|
 |
 |
 |
|
رقم المشاركة : ( 1 )
21 - 07 - 2012, 04:18 PM
|
|||||||||||
|
|||||||||||
|
غنمى صبحت غنيمه وفريسه للوحوش هجموا عليها الديابه ومحدش جيه يحوش غنمى فى قلب الجبال تايهه ومتشتته يلسعها حر الصيف والسقعه فى الشتا ق) يا رعاه سبتوا الرعيه وبترعوا نفسكم قرب يوم الحساب وهتستخبوا فين ودينونتكم جايه ويا ويلكوا كلكوا ومن النار والعذاب مين هينجيكوا مين؟ مريض وبقاله فتره لا زياره ولا افتقاد ومحدش عزى قلبه فى كاس الألم اللى فاض كام واحد مات من الوحده قبل اما يموت بجد عاش يتألم بشده ومزرهوش اى حد والمجروح اللى قلبه تعبان مليان هموم واقع ولا حد جنبه ولا حدش قاله قوم كام حد حزين ونفسه صعبت جدا عليه ومن حيرته ويأسه انهى حياته باديه والمكسور اللى حمله قطم ضهره وحناه ومحدش جيه يساعده ولا شال حمله معاه كام واحد هم كاسره او كاسر وسطه دين ويوماتى تلاقى دمعه فى القلب قبل العين والمطرود اللى طالع من بيته بالدموع ولا حد لصوته سامع ولا ساعده على الرجوع بيعيش ويموت غريب ولاحدش يقبله ويخبط ع الببان يلقى الناس يقفلوا والضال وقت اما يبعد بيرده تانى مين؟ مين بيفهم ويرشد الأمنا قليلين ياما حملان غلابه فى الغابه اتقطعوا واتاكلوا من الديابه وكان ممكن يرجعوا افتكروا راعى صالح كان بيجول يصنع خير مسعاش ورا المصالح ولا نام فوق الحرير كان ويا الناس ومازال عادل ومفيش فروق من زهده فى جمع المال ادى يهوذا الصندوق افتكروا راعى كان ميحبش الظهور ملك من غير تيجان ومسكنش فى قصور فى اى مكان ينام باللبس اللى عليه ومكنش ليه مكان بيسند راسه فيه 
|
|
| قد تكون مهتم بالمواضيع التالية ايضاً |
| الموضوع |
| ترنيمة غنمي صبحت غنيمة |
| ترنيمة غنمى صبحت غنيمه |
| غنمى صبحت غنيمة للشاعر رمزى بشاره |
| ترنيمة غنمي صبحت غنيمة |
| اوبريت غنمي صبحت غنيمه |
العرض الشجري