|
 |
 |
 |
|
|
|
رقم المشاركة : ( 1 )
12 - 07 - 2022, 10:55 PM
|
|||||||||||
|
|||||||||||
 كيفن طفل عنده ٩ سنين نجى من الموت بأعجوبه غريبه جداً.. الحكايه بإختصار ، أثناء حرب روسيا واوكرانيا ، فى بيوت كتير وقعت اثر الانفجارات اللى كانت بتحصل .. كيفن كان من ضمن الناس اللى اتضربت بيوتهم واتهدت .. لكن من حظه السىء جداً انه البيت وقع عليه وفضل تحت الأنقاض ٥ ايام لغاية ما فرق الإنقاذ طلعوه.. العجيب بقى فى الموضوع ، لما سألوه ازاى كنت عايش تحت الانقاض ، قالهم اناكنت قاعد فى اوضتى وفجأه لاقيت نفسى جوه حفره كبيره ضلمه ، فضلت اصرخ كتير ماحدش سمعنى ، لكن ساعتها افتكر حاجه اخدتها فى المدرسه ان ربنا قال #إِنَّ_كُلَّ_مَا_طَلَبْتُمْ_مِنَ_الآبِ_بِاسْمِي_يُ عْطِيكُمْ. طلبت ان ربنا ينجدنى لكنه اتأخر ، طلبت كمان ان حد يسمعنى حتى وانا بصرخ ولكنه اتاخر بردو لكن ساعتها بكيت بكا شديد جداً بمراره ، وانا بتألم وقلبى واجعنى من الم الكسور اللى فيا والخوف .. ساعتها قولت يارب انا واثق انك سامعنى ، انا مش طالب منك غير حاجه واحده ، اروى عطشى لأن دى الحاجه الوحيده اللى مش هاقدر اتحملها اكتر من كدا .. وقد كان .. كيفن بيقول ان اول ما خلص صلاه مباشرة ، لقى قطرات المياه نازله على وشه وطعمها عذب جدا وكانت بتتكرر كل ما يحس انه عطشان .. لغاية ما فى يوم لقى خبط حواليه وصوت ناس ، ساعتها عرف ان ساعة ربنا جائت بالإفراج عنه للنور من جديد . الدكاتره قالوا ان لو كيفن فضل يوم كمان كان ممكن يموت بنسبه كبيره بسبب نقص الأكسجين فى المكان اللى كان فيه .. فى نهاية الحلقه كيفن قال كلمه حلوه قوى رغم صغر سنه .. " ربنا مظبوط جداً فى مواعيده ، مش شرط كل دعوه تتحقق فى الوقت اللى انت عاوزه ، ربنا عارف الوقت المناسب وهايفاجئك بعمل عظيم مبهج "- -( الرب قد يمشي متمهلا ولكنه لا يصل متأخرا ) 
|
 |
|
| قد تكون مهتم بالمواضيع التالية ايضاً |
| الموضوع |
| تعويض ربنا بيجي في الميعاد مظبوط |
| تعويض ربنا بيجي في الميعاد مظبوط |
| توقيت ربنا دايما مظبوط |
| كن مطمئناً جداً جداً لأن ربنا موجود ❤️ |
| ربنا دايما ظابط جدول مواعيده |
العرض المتطور