|
 |
 |
 |
|
رقم المشاركة : ( 1 )
30 - 09 - 2014, 07:17 PM
|
|||||||||||
|
|||||||||||
|
ترانيم مدارس الأحد
 فترة الترانيم 1- صلاة إفتتاحية والهدف من البداية بالصلاة : * أن تعطى التلاميذ فرصة للهدوء وليتعودوا أن يكونوا خاشعين فى محضر الله * وسيلة ليعبر التلاميذ عما بداخلهم لله بالكلام والاقتراب منه وبناء علاقة معه * التعود على الصلاة علانية بدون خوف * تعده للتجاوب معك أثناء فترة الترانيم , ليهئ قلبه ويمهد ذهنه لكى تجد الترانيم أرضا جيدة وممهدة , ولكن أحذر الصلوات الطويلة. 2- فترة الترانيم كيف تقود فترة ترنيم مع الأطفال ؟ لماذا نرنم مع الأطفال؟ *الترنيم وصية كتابية *سلاح فعال لمقاومة إبليس بطريقة عملية *وسيلة ليعبر الطفل عما بداخله لله , فتكون ذبيحة شكر للرب وثمر شفاه معترفة باسمه * اقتراب من الله وتجاوب وبناء علاقة معه * أكثر فترات العبادة التى يحبها الأطفال ويتجاوبون معها * تعد التلاميذ للتجاوب أثناء الدرس , لتهيئة قلوبهم وتمهيد ذهنهم لكى تجد الكلمة أرضاً جيدة وممهدة * الترانيم تفرح الأطفال وتدخل البهجة إلى قلوبهم كيف تستعد قبل مدارس الأحد؟ * امتحن قلبك قبل فترة الترانيم أمام عرش النعمة * صلِ قبل مجيئك وضع فترة الترانيم والتلاميذ أمام الرب * أعد برنامجاً مسبقاً لنوع ومواضيع الترانيم * ادرس جيداً بعض الكلمات الصعبة فى الترانيم التى تستخدمها وفتش عن معناها * احرص أن يكون مظهرك لائقاً * جهز نفسك لحفظ الكلمات والألحان وطريقة التقديم بوقت كاف * فكر فى وسائل وطرق جذب جديدة بحيث تكون مفاجأة سارة للأطفال تدخل البهجة فى قلوبهم 
|
|
30 - 09 - 2014, 07:18 PM
|
رقم المشاركة : ( 2 ) | ||||
|
..::| الاشراف العام |::..
|
رد: كيف أقود فترة ترانيم لمدارس الأحد
كيف أقود فترة ترانيم لمدارس الأحد مقدمة من أحلى الأوقات اللي بيعيشها الطفل في مدارس الأحد هي فترة الترانيم و فيها ينطلق الطفل بكل ما فيه مع الله و بتتفتح مشاعره و مداركه عشان يستقبل الرسالة الروحية الموجهة ليه لو قعدت تفتكر مدارس الأحد و انت صغير هتفتكر بشكل رئيسي ترنيمة أو اتنين كنت بتحبهم و لغاية دلوقتي لما تسمعهم بتستمتع بيهم و بترجعلك مشاعر مش ممكن تتمسح من جواك و يمكن تفتكر قائد الترانيم و غالبا بيكون هو أكتر واحد أثر في حياتك أثناء فترة مدراس الأحد و غالبا أنت دخلت الخدمة لأن قائد أثر فيك ويمكن كان مثلك الأعلى في فترة من حياتك و كتير بيكون القائد ده هو قائد الترانيم و رغم كدة مفيش أي تعليم واضح عن قيادة فترة الترانيم كل اللي اتعلمناه عن مدارس الأحد تم تعليمه لنا من هيئات أجنبية و مرسلين من دول أوروبية أو امريكا و حديثا من جنوب أفريقيا و كوريا الجنوبية لكن غالبا كل الدول دي مدارس الأحد فيها مفيهاش فترة ترانيم مستقلة زي مصر. أحنا عندنا فترة ترانيم حوالي 30 لــ 45 دقيقة و