صلاة معزية فى الضيق

[walaa farouk]

الهنا ومخلصنا الصالح يسوع . من اعماق قلوبنا بنشكرك
بنشكرك يا رب لانه ما ابعد احكامك عن الفحص و طرقك عن الاستقصاء

بنشكرك يا ربى لانك بتحبنا محبة حكيمة محبة يا رب انت ترى انه من الصالح لنفوسنا ان نجتاز ضيقات ونجتاز تجارب

بنشكرك يا رب علشان بتسمح ان الريح تهب فى حياتنا بضيقات واحزان كثيرة لان حكمتك يا رب ترى انه نافع لنفوسنا لاجل تنقيتنا ولاجل توبتنا لاجل ان احنا نتعلم يا رب كيف نسلك كمساكين بالروح لاجل تنقية من ضعفات ومن خطايا كثيرة لاجل يا رب انك تمنعنا ان نسلك بعناد وكبرياء وتشامخ النفس
.
بنشكرك يا رب لانك سهران على نفوسنا كآب كطبيب

بنشكرك يا رب لان هذه الضيقات خارجة من يد اله محب اله يعرف طاقة كل نفس فينا

يا رب انت وعدت ان احنا لا نجرب فوق ما نحتمل ووعدت انك تجعل مع التجربة منفذ والمنفذ اللى يا رب فى التجارب ان عيوننا تنفتح وندرك يا رب ان انت اللى ورا كل هذا هذا بسماح منك وندرك يا رب ان هى حكمتك وابوتك بتسعى لاجل تنقية نفوسنا

بنشكرك يا رب على كل ضيقة وعلى كل تجربة وبنشكرك على كل اهانة وتجريح

بنشكرك يا ربى لانه من الرغم من خطاياتا وضعفاتنا تسعى كطبيب كآب من اجل خلاص نفوسنا

بنشكرك يا رب لانك بتجعل فى التجارب تعزية بتضع يا رب فى كلمتك , وبتضع فى انات روحك القدوس بداخلنا , بتضع يا رب فى قلب محبيك اللى انت بترسلهم لاجل نجدة نفوسنا

بنشكرك يا رب على رعايتك ومحبتك

علمنا يا ربى ازاى نفهم الدرس , علمنا ازاى نسمع صوتك , علمنا ازاى ما نعندش , علمنا يا ربى ازاى نقبل كل ما ياتى علينا بشكر , علمنا يا رب ازاى لا ننكسر فى الضيق بل ناظرين الى رئيس الايمان ومكمله يسوع

علمنا يا رب ان احنا فى الضيقة ننتظرك , ننتظر يا رب ليس رفع الضيق لكن ننتظر يا رب نتائج الضيق , ننتظر يا رب التنقية , وننتظر الثمر لان الذين يزرعون بالدموع يحصدون بالابتهاج
.
بنشكرك يا رب من اجل كل دمعة سمحت بيها يا رب لنفوسنا فى طريق غربتنا لكى ما تروى بيها بذرة الايمان كى ما يتكاثر الثمر لحسابنا فى ملكوتك

بنشكرك يا رب وسامحنا ان كنا مرات كتير بنتلفظ بكلمات هى ليست خارجة من الايمان لكن من الطبيعة البشرية المتمردة العاصية اللى بترفض يا رب انها تخضع ليك وانها تحمل الصليب

بنشكرك يا رب لانك لا تحسب علينا هذه الكلمات وهذه التصرفات لان ابوتك يا رب تعلم انها صادرة من طبيعة ضعيفة من طبيعة مغلوبة من الشر لكن انسانا الجديد يا ربى بداخلنا بيفرح بالضيقات والتجارب لكى نصير مثلك ناظرين مجد الرب بوجه مكشوف

بنشكرك يا رب ثبتنا فى طريقك ,اسندنا , كمل يا رب غربتنا

اجعلنا باستمرا يا رب ناظرين للسما , ناظرين للملكوت , ناظرين بالاكليل المعد , ناظرين يا رب ان احنا وراء كل ضيقة نرى وجهك باكثر ايمان باكثر اشراق باكثر قوة

[Mary Naeem]

اجعلنا باستمرا يا رب ناظرين للسما ,

ناظرين للملكوت , ناظرين بالاكليل المعد ,

ناظرين يا رب ان احنا وراء كل ضيقة

نرى وجهك باكثر ايمان باكثر اشراق باكثر قوة

آمين

شكرا على الصلاة الجميلة

[walaa farouk]

ميرسى على مرورك الغالى