ﻻ ﺗﻐﺴﻠﻲ ﺍﻟﺨﻀﺮ ﺍﻟﻮﺭﻗﻴﺔ ﺑﻌﺪ ﺗﻘﻄﻴﻌﻬﺎ ﻷﻥ ﻫﺬﺍ
ﺧﻄﺄ ﻛﺒﻴﺮ، ﻓﺎﻟﻤﺎﺀ ﺳﻴﺄﺧﺬ ﻣﻌﻪ ﺃﻛﺜﺮ ﻣﻦ ﻧﺼﻒ
ﺍﻟﻤﻨﺎﻓﻊ ﺍﻟﺘﻲ ﺗﺤﺘﻮﻳﻬﺎ ﻫﺬﻩ ﺍﻟﺨﻀﺮ.
-2 ﻻ ﺗﺴﺘﻌﻤﻠﻲ ﻛﻤﻴﺔً ﻛﺒﻴﺮﺓً ﻣﻦ ﺍﻟﻤﺎﺀ ﻋﻨﺪ ﺳﻠﻖ
ﺍﻟﺨﻀﺮ، ﻷﻧﻬﺎ ﺑﺬﻟﻚ ﺳﺘﻔﻘﺪ ﺍﻟﻜﺜﻴﺮ ﻣﻦ ﺍﻟﻔﻴﺘﺎﻣﻴﻨﺎﺕ
ﺍﻟﺘﻲ ﺗﺤﺘﻮﻱ ﻋﻠﻴﻬﺎ.
-3 ﻻ ﺗﻐﻄِّﻲ ﺍﻹﻧﺎﺀ ﺃﺛﻨﺎﺀ ﻃﻬﻲ ﺍﻟﺨﻀﺮ، ﺑﻞ ﺃﺗﺮﻛﻴﻪِ
ﻣﻜﺸﻮﻓﺎً ﺣﺘﻰ ﻻ ﺗﺘﺄﻛﺴﺪ ﻭ ﻳﺘﺤﻮّﻝ ﻟﻮﻧﻬﺎ ﺇﻟﻰ
ﺩﺭﺟﺎﺕٍ ﺃﻏﻤﻖ.
-4 ﻻ ﺗﺴﻠﻘﻲ ﺍﻟﺨﻀﺮ ﻣﻊ ﺍﻟﻠﺤﻮﻡ، ﻓﻤﻦ ﺍﻟﺨﻄﺄ ﺃﻥ
ﺗﻌﺘﻘﺪﻱ ﺃﻧﻬﺎ ﺗﺘﻄﻠﺐ ﻧﻔﺲ ﺍﻟﻮﻗﺖ ﻟﻺﺳﺘﻮﺍﺀ ﺑﻞ
ﺃﻃﺒﺨﻲ ﺍﻟﻠﺤﻮﻡ ﺃﻭﻻً ﺛﻢ ﺃﺿﻴﻔﻲ ﺍﻟﺨﻀﺮ ﻓﻲ ﻣﺮﺣﻠﺔٍ
ﺛﺎﻧﻴﺔ.
-5 ﻻ ﺗُﻀﻴﻔﻲ ﺍﻟﻤﻠﺢ ﻓﻲ ﺍﻟﻤﺮﺣﻠﺔ ﺍﻷﻭﻟﻰ ﻣﻦ ﺍﻟﻄﺒﺦ
ﻷﻥ ﺫﻟﻚ ﺳﻴﻄﻴﻞ ﻋﻤﻠﻴﺔ ﺍﻹﺳﺘﻮﺍﺀ، ﺑﻞ ﺃﺿﻴﻔﻴﻪ ﻗﺒﻞ
ﻣﺪﺓٍ ﻗﺼﻴﺮﺓٍ ﻣﻦ ﻧﻬﺎﻳﺔ ﻣﺪﺓ ﺍﻟﻄﺒﺦ.
-6 ﻻ ﺗُﺒﺎﻟﻐﻲ ﻓﻲ ﺳﻠﻖ ﺍﻟﺨﻀﺮ، ﻷﻥ ﺫﻟﻚ ﺃﻳﻀﺎً