بعدها الدرس لكن في باقي دول العالم الدرس ( بحسب تسميتنا ) يصاحبة ترنيمة أو اتنين ليهم علاقة بالدرس او كفاصل في وسط الدرس صعوبة فترة الترانيم : كمان اصعب قيادة في مدارس الأحد هي قيادة فترة الترانيم لأن قائد الترانيم 1- بيقود عدد كبير من الأطفال في نفس الوقت 2- بيقود أطفال مختلفين في سنهم عن بعض بدرجة متفاوتة 3- بيقود علانية قدام كل القادة معرض لكل الأنتقادات 4- بيقود فريق عمل من عازفين و مرنمين و مؤديين لحركات الترنيم ده غير مساعدين آخرين 5- ليس هناك تعليم واضح عن قيادة فترة الترانيم 6- عدم توافر قادة ترانيم كنموذج لنتبعه يجمع عليه أغلب القادة و إختلاف الآراء حول القيادة الصحيحة للترانيم ليه فترة الترانيم مهمة ؟؟؟ 1- تحرير كبت الطفل الكبار دائما يحبسون الأطفال في خانة الكائن المتلقي فالأطفال في كل مكان يتلقون المعلومات و الأوامر و غير مسموح لهم بالتعبير عن أنفسهم . فهم غير مسموح لهم بالنقاش ولا بإلاقاء الأوامر و لا الغناء مع فرض القيود حتى على اللعب فالمجتمع لا يحترم الطفل المهذب بقدر احترامه للطفل الهادئ و لهذا فأطفالنا يشعرون بكبت شديد في البيوت و في المدارس و حتى في الكنائس فكلنا نريد الطفل صامت حتى نقدم له المعلومة ( مع عدم موافقتي الكاملة لهذا ) إلا ان النتيجة النهائة هي طفل مكبوت . في فترة الترانيم ينطلق الطفل من كبته ليعبر بصوته و بيديه و رأسه و كل مافيه عن نفسه و عن الكلمات التي يريد ان يقولها لله و للآخرين فالترانيم هي فرصته الوحيدة اسبوعيا للتعبير عن هذا الكبت بطريقة مشروعة و مقبولة من الكبار و القادة 2- التعبير المتاح للطفل الطفل ليس له قدرة متطورة للتعبير بالكلمات عما يشعر به أو يقوله فعليا . كذلك ليس مسموح له بالتعبير بالكلمات او بالحركات بالطرقة الصحيحة عن مشاعره أو عن ما بداخله . فغالبا ما يعبر الطفل عن مشاعره الغاضبة بطريقة خاطئة أو عن مشاعر الإحباط بالبكاء أو عن مشاعر الفرح بالتنطيط و الصياح ... و لكننا في مجتمعنا لا نعلم أطفالنا التعبير عن مشاعرهم . في الترانيم نحن نعلم الأطفال عن التعبير عن مشاعرهم بأصواتهم و بالموسيقى و بالحركات و كذلك بالكلمات ... و هذا مهم جدا في حياتهم مثال ( ترنيمة انا فرحان ) تعبير الكلمات عن الفرحة و مبسوط و حاسس بالأمان (ربي يسوع بيحبني ) تعبير عن الفرحة ... أنط من الفرحة ... تعبير حركي .. 3- الأمان في اللعب غالبا ما يشعر الأطفال بعدم الأمان أثناء اللعب بسبب تأنيب الكبار للأطفال أثناء اللعب و انهم يروا هذا شيء تافه و مخرب و ضوضاء و يعلن الكبار عن رفضهم للعب الأطفال و لذلك يحب الأطفال اللعب بعيدا عن أعين الكبار حتى يشعروا بشئ من الأمان و غالبا ما يحاولون اللعب في هدوء مع الحرص من تعرضهم للإيذاء الفجائي أثناء اللعب سواء كان إيذاء نفسي أو جسدي. في الترانيم الأطفال يلعبون و يقفزون و يصيحون في إطار آمن غالبا ما يفتقدونه و هنا يتعلمون انه هناك لعب صحيح نستطيع ان نلعبه مع إشراف قادة محبين و غير مهددين 4- الإتحاد مع الجماعة الإندماج في وسط الجماعة شيء صعب الأطفال و يحتاج لتعليم .. كذلك الإتحاد و التناغم معهم صعب ليس فقط للصغار و لكن للكبار أيضا كما ان مجتمعاتنا لا تعلمنا العمل في إطار الجماعة و روح الفريق ... في فترة الترانيم يتحد كل الأطفال في ترنيم نفس الكلمات و نفس اللحن و نفس الحركات في نفس الوقت كما أنهم ينظرون لبعض و يتعلمون من بعض حركات الترانيم و ينصتون لبعض ليتعلموا أو ليتذكروا اللحن و الكلمات و هذا يصنع بداخلهم مبدأ احتياج الفرد للجماعة أندماجه وسطها . كما لاحظنا كثيرا ان فصل من فصول مدارس الأحد متميز في حركات الترانيم أو في الترنيم يشعر بتميز و أنه يساعد القائد في قيادة مدارس الأحد فيشترك الأطفال بدون قائد في التدريب على حركات الترنيم ليشعرون بتميزهم و هذا أيضا يزيد من الأتحاد بينهم 5- الإحساس بقبول الله في فترة الترانيم يشعر الأطفال بقبول الله و بسعادة الله بسبب تسبيحهم له و يشعرون بإرتياح و بشعور القبول من الله و أنه فخور بهم و هذا الإحساس غير متوفر في المجتمع الذي دائما ينادي بأن صاحب السلطة غير راضي عنك و أنك محتاج لعمل أشياء كثير أو محتاج لتغيير في صفاتك يقبلك صاحب السلطة . 6- الإستمتاع بالموسيقى الموسيقى هي ثالث شيء تعلمه الإنسان بعد الزراعة و رعي و صيد الحيوانات (تك 4) فالموسيقى تتحكم في مود الإنسان و في مشاعره فهي تساعد على زيادة مشاعر الحماسة أو الهدوء و السلام أو النشاط . الإستماع للموسيقى هو متعة و يزيد الحس الموسيقىي للمستمع . تنصح الدراسات للمرأة الحامل بالإستماع للموسيقى كما تنصح بإسماع الطفل الرضيع الموسقىى لتأثيرها الإيجابي على الطفل. في فترة الثمانينات كان هناك أغنيات معروفة و كنا نهتم بالفرجة عليها حتى لو تكررت مئات المرات ( كوكو واوا – بولا بولا -.. ) و لكن الإهتمام بأغاني الطفال قل جدا في التسعينات و بدأ تشويهه مع بدايات القرن الحالي . و لهذا فالمنفذ الموسيقى الرئيسي لأطفالنا أصبح هو الترانيم 7- تعليم الطفل الصلاة و العلاقة مع الله 8- تقديم مفاهيم للطفل جديدة من خلال كلمات الترانيم 9- سهولة حفظ آيات و مفاهيم جديدة بالموسيقى 10- تحبيب الطفل لمدارس الأحد ( في العقل الباطن ) 11- تعليم مبدأ الشركة الروحية ( يتحد مع الآخرين في عبادة الله ) 12- العبادة الروحية الفعلية 13- تقديم ذبيحة تسبيح لله و يتعلم الطفل كيف يقدم ذبيحة 14- الربط التوافقي بين حركة الجسم و الموسيقى 15- رياضة الشعور بالسعادة من خلال إطلاق هرمون السيريتونين 16- التشجيع على العزف و إبراز أهميته 17- تعليم كيف اعطي مواهبي لربنا و تخصيص الوزنات لله 18- التشجيع على القيادة 19- إعطاء الطفل مادة يستخدمها في