|
 |
 |
 |
|
رقم المشاركة : ( 1 )
13 - 10 - 2017, 09:27 PM
|
|||||||||||
|
|||||||||||
 عارف الاية المشهورة بتاعة "استطيع كل شئ في المسيح الذي يقوّيني".. ؟! ايوة الاية بتاعة الامتحانات اللي كنت بتكتبها على الملازم وتقولها قبل النتيجة دي… ممكن اصدمك شوية في معناها! الحقيقة هي الاية دي مش بتتكلم خالص عن المتحانات او النجاح او اي وضع خارجي عموماً.. مش مفتاح سحري يجيبلك المعجزة او تغيير الظروف او قدرة خارقة تعمل بيها اللي انت عايزه. مكنش ده معناها خالص، وبولس لما قالها كان في وضع مختلف تماماً… تعالى افهّمك.. بص يا سيدي عشان تفهم اقرا المقطع كله بتاع الاية لما كان بولس بيحكي عن ظروفه فا بيقول كدة.. "فإني قد تعلّمت ان أكون مُكتفياً بما انا فيه. أعرف أن أتّضع وأعرف أيضاً أن أستفضل. في كل شئ وفي جميع الأشياء قد تدرّبت أن أشبع وأن أجوع، أن أستفضل وأن أنقُص.. أستطيع كل شئ في المسيح الذي يقوّيني". وكأن القدرة اللي بولس بيتكلم عنها مش في تغيير الواقع، لكن في التكيُّف معاه والفرح جوا كل اللي بيحصل من غير ما ده يأثر عليه. وكأن بولس -اللي بالمناسبة كان شبعان اعلانات سماوية ومعجزات كتير- شاف ان احتياجه للقوة اللي المسيح يديهالُه هي في قبول الواقع سواء جوع او شبع او ضغط او راحة، مش في شوية معجزات خارقة وحركات تعمل دوشة زي ما احنا متخيلين. القدرة اللي المسيح اداهالُه هي انه كان عارف يعيش وسط اي ظروف، النهاردة مرتاح بكرة مضغوط.. النهاردة محبوب بكرة مرفوض ومكروه.. النهاردة ناجح بكرة متحاوط بالفشل من كل ناحية.. النهاردة متحع وقادر يصلب طوله، بكرة مسكور ويائس من كل حاجة.. بس في كل ده ووسط لخبطة الظروف والدنيا دي كان بولس "يستطيع كل شئ" مكنش بيتغلب من ظروفه كان بيعدي فيها ويعديها وهو منتصر "بالمسيح الذي يقويه". عشان كدة خلّي دي نظرتك للآية دي لما تقراها، هي ان القدرة والقوة اللي المسيح بيديها بجد انك تعيش في الواقع مبسوط من غير انكار او رفض او طمع في شوية راحة مزيفة قدام. القوة هب ان اي ظروف بتعدي فيها ماتعطلكش عن الهدف اللي انت رايحلُه، ماتكسرش روحك وتمّوت ارادتك بالعكس انت هاتعلى فوق الظروف دي وتوصل برضو في النهاية للي ربنا دعاك ليه! من الاخر يعني، المسيح مش هايجيلك عشان ترمي الواقع او تبدّله، لكن هايدّيك القوة انك تقبله وتفرح جواه حتى لو ماتغيّرش، وهي دي المعجزة اللي بجد! تشدّد يا صديقي… لأنه تحت اي ضغط ووسط اي ظروف.. "تستطيع كل شئ في المسيح الذي يقوّيك"! 
|
|
14 - 10 - 2017, 10:24 AM
|
رقم المشاركة : ( 2 ) | ||||
|
† Admin Woman †
|
رد: تستطيع كل شئ في المسيح الذي يقوّيك"
تشدّد يا صديقي… لأنه تحت اي ضغط ووسط اي ظروف.. "تستطيع كل شئ في المسيح الذي يقوّيك"! آمين يا رب |
||||
|
|
|
14 - 10 - 2017, 09:10 PM
|
رقم المشاركة : ( 3 ) | ||||
|
..::| الإدارة العامة |::..
|
رد: تستطيع كل شئ في المسيح الذي يقوّيك"
ميرسى على مرورك الغالى  |
||||
|
|
 |
|
العرض العادي
