خفت منه | مثل الوزنات

[walaa farouk]

باستغرب تصرف العبد الأخير اللي أخد الوزنة "
فخفت ومضيت واخفيت"
وكأنه مايعرفش سيده، زي ما عرفه العبدين الأولين..

الاتنين مشيوا وتاجروا بالوزنات وربحوا،
وده فضل متقيد بمخاوفه من سيده
، ماتاجرش ولا ربح ولا حتى اتحدى خوفه!!

ودا اللي إحنا بنقع فيه أحيانًا مع الله
، بنتسجن فى أفكار ومعتقدات غلط وكأننا ماعرفناهوش قبل كده وماشوفناش احساناته..
نخاف إن نظهر له قلقنا وتوترنا وعدم فهمنا لطرقه أو خططه فمانلاقيش إجابات..
نخاف نسأله عن مشيئته لإننا ممكن مانقدرش ندفع ثمن تبعيته!
في الأغلب كان حال العبد دا هيتغير لو أعلن عن مخاوفه
قدام سيده..
واليوم جاية باعلن مخاوفي قدامك
يارب مش عايزة أفضل عايشة بيها وتفضل تكبر صورة غلط عنك،
تمنعني من تنفيذ مشيئتك🙏