ﻳُﻔﻘﺪﻫﺎ ﺍﻟﻜﺜﻴﺮ ﻣﻦ ﻣﻨﺎﻓﻌﻬﺎ، ﻭﺇﺗﺒﻌﻲ ﺃﺳﻠﻮﺏ ﺍﻟﻄﻬﻲ
ﺑﺎﻟﺒﺨﺎﺭ ﻷﻧﻪ ﺃﻛﺜﺮ ﺇﻓﺎﺩﺓ.
-7 ﻛﻠﻤﺎ ﻛﺎﻥ ﺗﻘﻄﻴﻊ ﺍﻟﺨﻀﺮ ﻭﺍﻟﻔﻮﺍﻛﻪ ﺃﺻﻐﺮ ﺣﺠﻤﺎً،
ﻛﻠﻤﺎ ﻓﻘﺪﺕ ﺃﻛﺜﺮ ﻓﻴﺘﺎﻣﻴﻨﺎﺗﻬﺎ، ﻟﺬﻟﻚ ﻻ ﺗﺒﺎﻟﻐﻲ ﻓﻲ
ﺍﻟﺘﻘﻄﻴﻊ ﺑﺄﺣﺠﺎﻡٍ ﺻﻐﻴﺮﺓ، ﻭﺷﺠﻌﻲ ﺃﻓﺮﺍﺩ ﻋﺎﺋﻠﺘﻚِ
ﻋﻠﻰ ﺗﻨﺎﻭﻝ ﺍﻟﺨﻀﺮ ﻭ ﺍﻟﻔﻮﺍﻛﻪِ ﻃﺎﺯﺟﺔً ﻛﻤﺎ ﻫﻲ ﺑﺤﺠﻢٍ
ﻛﺒﻴﺮ ﻷﻥ ﺫﻟﻚ ﻣﻔﻴﺪٌ ﻟﻠﺼﺤﺔِ ﻭ ﻟﻸﺳﻨﺎﻥ.
-8 ﺗﺠﻨﺒﻲ ﻭﺿﻊ ﺍﻟﺨﻀﺮ ﺍﻟﻤﺠﻤﺪﺓ ﻣﺒﺎﺷﺮﺓً ﻓﻲ
ﺍﻟﻤﺎﺀ ﺍﻟﺤﺎﺭ، ﺑﻞ ﺃُﺗﺮﻛﻴﻬﺎ ﻓﻲ ﺍﻟﺜﻼﺟﺔ ﺣﺘﻰ ﻳﺬﻭﺏ
ﺍﻟﺜﻠﺞ ﺗﺪﺭﻳﺠﻴﺎً ﺛﻢ ﻗﻮﻣﻲ ﺑﻄﻬﻴﻬﺎ، ﻷﻥ ﺫﻟﻚ ﻳﺤﺎﻓﻆ
ﺃﻛﺜﺮﻋﻠﻰ ﻗﻴﻤﺘﻬﺎ ﺍﻟﻐﺬﺍﺋﻴﺔ.
-9 ﺗﺠﻨﺒﻲ ﻭﺿﻊ ﺍﻟﻤﻠﺢ ﻋﻠﻰ ﺍﻟﺴﻠﻄﺔ ﻗﺒﻞ
ﺍﺳﺘﻬﻼﻛﻬﺎ ﺑﻮﻗﺖٍ ﻃﻮﻳﻞ.
-10 ﺗﺠﻨﺒﻲ ﺍﻟﻘﻠﻲ ﺍﻟﻤﺘﻜﺮﺭ ﻟﻠﺨﻀﺮ ﻷﻥ ﺫﻟﻚ ﻳﻔﻘﺪﻫﺎ
ﺍﻟﻜﺜﻴﺮ ﻣﻦ ﻗﻴﻤﺘﻬﺎ ﺍﻟﻐﺬﺍﺋﻴﺔ ﺍﻟﻄﺒﻴﻌﻴﺔ، ﻭﺗﺠﻨﺒﻲ ﺃﻳﻀﺎً
ﺇﻋﺎﺩﺓ ﺇﺳﺘﻌﻤﺎﻝ ﺯﻳﺖ ﺍﻟﻘﻠﻲ ﻣﺮﺍﺕٍ ﻛﺜﻴﺮﺓ ﻷﻧﻪُ ﻳُﺼﺒﺢ
ﺿﺎﺭﺍً ﻭﺑﺸﺪﺓ

