علمنى أكون يوسف

[walaa farouk]

يوسف من اكتر الناس ال تعرضت لظلم من اقرب الناس له ؛ اهله و اخواته ال كانوا سبب ان طفل صغير يتباع عبد ، يتظلم و يتهان
متخيل واحد اغلي ناس في حياته ال كان رايح بحب ' يفتقد سلامتهم ' يعملوا فيه كدة من غير ما صراخه و لا دموعه يكونوا شفيع له عندهم .
متخيل كمية الكره و الحقد ال مفروض يشيلها بهم سنة ولا سنة و هو من الاسماعليين لبيت فرعون للسجن ، الكسر ال تسببوا فيه من غير ما ضميرهم يوجعهم حتي
بس الغريب فعلاً ان اول ما يشوفهم يديهم خير من قلبه ببلاش و يقول لهم ' سلام لكم لا تخافوا ' ' انا يوسف اخوكم الذي بعتموه الي مصر ولكن لا تتأسفوا '
سنين السجن علمت يوسف ال معرفش يتعلمه في بيته بالقميص الملون
علمته مهما كان الناس قريبة هيبعدوا ؛ اخواته ، ابوه و ساقي الملك كلهم عاشوا معاه سنين و حبوه بس بطريقة او اخري جرحوه
علمني اكون يوسف ال مهما حصل فيه من الناس يفضل دايماً يقول ' لانه لاستبقاء حياة ارسلني الله ' و افضل فاكر ان كل خير في حياتي ' منسي ' لان الله انساني كل تعبي و جعلني مثمرا في ارض مذلتى

[Mary Naeem]

مشاركة جميلة جدا

ربنا يبارك حياتك

[Rena Jesus]

جميله جداااااااااا
ربنا يفرح قلبك

[walaa farouk]

مارى
رينا
ميرسي كتير على مروركم الغالى