|
 |
 |
 |
|
رقم المشاركة : ( 1 )
03 - 12 - 2022, 09:39 PM
|
|||||||||||
|
|||||||||||
 خمس اصحاب حكايتهم غريبه اوي ! الخمسه دول واحد منهم تعب ويوم ورا التاني التعب بيشد عليه وهما الاربعه الباقيين محتفظين جدا بصداقتهم وعلاقتهم مع صاحبهم الخامس وكل يوم يروحوا له ويطمنوا عليه، وسنه ورا التانيه الشخص دة يتعب اوي وينام في السرير وميتحركش والموضوع بقي صعب اوي مش عارفين نتواصل معاك اة انت مش خارج معانا لكن احنا هنجيلك لغايه عندك احنا هنقعد معاك احنا بنحبك اوي والمحبه دي بس مكانتش واقفه عند ان هما بيحبوة ويروحو له ويقضوا معاه وقت لكن كمان ازاي يساعدوه انه يخف وان الضعف اللي في حياته دة يتفك منه وازاي صاحبهم دة يرجع يعرف يتحرك معاهم تاني بس في يوم سمعوا خبر جميل جدا ان يسوع جاي عندنا يسوع جاي كفر ناحوم... وفي يوم راحوا له لكن لقوا الدنيا زحمه جدا ومعرفوش يدخلوا وغالبا لو احنا مكانهم كنا هنقول احنا نروح ونيجي ليسوع يوم تاني يكون فاضي شويه ومفيش زحمه لكن الحقيقه هما فكروا بطريقه مختلفه هما اصروا وصدقوا انهم هيوصلوا ليسوع فطلعوا فوق السطح وبداوا يشيلوا الحاجات اللي عالسطح وبداوا ينزلوا صاحبهم دة من فوق السطح والكتاب بيقول كدة "فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ: «يَا بُنَيَّ، مَغْفُورَةٌ لَكَ خَطَايَاكَ»." لما يسوع شاف ايمان الاربع صحاب دول ومحبتهم الغاليه اوي لصاحبهم دة قاله مغفورة ليك خطاياك وقم احمل سريرك وامش. محتاجين نفكر هو احنا صحاب جدعان؟ محتاجين نفكر هل احنا في وسط صحاب جدعان ؟ محتاجين نقرب بعض ليسوع صح وازاي كل مرة انا بقدم اخويا ليسوع بايمان ربنا هيعمل في حياته معجزة لما تصدق ان الله يقدر يعمل بايمانك المعجزة وتحطهم قدامه وتقولهم ان التغيير الحقيقي عندة. "فَلَمَّا رَأَى يَسُوعُ إِيمَانَهُمْ، قَالَ لِلْمَفْلُوجِ: «يَا بُنَيَّ، مَغْفُورَةٌ لَكَ خَطَايَاكَ»." 
|
 |
|
| قد تكون مهتم بالمواضيع التالية ايضاً |
| الموضوع |
| اصحاب المفلوج |
| ربنا يبعتلنا صحاب زي اصحاب المفلوج |
| هو انتوا ليه اصحاب اوي كده ؟ |
| مش اصحاب |
| الفرق بين اصحاب البنت و اصحاب الولد |
العرض العادي