أوقات الفراغ و في وقت الخوف و الملل 20- فترة الترانيم فترة عبادة مش فترة تجميع للأطفال قبل الدرس ما هو الترنيم هو وسيلة تعبير عن ما بداخلي من مشاعر و أفكار عن طريق كلمات ملحنة و بالنسبة للأطفال : الترانيم هي فترة مبهجة بتقدم لله عن طريق الحركات و الموسيقى و الكلمات ما هو الفرق بين التسبيح و الترنيم ترانيم هي كلمات ملحنة تعبر عن حالتي و أفكاري و ما أريد ان اقوله لله أو لنفسي أو للأخرين ان كلمة تسبيح تساوى كلمة ترنيم فى المعنى الكتابى حيث انهم فى اللغة العبرية هما كلمة واحدة وهى تعنى قدموا لله مجدا واكرام ولكن فى المجتمع الكنسى نجد ان المعنى المتعارف عليه هو ان كل كلمة منهم تحمل معنى مختلف عن الاخر فكلمة تسبيح تعنى ذكر صفات الله الخاصة بيه اما الترنيم فهو يعنى التعبير عن المشاعر الداخلية فى المواضيع الحياتية العامة مثل الشكر – التوبة والاعتراف – النصرة ......... الخ وهى كل ما اريد قوله لله او انفسى او للاخرين ما هو الفرق بين التسبيح والترنيم بالنسبة للاطفال : ليس هناك فرق واضح بين الترنيم والتسبيح فى عقلية الطفل فكلاهما بالنسبة له شئ واحد ماذا يجب ان افعل قبل فترة الترانيم 1- صلي و أطلب قيادة الروح القدس 2- حدد هدف معين يدور حوله الترانيم و حاول تكون عايش اللي انت هتقوله و لو خلال الاسبوع السابق 3- أسمع ترانيم كتير و خاصة ترانيم الأطفال 4- حدد الترانيم اللي هترنمها و لو هتخلي الأطفال يختاروا ترنيمة أو اتنين بحد اقصى لازم تكون عارف أمتى الترينمة اللي هيختارها الأطفال 5- فكر أزاي تكون الترانيم مشوقة عن طريق الآتي : وسيلة أيضاح للفكرة المحددة مثل ( تمثيل – عرائس – بانتوميم – لعبة في وسط الترانيم – تجسيم مادي للفكرة ) و حضرها 6- حضر نفسك نفسيا لفترة الترانيم ( لا تقبل فترة ترانيم عادية و غير مشوقة – قرر ان تكون مبتهج قبل فترة الترانيم – عيش احساس الطفل و فرحته – فضي دماغك و أقضي فترة صمت و هدوء ) 7- حضر الأطفال نفسيا لفترة الترانيم ( أبتسم في وجههم أول ما تدخل مدارس الأحد – أحضنهم و سلم عليهم بأسمائهم ) 8- خللي عندك رصيد حب عند الأطفال على مدى سنين خدمتك 9- أدي نسخة من الترانيم للعازف و للمسئول عن الداتا شو أو البروجيكتور و لو معاك مرنم مساعد لازم يكون عارف الترانيم اللي هنرنمها 10- لو هترنم ترنيمة جديدة أ) فكر هل الترنيمة شيقة للأولاد ولا لأ من حيث اللحن و معاني الكلمات و هل لها محتوى روحي قيم!! ب) أسمعها كتير و أحفظها صح جدا في الكلام و اللحن ت) حفظ لحنها للعازف ث) حضر كلماتها مكتوبة على الداتا شو أو البروجيكتور ج) ألفلها حركات أو أتدرب على حركاتها لو متاحة ح) فصص كلمات الترنيمة و فكر في المعاني الصعبة خ) حفظها لقائد آخر بكل ما فيها من كلمات و لحن و حركات د) يفضل أن تكون فكرة اليوم لها علاقة بالترنيمة الجديدة ذ) حضر