إيه هو الشغف من وجهة نظرك ؟!

[Rena Jesus]

-لما سألوا المذيعة المشهورة أوبرا
إيه هو الشغف من وجهة نظرك ؟! قالت و هي مبتسمة :
" الشغف طاقة بحس بيها بتتدفق في عروقي و تنبع من الأشياء اللي بتحفزني " ..
- في quote جميلة أوي كتبها واحد كندي إسمه Donovon Bailey بتقول :
" follow your passion, be prepared to work hard and sacrifice, and, above all, don't let anyone limit your dreams .."

- واحدة أعرفها دايما تقوللي لو محستيش إن عندك شغف بشغلك اعرفي إنك بتشتغلي ف المكان الغلط ..

- أنطوني دي انجلو في مرة قال
"طور الشغف بالتعلم، فإن فعلت .. فلن تتوقف عن النمو .."

- لما كنت بشوف أختي بتتعب ازاي في شغلها و بتضحي بخروجات و حاجات كتير علشان الشغل كنت بستغرب لحد ما شوفت قد ايه هي شغوفة باللي بتعمله و بتحكي عنه وهي مبسوطة ..

بيتهيألي ان الدافع الوحيد اللي بيخليك تكمل في أي حاجة ف حياتك هو الشغف ..
ممكن يجيلك شغل أحسن من اللي انت فيه و متقبلش لانك عندك شغف بشغلك ..
مبسوط باللي بتعمله و حابب مجالك ..
جايز يتعرض عليك فرصة تدرس في مكان أفضل من اللي موجود فيه و تلاقي نفسك متردد تسيب مكانك ..
متردد لإن في حاجة بتشدك للمكان دا ..
في حاجة بتقولك انت مكانك هنا .. انت ماشي صح ..

حتي العلاقات بمختلف انواعها
السبب الحقيقي ورا اكتمال أي علاقة هو " الشغف " ..
لما يكون عندك شغف بشخص ما ..
بتبقي مبسوط لما تشوفه و بتبقي دايما حابب تعرف أخباره و تتكلم معاه ..
الشغف دا كمان بيكون دافع ليك إنك تكمل في العلاقة دي بكل مشاكلها و عيوبها ..

كلنا حتي بنلاحظ إن لما الشغف بيقل التمسك بالاشخاص كمان بيقل ..
العلاقات بتبوظ و تبقي مملة و ملهاش معني ..
الحقيقة ان لما شغفك بأي حاجة ف حياتك بيروح ..
دور الحاجة دي بيبدأ يقل بالتدريج لحد ما يختفي خالص ..

لو معندكش شعف بالحاجات اللي بتعملها في حياتك ف انت كدة بتضيع وقتك علي الفاضي !
الشغف هو الطاقة اللي بتحركنا لا إراديا تجاه الحاجات والأشخاص اللي بنحبهم .. بتبان في عيوننا و كلامنا و حتي في تصرفاتنا ..
بس الأهم من كل دا هو ازاي نعرف احنا عندنا شغف بإيه أو بمين ؟!
و نطور الشغف دا و نستفيد منه ^^