انا مش داخلة المنتدي دة تاني و اللي يحصل يحصل !!!

ميرو · رقم المشاركة : ( 1 ) 12 - 06 - 2012, 10:39 AM

فكرت ...زهأت ..قررت ..

مبقتش فرقة معاية

انا ماشية و مش حتشوفوني تاني

انا اسفة ..انا اخدت قرار ..

و بعتزر عن كل اللي داقتهم و تعبتهم

انا في حد دايقني في المنتدي و لا يمكن اعد و هو \ هي هنا

انا اترددت كتير انما مفيش فايدة

كل ما ادخل في مناقشات وحوارات علي شات المنتدي ..حد يدايقني

انا معنتش ليّ لزمة لا هنا و لا في اي حتة اساسا

كل ما اعمل موضوع يتحزف

مش عارف اتناقش ..مش عارف استحمل حد

انا تعبت و دايقني كتير من الناس

خلاص .انا اخدت قرار ..اتألمت كتير

و السبب المنتدي و اعضاء المنتدي ..مشرفين او ادارة !!!

مش عارف اتعمال معاهم علي انهم اخواتي

مش بقبل نقد حد و لا كلمة من حد

انا حساسة و محدش قادر يفهمني

دية اخر مرة حتشوفة كتباتي و مواضيعي

المنتدي مش حينقص عضوة

اعضاء المنتدي يتعدو الالف
انا حمشي بكرامتي ..محدش تاني حيدايقني
انا لا احترم و لا احب اسمع هذا العضو
حروح لعالم تاني و محدش حيسمع عني اخبار

لا يمكن حعد في المنتدي دة دقيقة واحدة من حياتي
و حفيد الناس باية و لامتة ؟

انا كنت كويس \كويسة من غير منتديات

عملت اية يعني لما بقالي اخوات

يسألو عليّ

يفرحو بفرحي

بيزعلو لزعلي ؟؟

استفدت اية لما كتبت كلمة شكر

لكل من دايقني في هذا المنتدي

لم اعد احتاج الي اخوات

تفتكر دة الحل ؟؟
تفتكري دة الحل في نظرك؟؟

لما نسيب بعض و مش نستحمل بعض و منعديش لبعض

؟؟

موقف حصل ..كلام او نقاش حاد بيني و بيني حد

ارمي كل الموضوع علي المنتدي و علي مسؤولية صاحب المنتدي ؟؟

لحد امتة ؟؟

بجد انا مش قادرة اصدق ان ممكن حد يمشي مننا زعلان و مدايق من اخواتة

؟؟؟؟؟؟

طب حتروح علي فين و لمين ؟؟

تفتكر دة الحل ؟؟ و لا الحل انك تواجة اخطائك و تفكر في التعامل مرة تانية

تعتزر ان اخطأت و تبعد عن الشيء اللي سبب ليك المتاعب دية

لو المنتدي =الكنيسة ؟؟؟

لية بنهرب و بنسيب كنيستنا ؟؟

عمرنا ما حنستريح لو سبنا بعض

مش حقدر تستريح لو سبت اخواتك اللي اتعودو عليك

ايوة ..! المنتدي حينقص عضو \عضوة فعال او مش فعال مش مهم

المهم انك ساعدت مرة لو بمشاركة او بموضوع حتي ترفيهي رسمت البسمة علي وجة حد من اخواتك

لية بتختار الحل : السريع : اعمل موضوع اعتزال من المنتدي

تفتكر حتروح منتدي تاني و مش حتلاقي نفس المواقف دية ؟

عشان العيب فيّ مش العيب في المنتدي و لا في اعضاء معينيين

فكر..شوية

لو لا قدر اللة المنتدي وقف او اتعطل عن العمل لفترة ..حتقدر تعد متشفهوش ؟ و مططمنش علي اخواتك اللي فية ؟

كلمة اخيرة : لو مكنتش اتأثرت بكل الكلام دة ..و لا بالموضوع

برضة حنقولك :

بنحبك

مستنينك

مش حتقدر نستغني عنك

اخواتك في انتظارك

ملحوظة ..هذا الموضوع ليس ترفيهي و لا موجة لشخص معين ..انما الموضوع موضوع حاسم و جاد و هادف

ما اظنش ان فية حد مننا ما قابلش المواقف دى
سواء من موضوع مالاقش رد علية
او زعل من حد كلمة بطريقة بايخة فى رد او فى صندوق المحادثات
او موضوع اتنقل للمحذوفات وهو مش مقتنع بالسبب
او عدم تقبلى للراى الاخر او او او ......................

بس اية الحل زى ما قلتى
هل اما تقابلنا اى مشكلة فى حياتنا نهرررب ؟؟؟
ولا نواجة ونتعلم من اللى حصل وناخد خبرة
لو قعدنا نقرا فى كتب لحد ما نموت مش هانعرف ناخد الخبرة دى !!!

عايز اقول لكل واحد زعلان من اى موقف حصل معاة فى المنتدى
اوعى تزعل وتمشى ...

هل تعلم انك فى المنتدى خادم ومخدوم فى نفس الوقت ؟؟؟
هاتقولى انا مخدوم وعارف دى
اما بستفيد من معلومة اقراها لكن خادم ازاى اقوووووووووولك :
كل موضوع بتعملة ان بتفيد بية ناس كتيررر كانوا محتاجين يعرفوا المعلومة دى
حتى لو كان موضوع ترفيهى كانول محتاجين للبسمة دى
كل رد شكر بسيط على موضوع انتى بترفع من لاروح المعنوية لصاحب الموضوع بيزيد ثقتة بنفسة فبيبدع بعد كدة
كل رسالة زوار او رسالة خاصة بتطمن يها على اخواتك بتحسسهم ان لية لازمة وان الناس لسة بتسال علية ومحتاج وجودة
كل صباح الخير بتتكتب فى صندوق المحادثات ليها قيمتها وبتفرق صدقوونى مع الواحد
احنــــــــــــــــــــــا اسرة واحدة وكلنا بنتاثر ببعض

هل بعد كل الخدمة دى تعتقد ان ربنا مش عارف انت بتعمل اية وخدمتك دى بتثمر ازاى
ربنا عالم بيك وبتعبك فى خدمة اخواتك ولو باى حاجة بسيطة وتذكر ان
المحبة لا تسقط ابدا و كوب ماء بارد لا يضيع اجرة

هل انت ناوى تتنازل عن الاجر اللى جايلك من المنتدى وناوى تبعد بردة ؟؟؟؟؟؟

السؤال دة انا بطرحة على كل واحد فى المنتدى وهاسيبة لضميرة !!!

حاجة اخيرة عايز اقولها
ان منتدى الفرح المسيحى ليس مجرد موقع الكترونى فية شوية كلام
دة كيان حى بيتكون مننا احنا اما بيزعل حد ويمشى
كدة احنا بندمر الكيان الحى وبنفقد جزء من اجزاءة اللى مدياة الحياة

منقوووووول للامانة

منتظرة الردود