تقديم شيق للترنيمة الجديدة (يفضل سماع الترنيمة أول مرة بأحسن طريقة ممكنة ) الأنطباعات الأولى تدوم 11- أتدرب على حركات الترانيم اللي هترنمها و أتأكدة انك فاكرها أو نسق مع حد حافظ حركات الترانيم الثابتة – متألفش حركات ترانيم عشوائية وليدة اللحظة 12- حضر ربط الترانيم ببعض حسب الفكرة الرئيسية لفترة الترانيم 13- مترنمش ترنيمة مش بتستمتع بيها شخصيا 14- لاحظ مرنمين آخرين شيقين و أسأل نفسك لماذا هم شيقين و قلدهم 15- خذ فترة ترانيم أمام المرآة و قيم نفسك 16- سجل لنفسك ترانيم بصوتك و أستمع لها أثناء فترة الترانيم 1- أكسر حاجز الثلج بينك و بين الأطفال و أبدأ بجذب أنتباههم بلعبة أو بدخلة مشوقة أو بترنيمة محبوبة 2- حدد ترانيم البداية و ترانيم الفكرة و ترانيم الختام أ) ترانيم البداية هي ترانيم سريعة اللحن و الأداء و حركاتها مبهجة تخرج فيها طاقة الأطفال المكبوتة مع ملاحظة أن كبت الطاقة يمنع الطفل من التفاعل الإيجابي في الترانيم و الحركة تفرز هيرمونات السعادة ب) ترانيم الفكرة أو الوسط أو الترانيم الخاصة بالفكرة المحورية .... هي ترانيم تقدم بعد توضيح الفكرة و هي ترانيم تخدم هذه الفكرة مع ملاحظة أن الترانيم التي تخدم الفكرة غالبا ما تكون غير شيقة مثل ترانيم البداية و لهذا لاحظ ان لاتفقد حيوية و تشويق فترة الترانيم ت) ترانيم الخاتمة أختم بطريقة يفتكرها الأولاد و هم داخلين ترانيم الاسبوع اللي جاي لكن متقفلش بترنيمة يكونوا الأولاد مش متفاعلين فيها و متختمس بترنيمة من ترانيم البداية أو متختمش بترنيمة نشيطة قوي عشان الولاد بيكونوا قربوا يخلصوا طاقتهم ده غير اني محتاد أهديهم عشان هيدخلوا الدرس بمعنى أخر رنم ترنيمة متوسطة في السرعة و الحركات و بيحبها الأولاد و بيستنوها خللي بالك آخر ترنيمة هترنمها الولد هيرنمها لوحده طول الأسبوع غالبا 3- قول كلام أيجابي و تشجيع للأولاد على طريقة أداء الأولاد و متقولش كلام سلبي 4- أبتسم و كن بشوش و مبتهج و لو مش عارف بص على طفل مبتهج و أبتهج معاه 5- خليك متغير في سرعة الترانيم حتى لو في نفس الترنيمة الواحدة مرات بطئها و مرات سرعها 6- لو مفيش موسيقى أ) سرع رتم الترانيم شوية ب) حاول تستخدم ايدك أو رجلك في عمل ايقاع ت) ممكن تستخدم تمبورين ث) متقولش خالص ترانيم هادية أو لازم فيها فاصل موسيقى ج) زود سرعة كلامك و أدائك الأنفعالي ح) أختار ترانيم محبوبة و ألحانها سهلة و أنت حافظ لحنها خ) ممكن مدرس آخر يعمل موسيقى ببقه 7- لو مش حافظ الحركات من فضلك شوف حد من المدرسين حافظ الحركات يساعدك و ممكن من الأطفال لكن لاحظ عدم التفرقة و المساواة و أهم حاجة من فضلك درب نفسك على حركات الترنيم 8- لو مفيش داتا شو رنم ترانيم محفوظة أو كلماتها سهلة 9- لو عدد المدرسين قليل ... لا تجعل المسافة كبيرة بينك و بين الأولاد و ضع قوانين متفق