[walaa farouk]

*



نصيحة كيميائية هامة جداً... قد تنقذكم من الموت *
وصلني وفاة إحدى السيدات أثناء استخدامها للمنظفات المنزلية ... وبعد تحليل وتفسير الموضوع علمياً وجب علينا التنبيه لتلافي الخطأ الذي سبب الوفاة:
من المنظفات التي تتعامل معها ست المنزل (الفلاش والكلوركس) وهذه الأسماء تجارية ...
الفلاش: منظف يستخدم لإزله الرواسب الجيرية المتكونة في الحمامات والمراحيض والمادة الفعالة فيه هي حمض الهيدروكلوريك.
الكلوركس: مادة مزيلة للبقع تستخدم في تبييض الملابس او تبييض المراحيض وارضيات الحمامات والمادة الفعالة فيه هيبوكلوريت الصوديوم.
أما المشكلة فهي: بعض السيدات يعتقدن أنه إذا خلطنا المادتين مع بعضهما حدث تنظيفا قوياً وتتضاعف فعاليته .. ولكن الحقيقة المرة عكس ذلك تماماً حيث أنه:
1- عند خلط المادتين تتفاعلان مع بعضهما فينتج ويتصاعد غاز الكلور السام والخانق (Cl2) الذي يسبب الإغماء واذا كان المكان مغلق غير مهوى سيسبب الوفاة فوراً. والتفاعل الكيميائي الذي يحدث هو:
NaClO + 2HCl = NaCl + H2O + Cl2
2- عند خلط المادتين لا يحدث تنظيف اصلاً لان كل منهما يبطل مفعول الاخر.
يرجى الحذر والانتباه....

[walaa farouk]

🌟🌟🌟🌟🌟🌟🌟
1•لما تقطعى الباذنجان قطعيه بالطول علشان ما يشربش زيت معكى وكمان رشى عليه ملح و دقيق ح ينزل ميته ومش ح يشرب زيت برضوه .
2•الجلاش علشان ما يبقاش نئ من جوه ادهنى كل طبقة بالسمن السايحة او سخنى السمن

ورشيها على الجلاش بعد ما تخلصيه قبل دخول الفرن ...برودة الجلاش وسخونة السمنة
ح تخلي الجلاش يتشرب السمن ولما تدخليها الفرن ح يكون الجلاش استوى من جوه.

3•لما تعملى الرز سواء بسمتى او مصرى عادى ...
لو بسمتى الكوب بياخد كوب ونص ميه لو مش منقوع ..انما لو منقوع تحتاج كوب وربع ميه .
اما الرز المصرى الكوب بياخد كوب ميه .

4•علشان البصل المحمر بتاع الكشرى والكشك ما يبقاش طرى رشى عليه نشا وحمريه .

..النشا مش بيطلع السوائل اللى فى البصل ويفضل ناشف ومتحمر ومقرمش .

5•وانتى بتعملى الحوواشى او العيش باللحمة حطى حزمة كسبرة خضراء ورشة كباب صينى و رشة جوزة الطيب حتخلى الطعم مميز والريحة تحفة .

6-لما تيجى تعملى اى حاجة فيها كاكاو او شوكولاته حطى ملعقة صغيرة قهوة ح تعطى طعم مميز جدااااا.

7•تكة تحفة فى الطبخ حاجة اسمها تحديقة ...
عبارة عن ثوم وقرن فلفل حامى او رومى وملح وفلفل اسود
وتدقيهم كويس وتحطيها فى اى طبخة بتعطى طعم تحفة.

8•علشان صلصة المكرونة تكون معكى حلوة وتخينة فى قوامها وانتى بتسلقى المكرونة تاخدى حبة من ماء السلق وتحطيها على الصلصة بتعطى قوام تخين للصلصة وطعم مميز .

9•علشان الملوخية تكون بعرق معكى ومتسقطش قطفيها بعروقها وكمان اغسيلها وتنشفيها وتخرطيها على طوال وده بقا فى الملوخيه الشتوى بس لانها مش بطعم ولا قوام الملوخية الصيفى .

10•التوم علشان تقشريه بسهولة انقعيه يوم كامل فى الميه الميه بتخلى القشر ينفصل بسهولة .

[walaa farouk]

احفظي هذه النصائح لكى تصبحى طباخه ماهره:*.:*.
1-احشى الجلاش موتزريلا مع اللحمه المعصجه هيبقى طعمها تحفه "

2--لاحلى صلصة مكرونه اضربى مع الطماطم ثوم وفلفل حامى ورومى "

3--ادهنى الفراخ او البط بكاتشب وملح وفلفل اسود وقرفه قبل ما تحطيها فى الفرن هيخلى لونها

4--بعد ما يستوى الارز البسمتى اكشفى الغطاءعلشان يبقى مفلفل وميعجنش

5--ضعى سفن اب او ميرندا للكيكه هيخليها هشه وجميله :"

6-رشة زعتر على صلصة المكرونه بيدى ريحه حلوه وطعم مميز

7--لفى الليمون فى ورق جرائد علشان يحتفظ بلونه وميعفنش :"

8--شوحى اللحمه فى زبده وحبهان وورق لورا قبل السلق نديها صدمه علشان يبقى لونها بنى وجميل :"

9--رشى دقيق ورشة ملح على بصل الكشرى و انتى بتحمريه علشان يكون مقرمش :"

10--ضعى بيكنج بودر فى عجينة الكفته المشويه علشان تبقى هشه ومنفوشه وكمان متبقاش كشه