العز أن أنت أبنه

[walaa farouk]

واحد صاحبي جاب ولد.
فكتير من الناس وهما بيهنوه بيقولوله كدة: "
يتربى الولد في عز أبوه." يمكن الكلمة دي سمعتها كتير،
لكن معرفش المرة دي فضلت ترن في دماغي كل الليل
وتاني يوم طول الوقت، خصوصا بسبب رد الأب
لما قال بس أنا مش غني يا جماعة وقعد يضحك
، ردت مراته وقالت كدة:
"كفاية أن أنت هتكون أبوه، ده عز من الحنية، وعز من الحب،
وعز من القبول مظنش موجود عند حد تاني"
كل ده هيتربى فيه الولد المولود ده لأن كله عند أبوه ومِلك أبوه،
فبالتالي هيكون ليه وعشانه وهيتمتع بيه.
ساعتها افتكرت مين أبويا أنا.. مش أبويا الأرضي.
لكن أبويا اللي بقوله كل يوم: "يا بابا يالي في السما"
في مزمور 28 يقول داود الكلمات دي:
"الرَّبُّ عِزّي وتُرسي. علَيهِ اتَّكلَ قَلبي، فانتَصَرتُ
. ويَبتَهِجُ قَلبي وبأُغنيَتي أحمَدُهُ. الرَّبُّ عِزٌّ لهُمْ
، وحِصنُ خَلاصِ مَسيحِهِ هو"
"الرَّبُّ عِزّي"... "الرَّبُّ عِزٌّ لهُمْ"...
عزنا وفخرنا وبركتنا في الرب
. وثقتنا في أننا ولاده، وهو أبونا.
اطمن عشان عز أبوك متاح وموجود. ليا وليك.
العز مش فلوس وعطايا وبركات.
العز أن أنت أبنه.
هو ده العز.
العز في مكانتك فيه.
العز في حبه وحنانه وقبوله.
العز في كل البركات الروحية اللي متاحه ليك فيه!