عليها من البداية .. كن شيق جدا لدرجة ان الأولاد ميزهقوش فيتكلموا مع بعض مع مراعاة أن الطفل لن ينجذب لك بدون أن تجذبه 10- لو الطفل مشاغب و مش مركز معايا أ) الطفل لا يكذب و لا يجامل فإن كنت ممل لن يتواني عن أن يعبر لك عن ممله بكل الطرق الممكنة فهو غير مضطر لمتابعتك فهذا خطأك و أنت مجبر على جذب أنتباهه حاول تكون أكثر تشويق ب) ممكن يكون منامش أمبارح أو مأكلش الصبح أو عطشان حاول تكون أكثر جذب غير تون صوتك و سرعة كلامك أو أعمل حركة مفاجأة أو وسيلة أيضاح أو احكي قصة شيقة ت) ممكن يكون الطفل تحت ضغط نفسي ( خلافات عائلية – مهدد – غضبان ) احتمل الطف و بعد فترة الترانيم أقعد معاه و كلمه و خصوصا لما يكون الطفل دايما متفاعل و بقاله فترة بدأ يشاغب ث) ممكن الطفل يكون عايز يلفت الأنتباه لأنه حاسس بالرفض أو الحب المشروط و هنا تيجي اهمية انك و انت داخل فترة الترانيم تسلم على كل الأطفال و تقولهم كلام حلو زي ( حلوة التوكة دي قوي يا .. أسم الطفل) و تحسس الولاد كلهم انك بتحبهم زي ما هم ج) ممكن الطفل يكون طاقته مكبوتة و أنت مخرجتهاش صح عشان كدة أعمل حركات ترانيم و ممكن في الأول تعمل لعبة رياضية زي ننط أو نلعب خضار و فواكه ح) ممكن طريقتك في الكلام مش مناسبة لسنه أكبر أو أصغر فكر السن اللي قدامك تكلمه أزاي هل انت بتقول كلمات مش مفهومة ليهم أكبر من سنهم ولا أنت بتتكلم بطريقة كإنك بتكلم طفل أصغر من سنهم في كلا الحالتين مش هيسمعولك 11- لو سنة خامسة أوستة مش عايز يعمل الحركات من فضلك متجبرهوش على أنه يعمل الحركات سيبه براحته لو هو حاسس أنه مش عايز يعملها المهم يفهم يعني ايه ترنيم و أن أحنا بنعبد الله و بنسبحه و يشاركنا في كدة و أعمل ترنيمة أو اتنين أكبر شوية مناسبين لسنهم 12- متنساش تعمل ترنيمة أو اتنين للصغيرين جدا 13- متتكلمش أثناء الترانيم كتير لدرجة أن الأولاد يملوا و متتكلمش بين كل ترنيمة و ترنيمة و بالنسبة لتوضيح الفكرة أعملها مرة واحدة ... و خد بالك لو عندك لازمة في الكلام 14- خد بالك من لبسك 15- تابع أهتمامات الأطفال في الوقت الحاضر ... ألعب فيديو جيمس ووي و أتفرج على أفلام كارتون و قنوات أطفال عشان تعرف تكلمهم بلغتهم 16- خللي بالك من التهوية في الكنيسة لا تكون هي اللي مانعة الأطفال من التفاعل معاك 17- لو الأولاد خرجوا عن السيطرة .... أبدأ ترنيمة بيحبوها بصوت عالي و سرع رتمها أو قرر تلعب معاهم لعبة شيقة ... أتحداهم يعلوا صوتهم أكتر ... و لو عنفتهم بلاش الكلام يبقى سلبي قوي أو بزعيق ... و متوصلهمش لدرجة الخوف بالنسبة لأصغر طفل و متقلبش مرة واحدة لأبتهاج الترانيم تاني للولاد يحسوا بالمراءآه و لكن تحول تدريجيا في وقت قصير 18- بالنسبة للفكرة بتاعت الترانيم أبعد عن الحاجات اللي فيها مشاعر قوية جدا زي مشاعر الخوف أو القلق أو الغضب أو التحزب و متحكيش حاجة شخصية عن شخص مش موجود. 