|
 |
 |
 |
|
رقم المشاركة : ( 1 )
23 - 07 - 2022, 01:25 PM
|
|||||||||||
|
|||||||||||
 الحضن 🫂 أكتر مكان في راحة رغم صغره. أكتر مكان بتطلع فيه كل اللي جواك من غير ولا كلمة. أكتر مكان فيه طبطبة وراحة بيديك طاقة بدل اللي استنفذت. 🥰 المكان اللي بتتحط فيه على الشاحن وبترجع full power 💙🫂 المكان اللي بيقف فيه الزمن لحظات وبيتقالك بمنتهى الحب "أنت أهم حاجة هنا والآن" وأد إيه الإحساس ده بيفرق ... إحساس أني متشاف ومهم ومقبول من غير حاجة. في مشهد في مرقس ٩ حب يسوع يعلم التلاميذ الاحتواء والقبول عدد ٣٦ و٣٧ " فَأَخَذَ وَلَدًا وَأَقَامَهُ فِي وَسْطِهِمْ ثُمَّ احْتَضَنَهُ وَقَالَ لَهُمْ: «مَنْ قَبِلَ وَاحِدًا مِنْ أَوْلاَدٍ مِثْلَ هذَا بِاسْمِي يَقْبَلُنِي، وَمَنْ قَبِلَنِي فَلَيْسَ يَقْبَلُنِي أَنَا بَلِ الَّذِي أَرْسَلَنِي" حضن !!! مش تعليم بكلمتين!! لكن درس عملى!! آه .... لأن ببساطة هو عارف سر وسحر الحضن .... وأنه أكبر إعلان عن القبول 🥰 دعوة غريبة للقبول والحضن 🫂 دعوة جديدة أنك تتحد بوجع أخوك وتشيل عنه. دعوة للطبطبة في وسط أوجاع الحياة. ولو أنت محتاج الحضن ده ومش لاقيه .... أفتكر أن يسوع يوم ما مات أختار موته يفتح ذراعه فيها ليك ولكل اللي محتاج للحضن. #لمسة_القبول_والاحتواء #لمسات_يسوع 
|
|
العرض الشجري