|
 |
 |
 |
|
رقم المشاركة : ( 1 )
04 - 08 - 2019, 03:55 PM
|
|||||||||||
|
|||||||||||
 " العلاقات والنجاحات المبنية علي الرمل " بنشوف كتير الايام دي علاقات بتبدأ وتكبر بسرعة رهيبة وفي لحظة تنتهي بنفس السرعة .. ومشاريع تبدأ بفرقعة ضخمة وفي لحظة تقفل .. وخدمات تتأسس بدعاية كبيرة ونبص بعدها منلاقيش لها وجود .. لكن لما فكرت في الفكرة دي .. لقيت انها من اهم الافكار اللي ركز عليها الانجيل بقوة في فكرة البيت المبني علي الرمل والصخر .. البيت المبني علي الرمل بيتبني بكل سهولة وبيتهد بكل سهولة . مش بياخد وقت في بنائه وبرضو مش بياخد وقت في هدمه . . جرب تبني بيت علي الرمل مش هياخد منك اي وقت وده لانه مالهوش أساس ومش هيحتاج منك أساس هاتطلع بيه علي طول وممكن تبني ١٠ بيوت في وقت واحد .. لكن مع اول شوية رياح هيتجاب علي الارض . لكن المسيح وصي ان لو عايز نجاح حقيقي في كل مجالات حياتك ابني علي الصخر مش علي الرمل .. الصخر بياخد وقت وصعب في بنائه محتاج حفر وتنضيف كويس وتساوي الاساس وغالبا يبقي انجاز عظيم لو بنيت دور واحد . . لكن الدور ده هايكون حقيقي وثابت وقوي بعكس كل البيوت المبنية علي الرمل . . مهما كان شكلها جميل مع اول رياح قوية بيتهد تماما . علشان كدة المسيح لما بييجي يعمل رجال ليه يشهدوا عنه .. بيبنيهم علي الصخر بيتشكلوا في وقت طويل بتجارب وصدمات صعبة .. لكن بيكونوا في النهاية محفورين في الصخر . لو بنيت دور صغير علي الصخر .. افتخر بنفسك ! افضل من اللي بيبنوا بيوت كتير طويلة علي الرمل وبتتهد بكل سهولة ! ممكن تنبهر بالبيت اللي في الصورة ده .. وتقول الله وتتخيل نفسك تسكن فيه ولو ليوم واحد .. لكن عايز افاجئك انه مع اول خبطة رجل هيقع ويتساوي بالارض . الله لما بيحبنا .. بيختار انه يحبنا حب مبني علي الصخر صعب وفيه تشكيل وحفر ونحت لكنه حقيقي وثابت وابدي . . مش بيحبنا حب سهل يبنيه علي شوية رمل (عواطف) شكله مبهر وبعدين يتهد منه ويضيع ويهلك . الحب اللي علي الصخر #حب_متين عمره ماهيلاقي بديل .. لان الصخر قليل ونادر الحب اللي علي الرمل #حب_هش عنده مليون بديل لان ما اكتر الرملة في كل العالم يارب .. هد جوانا كل حاجة مبنية علي رمل .. سواء نجاحات او علاقات او تعليم او شكل حياة .. بنعترف ان الرمل سهل وتشكيله سهل جدا . . لكن الصخر تشكيله صعب جدا بيحتاج حفر شديد وتخبيط ونحت وده مؤلم جدا للنفس .. لكن دربنا عليه وادينا نعمة فيه ، لكن ماتسيبش جوانا رمل . 
|
|
05 - 08 - 2019, 12:04 PM
|
رقم المشاركة : ( 2 ) | ||||
|
† Admin Woman †
|
رد: ماتسيبش جوانا رمل
ابني علي الصخر مش علي الرمل .. الصخر بياخد وقت وصعب في بنائه
محتاج حفر وتنضيف كويس وتساوي الاساس وغالبا يبقي انجاز عظيم لو بنيت دور واحد . . لكن الدور ده هايكون حقيقي وثابت وقوي بعكس كل البيوت المبنية علي الرمل . . مهما كان شكلها جميل مع اول رياح قوية بيتهد تماما صح يا قمر ربنا يباركك حببتي |
||||
|
|
|
06 - 08 - 2019, 04:45 AM
|
رقم المشاركة : ( 3 ) | ||||
|
..::| الإدارة العامة |::..
|
رد: ماتسيبش جوانا رمل
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ماتشحتش حب |
| ماتسيبش حاجة تترسب جواك |
| ماتسيبش نفسك لجروحك |
| ماتسيبش حاجة |
| ماتسيبش عمرى يضيع بلاش |
العرض العادي
