صديق هدية من ربنا

[walaa farouk]

-



من أنقي العلاقات إللي مُمكن تكون في حياتك هيّ علاقة صحُبية بشخص إنت في حياته رقم 1 وهو في حياتك لُه الأولوية ، الرابط إللي بينكم رابط روحي ارواحكم فيها نفس النقاء و صحُبيتكم مش صُدفة دى هدية من ربنا عشان تهونوا علي بعض مأسي وبؤس الحياة !
- صاحب وجودك معاه أشبه بأهدي ركن في العالم ، هو الأيد إللي لو وقعت بتكون أول ايد ممدوده ليك ، هو لسانك وقت غيابك ، هو الحُضن إللي مفتوحلك طول الوقت ، الإنسان الوحيد في الكون إللي مبتتكسفش وإنت معاه ، تبكي تضحك ، تكتئب تنبسط ، تحزن تفرح ، معاه بتعيش كل شعور وعكسه ، بمنتهي تفاهتك هبلك جنانك أسالتك إللي ملهاش اجابات ، كل ده بتلاقيه وإنت معاه !
- صديق و احد في حياتك هو مرايتك إللي بتشوف فيها نفسك عيوبك مميزاتك أخطائك أفعالك كل شئ ، هو النور إللي في عتمة حياتك ، إللي وصلتوا مع بعض لمرحلة إن لو شخص تعب تلقائي الشخص التاني بيشعر إنه مش بخير في حاجة غلط ، عديتوا مرحلة الفهم بالعين وكمان بالسكوت بتفهموا بعض من أقل ردود لأفعالكم ، مش صاحب شغل ولا دراسه ولا موقف ولا عابر ولا مصلحه ولا سطحي ولا أي مسمي من كل ده ، ده صاحب العُمر إللي هو إنت في جسم تاني :'))💙 !
اللي هو جه في بالك دلوقتي منشن لية بقي 😍

[sama smsma]

من أنقي العلاقات إللي مُمكن تكون في حياتك هيّ علاقة صحُبية بشخص إنت في حياته رقم 1

ربنا يفرح قلبك يا لولو

[مورا مرمر]

موضوع حلو كتير
ربنا يبارك حبيبتى

[Mary Naeem]

صديق و احد في حياتك هو مرايتك إللي بتشوف فيها نفسك
ربنا يفرح قلبك

[walaa farouk]

ميرسى على مروركم الغالى

[shery jesus]

صديق و احد في حياتك هو مرايتك إللي بتشوف فيها نفسك عيوبك مميزاتك أخطائك أفعالك كل شئ ، هو النور إللي في عتمة حياتك ...
موضوع حلو اوووى ربنا يباركك لولو

[walaa farouk]

ميرسى على مرورك الغالى