19- خد بالك من الإضاءة متكونش خافتة قوي ولا مبهرة قوي 20- الطفل سايب كل المتع من لعب كمبيوتر و عجلة و ووي و لعب كورة عشان يسمعك أن مكنتش أكثر أمتاع و تشويق مش هيسمعك 21- أزاي احفظ ترنيمة أ) سمعهالهم كاملة بأحلى طريقة بحركاتها و كلامها و موسيقتها ب) هنقولها تاني من غير حركات و الكلام على الداتا شو ت) هقول أول عدد بس مع القرار لوحدي ث) هقول أول عدد مع القرار مع الأطفال و الحركات ( الذكاءات الثلاث البصري و السمعي و الحركي) ج) و هكمل باقي الترنيمة كلها مع الأطفال ح) هشرح الكلمات و المعاني الصعبة خ) هقولها كلها تاني د) الكلمات كلها على الداتا شو في كل خطوة مما سبق 22- لاحظ بعينيك الأطفال دائما . لاحظ إذا كانوا متفاعلين أو بدأوا في الملل . كن حساس لردود أفعال الأطفال و في حالة إنك شعرب ببداية ملل قم بتغيير نبرة صوتك أو سرعته أو أبدأ في جذب أنتباههم مرة أخري بأي طريقة شيقة 23- جدد شكل فترة الترانيم مثلا غير مكان جلوس الأطفال . المهم الولاد ميعرفوش ايه اللي هيحصل النهاردة 24- لو كان سن أعدادي معايا في فترة الترانيم .. أ) من فضلك متجبرهوش على عمل الحركات ب) لو مش عايز يرنم بصوته شجعه لكن متخبطش مع المراهق المتمرد اللي جواه ت) اللي جواه هو الآتي ( هم ليه بيعاملوني على اني طفل .... أنا كبرت خلاص) عشان كدة ممكت تخليهم يساعدوك في قيادة باقي الأطفال مع العلم انك متقدرش تعتمد عليهم لأنهم لسة برضه اطفال ث) ممكن ساعدوك في حركات الترانيم أو في العزف أو في تظبيط الميكسر أو في اسكتش وسط الترانيم أو حتى في صلاة وسط الترانيم ج) يستحسن أنك تعمل المجموعة دي فريق مساعد في فترة الترانيم و ليهم قائد مسئول عنهم ح) من فضلك بعد ما تخلص ترانيم الأطفال خلي كل الأطفال تخرج و قعد أعدادي يرنموا ثلاث أو أربع ترانيم كبار لوحدهم عشان يحسوا بإنهم مختلفين ... و متحبطش لما تلاقيهم مش بيرنموا من أول مرة تفصلهم خ) خللي الترانيم اللي هيرنموها وحدهم ميكس ما بين ترانيم أطفال صعبة و ترانيم كبار سهلة د) متعملش حركات ترانيم في الفترة الخاصة دي إلا لو هم طلبوا بنفسهم و ساعتها أبتكر حركات ترانيم صعبة و مركبة ( زي ما هنشرحها ) و أتحداهم يعملوها ماذا أفعل بعد فترة الترانيم
1. صدق أنك طفل و أستمتع مع الأطفال 2. صلي و انت بترنم عشان ربنا يستخدم القائد و يشتغل في الأطفال 3. أعمل الحركات و رنم بكل قوتك 4. لاحظ الأطفال إذا كانوا مش مركزين أو مش مستمتعين أو بيعاكسوا بعض 5. لاحظ الطفل المشاغب أو المهرج 6. فكر في النقد البناء اللي هتقوله للمرنم بعد الترانيم و إزاي هتقولهوله عشان يتبني مش عشان يحبط و ده في حالة ان ليك علاقة قوية معاه و هتقوله 5 حاجات حلوة وواحدة سلبية 7. متخرجش من الترانيم لأي سبب من الأسباب 8. متردش على الموبايل و أعمله صامت