لكل يوم زوّادة: صلّي تا ترجع ع درب الرب : 18 / 12 / 2020 /

[souad jaalouk]

لكل يوم زوّادة: صلّي تا ترجع ع درب الرب

اوقات بتنام بالنهار بتوعى لكم دقيقة ما بتكون عارف لا ايّ يوم نحنا لا اذا صار بكرا لا انت وين لا انت مين...بدّك شي خمس دقايق لتركّز و ترجع تحطّ حالك عالسكّة المزبوطة.
كم مرّة بحياتنا هيك بيصير معنا، كل شي مع بعضو ما بقا منعرف شي من شي و منضيع بس هالمرّة نحنا و واعيين!؟
المشكلة انّو بهيك وقت بخمس دقايق تركيز ما بيمشي الحال! تا ترجع عالسكّة الصحّ بدّك قوّة تشدّك و توجْهَك مطرح ما لازم... هالقوّة مش من عندك، مصدرها السما و بس! صلّي تا توعى! صلّي تا ترجع عا درب الربّ! يا طفل المغارة خلّينا معك نرجع نولد من جديد و نمشي من الأوّل عالطريق الصحّ بلا ما نضيع ابدا!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب