احنا مش محتاجين لمجرد اهتمام او سؤال او تليفون ولا شات ولا هدايا مع ان كل ده مهم .. لكن احنا فى أمس الحاجة لحد يقبلنا بلا خطوط او شروط او اعتبارات او وصفات او نصايح او محاضرات .. احنا بندور فى وشوش الناس على الإبتسامة اللى مالهاش بقشيش .. بندور على الكلمة الحلوة اللى بتتقال مرة واحدة لينا مش اسطوانة بتتقال لكل الناس .. بندور على الحب اللى بسبب ومن غير سبب .. بندور على التشجيع اللى بتلاكيك .. وبندور على اللى بيسامح ومش ماسك لينا كارت ترهيب او معايرة وقت اللزوم .. احنا بندور على حاجات ابسط بكتير من الهيلمان اللى ناس كتير بتعمله وفاكرة انهم كده بيحبونا ومهتمين بينا .. عارف ان الحاجات ديه نادرة جدا وقليل لو لقيناها فى حد .. بس أهو مجرد فضفضة .
