قواعد الحمل الاربعون..

[Rena Jesus]

قواعد الحمل الاربعون..

1- التزمى بجدول المتابعات اللى محددة دكتورك..و كل واحدة حسب حالتها
2- الحمل على فكرة 40 اسبوع،علشان كدة بنختلف دايما ،انتى بتحسبى بالشهور و احنا بنحسب بالاسابيع
3- اسألى دكتورك عن اى حاجه ،متهمليش
4- فى اول 3 شهور بتاخدى حمض الفوليك ، فى منه تركيزين 5مجم و نص مجم ..و ال 5مجم بنستخدمه فى حالات معينه
5- الافضل تاخدى الفوليك اسيد قبل الحمل
6- اسألى دكتورك عن اى حاجه..متخافيش
7- بعد اول 3 شهور بتاخدى حديد و فيتامينات و كالسيوم
8- لو عندك انيميا مع بدايه الحمل لازم تعرفى ان مش كل انيميا نتيجه نقص الحديد ، رغم ان دة اشهر سبب ، يس فى اسباب و انواع تانيه
9- فى انواع كتير للحديد الاقراص، مشكلته الاساسيه تعب المعدة و الامساك ،و فى انواع اعراضها الجانبيه اقل ، اسألى دكتورك عليها
10- اسبرين الاطفال مش روتين
11- المثبتات مش روتين
12- اسألى دكتورك عن كل حاجه ، متتأخريش
13- الحمل والله 40 اسبوع ، مش لازم تكمليه لاخرة ، بس ضرورى تبقى عارفه اخر التاسع امتى
14- اهتمى بشرب السوايل و كترى من الالياف الخضرا زى السلطه و الخضروات
15- ابعدى عن الاكلات الحارة و الشطه و المخلل
16- ممنوع الكبدة فى اول 3 شهور
17- ممنوع اللحوم المصنعه ، بلاش اللنشون و البسطرمه طول فترة الحمل
18- قللى من الشاى و المشروبات الغازيه
19- قسمى الاكل فى صورة وجبات صغيرة قليله
20- اهتمى بمصادر الكالسيوم زى اللبن و الجبنه و الزبادى
21- لازم مجهود متوازن طول فترة الحمل
22- النوم فترات طويله فى السرير مضر و ممكن يسبب جلطات
23- بلاش البيببسى و الشيبسى و اى حاجه فيها زيت او سمنه كتيرة
24- بلاش مجهود بدنى او عصبى زيادة خصوصا فى الحالات المعرضه للطلق المبكر او الولادة المبكرة
25- بلاش اكل قبل النوم بساعتين
26- حتحسى بشويه وجع بسيط فى اسفل البطن و اخر الضهر
27- لو حسيتى بوجع ،متقلقيش ،خدى مسكن زى الباندول الازرق
28- ارجوكى بلاش الشطه و المخللات
29- لو دة اول حمل ليكى ،ممكن يتاخر احساسك بحركه البيبى لحد الشهر الخامس ، متقلقيش
30- لازم تعرفى فصيله دمك ايه ، و تعرفى اذا كنتى محتاجه حقنه ال Rh و لا لا
31- متنسيش ، لو فصيله دمك سالب ، لازم نعرف فصيله دم الزوج
32- متنسيش تعملى تحليل سكر و صورة دم كامله فى السابع
33- اسألى دكتورك عن كل حاجه ، متخافيش
34- لو حسيتى بشكوى ،متهمليش فى العلاج عشان خوفك ع الحمل، كل العلاج اللى بناخدة فى الحمل غير مضر للجنين
35- الحمل والله 40 اسبوع
36- اسبرين الاطفال مش روتين
37- دكتورك هيكتبلك على الادويه المناسبه للحمل فى حاله اى شكوى، اساليه
38- التهاب مجرى البول من الحالات المتكررة فى الحمل ، العلاج الصح هيحميكى
39 - من التحاليل المهم الفيروسات الكبديه حمايه ليكى و لطفلك
40- اهتمي بنظام اكلك

[Mary Naeem]

اهتمي بنظام اكلك

شكرا على المعلومات

ربنا يباركك

[walaa farouk]

العلاج الصح هيحميكى
39 - من التحاليل المهم الفيروسات الكبديه حمايه ليكى و لطفلك
40- اهتمي بنظام اكلك

ميرسى على المعلومات مرمر

[Rena Jesus]

ميرسى لمروركم الغالى