|
 |
 |
 |
|
رقم المشاركة : ( 1 )
22 - 07 - 2016, 10:15 AM
|
|||||||||||
|
|||||||||||
 الكوبايه المكسوره الكوباية دى انا بحبها اوى .. و بحب ابصلها .. و رغم انها اتكسرت من سنين عمرى ما رمتها بشوف فيها معانى كتير و بتعلم منها ايه انتوا لما شوفتوا الصور دى.. حسيتوا بايه... او اتعلمتوا ايه .. او بالنسبالكوا مثلت ايه؟ تعالو نحلل الموقف.. الكوباية دى ازاز .. زمان وقعت وقعة وحشة جدا.. لدرجة ان كل اللى انا عملته انى خبيت وشى عشان متوقعة انها هتتدش و خفت اتعور فى وشى ولا عنيا الا انها نزلت نطت 3 نطات على الارض و اتشرخت شرخ كبير لو كان كمل للطرف من الناحية التانية كان زمانها فى خبر كان.. ارادة ربنا بقى .. بس ماركة كويسة .. خلينا نقول معدنها اصيل و استحملت الخبطة و الوقعة كده اكيد فهمتوا انا شوفتها ازاى أيون... انت ممكن تتخبط خبطة تقريبا تكسرك و تفضل برده واقف على رجلك .. دا مش معناه انك متكسرتش و لا معناه ان عمر ازازك هيلحم تانى و ترجع كوباية سليمة فى حاجات بتحصل فى الحياة بتبقى بفورة .. مش مشاكل عادية ولا زعل عادى .. فى حاجات بتعلم على الواحد لبقية عمره الكوباية دى كان ممكن تتكسر تماما و متنفعش تانى.. بل و كان ممكن تعور اللى حواليها من فتافيت الازاز اللى بتطير فى كل حتة.. و دا حقيقى .. ساعات وقعة الانسان مبيبقاش ضررها عليه لوحده.. ممكن يتضر معاه اهله اصحابه.. و اللى كانوا بيحاولوا يقفوا جنبه الكوباية دى لسه كوباية ازاز ... بس ياترى لسه تقدر تقوم بكل وظايف الكوباية الازاز؟ يعنى شكلا من برا كويسة انما مضمونا من جوا بقى تنفع! الحقيقة ان الكوباية دى لسه ممكن يتحط فيها مية .. انما بالبطئ بتقعد تنزف اللى جواها من الشرخ دا معناه ان صعب ترجع تعمل نفس اللى انت كنت بتعمله قبل الكسرة بالظبط.. ممكن متعملوش بكفاءة .. و ممكن متعملهوش تانى.. زى اللى عمل كل حاجة عشان صاحبه و جه صاحبه باعه.. ممكن يتحول خلاص انسان شكاك و عمرى ما يثق حتى فى صوابع ايده الكوباية دى محتاجة اللى يفهم احتياجاتها و قدراتها و بالتالى يحط فيها حاجة حاجة كثافتها اكبر من كثافة المية عشان ميبقاش سهل يتسرب منها... بدل ما المجتمع يحطها فى الزبالة و يقول خلاص مبقتش تنفع الكوباية دى بقت محتاجة معاملة خاصة جدا... انا و انا بمسكها و بملاها و بنشفها كنت خايفة تتكسر لانها فعلا على اخرها... و كذلك بعض الناس فى حياتنا.. او يمكن معظمهم ان مكنش كلهم بحس ان كلنا محتاجين نحسس على بعض لان محدش مستحمل.. محدش عارف كل واحد بيمر بايه عشان يحمل عليه اللى هيستعملها محتاج يشرب منها من بعيد عن الكسر.. عشان ميرجعش يلوم عليها و يقول ليه جرحتنى و انا اللى عملت خير و قررت اعاملها كانها كوباية.. عمايل الخير مش تقضية واجب.. بالعكس.. دى بتحتاج مجهود عشان يتعمل الصح الكوباية دى لو شوفتها من الجنب التانى ممكن متخدش بالك انها مكسورة زى اى حد ممكن يدارى و يخبى و يضحك و يملى الدنيا هزار و عمرك ما تصدق ان وراه هم او عنده مشاكل و يمكن تحسده كمان الكوباية دى لو بقيت فى البيت فترة .. عينك هتاخد عليها... هتتعود انها مكسورة.. بل هتنسى انها مكسورة... ممكن تعاملها عادى او تنسى و تحطها وسط الطقم و متاخدش بالك انهى فيهم كانت مكسورة زيها زينا.. لما بيعدى على جرحنا فترة .. الناس بتنساه.. او بتتعود على كوننا بنتالم.. و حتى اللى واقف جنبك يبقى يعاملك عادى جدا و يقولك ماخلاص فلان بقى كويس الحقيقة ان المريض عمره ما يتعود على الالم مهما طال بيه المرض.. بيفضل كل مرة الالم بيوجعه زى اول مرة مثلا لو بنت فقدت ابوها و ابوها مات.. اوعى تفتكر انها نسيت.. او بقت عادية.. او الحوار دا فات عليه شهور و ممكن تعاملها عادى و كأن شيئا لم يكن لو بنت اطلقت .. لو حد اتسجن او اعتقل.. و هكذا لو فكرنا ان كلنا كوبايات ازاز.. و ان اللى بيتكسر مبيتصحلش.. بجد هنحاسب على بعض اوى لو معدنك أصيل هتستحمل .. لو حواليك الناس الصح هتكمل .. فكر ليه ربنا اداك فرصة تانية.. مبيحسش بالوجع الا اللى داقه فاشفق على غيرك منه الكوباية دى انا عنيا وقعت عليها و انا بعيط لوحدى.. محدش كان يعرف انى بعيط.. بس ربنا كان عارف.. و الهمنى كل دا عشان اهدى و ابطل عياط قمت حطيت فيها مية و قولت ياترى هينفع...؟ و لقيته نفع شوفت نفسى فيها.. و حسيت انى ممكن اكمل و اقدر اكمل.. و لو اللى حواليا مش فاضيين يفكروا فى معاملة خاصة لكسرة جوايا فانا مش هكلف نفسى الا وسعها ربنا بيجبر خاطرنا فى كل وقت.. شكرا ربى الكاتبه_ايه يوسف طعيمه 
|
|
22 - 07 - 2016, 11:08 AM
|
رقم المشاركة : ( 3 ) | ||||
|
..::| الإدارة العامة |::..
|
رد: الكوبايه المكسوره
ميرسي على مشاركتك الجميلة
|
||||
|
|
|
22 - 07 - 2016, 11:40 AM
|
رقم المشاركة : ( 4 ) | ||||
|
† Admin Woman †
|
رد: الكوبايه المكسوره
و لو اللى حواليا مش فاضيين يفكروا فى معاملة خاصة لكسرة جوايا فانا مش هكلف نفسى الا وسعها ربنا بيجبر خاطرنا فى كل وقت.. شكرا ربى جميلة جدا يا قمر ربنا يفرح قلبك |
||||
|
|
|
22 - 07 - 2016, 09:41 PM
|
رقم المشاركة : ( 6 ) | ||||
|
..::| الاشراف العام |::..
|
رد: الكوبايه المكسوره
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| تصميم | أفرح قلوبكم المكسوره |
| يسوع طبطب علي القلوب المكسوره |
| يوجد ايضاً رجاء للأنيه المكسوره |
| أحلامنا المكسوره تختبئ تحت جناح الخِيره |
| الأشياء المكسوره قد تصبح أشياء سبب بركة، |
العرض العادي