بدون أهتزاز و يفضل تقفله 9. متكلمش الأطفال أو المدرسين حتى لو فيه حاجة مهمة و متنساش أنك بتعبد الله مع الأطفال 10. تفاعل بكل حواسك مع القائد و لو طفل بصلك ابتسم في وشه 11. أوعى تتكسف أو تقول الناس هيقولوا على ايه لما يشوفوني باعمل الحركات مع الأطفال أنت بتمجد الله 12. البسي حاجة مناسبة أنك تعملي بيها حركات تأثير الموسيقى على الطفل (دراسة) · الموسيقى بتنمي شخصيات الأولاد و بتنمي الجوانب الأجتماعية كمان. · الموسيقى بتأثر في أدق انفعالات الأنسان و بتعبر عن أحاسيسه و عواطفه و الطفل بيرتبط بالموسيقى من أول ما كان بيسمع دقات قلب أمه و هو في رحمها أو وأمه بتغني له و هو بيبي و فرحة ترانيم و أغاني الأطفال و نشاطة الطفل و هو بيرنم أو بيغني. · الدراسة بتقول أن شخصية الطفل تتركب من عدة مكونات ، الجسمية والعقلية والانفعالية والاجتماعية و بتتفاعل مع بعضها البعض وبتتبادل التأثيرات. · ومن الناحية الجسمية الموسيقى بتعلى التوافق الحركي والعضلي تو بتدرب الأذن على التمييز بين الأصوات المختلفة و ده بينمو عند الطفل من خلال ِأنشطة زي التذوق الموسيقى والغناء والإيقاع الحركي والعزف على الآلات. · ومن الناحية العقلية فالموسيقى بتنمي الإدراك الحسي والقدرة على الملاحظة وعلى التنظيم المنطقي وتنمية الذاكرة السمعية والقدرة على الابتكار و بتسهل تعلم وتلقى المواد الدراسية و ده عكس اعتقاد اغلب الناس. · و من الناحية الأنفعالية فالموسيقى بتؤثر في شخصيته وقدرته على التحرر من التوتر والقلق فيبقى أكثر توازن و كمان الموسيقى تستثير في الطفل انفعالات كتيرة زي الفرح والحزن والشجاعة والقوة والتعاطف وغيرها و ده بيساهم في أغناء عالمه بالمشاعر التي تزيد من إحساسه بإنسانيته. · و الموسيقى بتنمي الجانب الأجتماعي كمان عند الطفل لأنه في وقت الغناء والألعاب الموسيقية بتزيد ثقته بنفسه ويعبر عن أحاسيسه بدون خجل وبيقوي علاقته بأصحابه و اخواته. · ده غير الجانب الترفيهى في حياته و كمان الموسيقى بتنقل التراث الثقافي والفني إلى الأطفال. · الموسيقى مش بتسعد الطفل بس لكن كمان بتساعده على تنمية شخصيته في كل جوانبها و عشان كدة لازم يكون ليها مكان اكبر في حياته اليومية . · غني مع طفلك · أستخدم المواد المحيطة بك لعمل آلات موسيقية · أجعل طفلك يستمع لمختلف أنواع الموسيقى · اشتري لطفلك مسجل أو هارموينكا أو أكسليفون · أترك طفلك يراك و أنت تلعب البيانو · ادخل أبنك حصص موسيقى · غني اسم طفلك بعدة ألحان موسيقىة و ده اللي احنا بنعمله مع الأطفال في الترانيم |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| كيف أقود فترة ترانيم في مدارس الأحد؟ |
| فترة ترانيم في مدارس الأحد |
| قصة أستير (مسرحية لمدارس الأحد) |
| موسوعة ترانيم لمدارس الاحد |
| بعض الأفكار لمدارس الأحد |
العرض العادي
