بتحبى فيه ايه؟؟

[Rena Jesus]

مره سألونى بتحبى فيه ايه؟؟
ودايما برد واقول : انا بشوف فيه مواصفات كتيره حلوه اوى ..
بس عايزه اقولك فى صفه بتغطى او بتشمل كل دول .. ((هو نبيل))
عارفه لما تقولى على شخص انه نبيل؟
نبيل يعنى فيه كل الصفات الحلوه اللى فى الدنيا

نبيل بيبقا كريم .. بيبقا من اصل طيب .. ابن ناس طيبين وقلبه ابيض .. حنين
بيعرف يحترمنى كأنثى .. سايبلى مساحتى ومدينى حريتى .. بيحترم حريتى وشغلى
مش بس بيعرف يحترمنى عشان مراته.. هو بيعرف يحترم مامته ,
بيحترم اخته وبيحترم اى ست بيشوفها

النبيل بيحب شغله وبيقدره وبيقدر الناس وبيعامل كل الناس زي بعض
يعنى مفيش فروق ولا طبقات عنده ولا اختلاف ولا اى شكل من اشكال التمييز
..
نبيل يعنى بيعرف يحبنى بجد من قلبه ومبيشوفش ستات غيرى حتى لو شاف الاحلى والاصغر والاجمل .. نبيل يعنى بيقدر يحتوينى دايما ..
مهما حصل ومهما مريت بظروف صعبه
فا انا دايما بقول الراجل ده بكل معنى الكلمه نبيل
يعني فعلا فيه كل الصفات الحلوه اللى ممكن تكون موجوده فى اى راجل
- كنده علوش

الخلاصه:
لما تحب شخص قبل ما تبص هو بيحبك ولا لأ ..
تركز اصل الشخص ده ايه
تركز وقت ما الحب يروح ايه الشخصيه اللى هاتفضل مكمله معاك
تتأكد فى وقت ما المشاعر تهدا ايه الاصل اللى هايبان
تكون متأكد كويس اوى ايه معدن الشخص اللى هاتشاركه كل حاجه واللى هاتديه هديه لولادك او مأساه يلوموك عليها باقى العمر
..

انك يكون معاكى راجل بجد .. مش بخيل
مش بخيل عليكي ولا بوقته ولا بفلوسه ولا بمشاعره
يعني حد تحسى معاه انك فى مملكتك .. كل حاجه ملك ايدك زى مابيقولو
مفيش حاجه ولا احساس ناقصك ..
ولا معاكى واحد بيخليكى تبصى لغيرك وتقولى يا بختها
..

الاهم من الجواز مين اللى هاتتجوزه؟
الاهم من خلفة العيال مين اللى هايكون مسئول عن نفسيتهم
الاهم من الحب الاصل اللى جوه اللى بنى ادم ومعدنه وحقيقته اللى هاتظهر فى وقت الشده والمواقف الصعبه
لو انت مختار شخص سيء من جواه مهما كان بيحبك هاتمر بفترات اسى كتير
مهما كان بيوهمك وبيوهم نفسك انه بيحبك,
انت هاتختبر بنفسك يعنى ايه قسوه واستغلال و استغناء وقت ما انت محتاج
..

مش مهم القطر يفوتك على اد ما المهم بجد انه لو مافتكش تكون اخترت صح

cpd

[Mary Naeem]

ربنا يبارك حياتك

[walaa farouk]

ربنا يبارك خدمتك الجميلة

[Rena Jesus]

ميرسى لمروركم الغالى