علمتنى الدنيا ✋👌

[Mary Naeem]

علمتنى الدنيا

الدنيا علمتنى ان الكداب شكاك و دايماً بيشوف كل الناس كدابين زيه....
والخاين بيشوف كل الناس خاينين زيه...
وإن الطيب مابيتعلمش من غلطه،، لإنه مهما قابل ناس وحشة مش بيستوعب وحاشتهم ، وبيفضل يتوسم الخير فيهم...

علمتنى ان الغلطان هو اول من يشتكي.....

علمتنى ان الظالم اكثر ثرثره من المظلوم....

علمتنى ان من القلب للقلب رسول ونفس اللى جواك ليا هو اللى جوايا ليك....

علمتنى اصبر على البلاء ومازعلش من الخساره لان ربنا بيعوض باكتر من اللى خسرته بس باللي هو شايفه أولي...

علمتنى ان لما حد يغتابنى او يغلط فى حقى أو يتبلى عليا بحاجه محصلتش وعمري معهملتها مزعلش منهم لكن أزعل عليهم وان دول ربنا عرفني بيهم عشان أكتشف بيهم حقيقة ناس تانية ...

علمتنى ان السكوت افضل رد في وقت ضعفك وكسرتك وحزنك والمك

علمتنى انى مادام ماشي فى الطريق الصح مايهمنيش حد واللى يقول يقول، ربنا بيبين الحقائق فى الوقت الصح..ربنا موجود

علمتنى ما اندمش على اى قرار اخدته حتى لو غلط واستحمل نتيجته و اتعلَّم منه...

علمتنى ابقي بوش واحد وكلام واحد ورأى واحد

علمتنى ابقى قد كلامى و قد وعدى...
علمتني افتح بابي وعمري مكسرت بنفس حد وياما قدمت خير للكل حتي ولو بكلمه

علمتنى إن اللى تعمل معاه خير ويقلل منك قدام الناس مدعيش عليه بس ربنا موجود

علمتنى اسمع بعينى وادور على الحقيقه بنفسي و واتأكد وماحكمش علي حد من اللى بسمعه ....

علمتنى اسمع من الطرفين،، لإن فيه ناس أخبث من إنهم يبينوا حقيقتهم،، وفيه ناس وضوحهم بيظلمهم،،

علمتنى إن أصحاب الضمير والقلب الحى نعمة واللى قلبه حجر مايساويش ولو يملك مال قارون وجمال الدنيا كله

علمتنى ان المكسب الوحيد ليا انى ابقي انا زى ما انا عايز اكون مش زى ما اي حد عاوزني أكون ....

علمتنى إن اوحش الناس هو اللى يستغل حبك له لفترة ويستغنى عنك فى لحظة عشان مصلحة جديدة ...

علمتنى إن عيلتى هى أهم إنجاز فى حياتى...

واتعلمت إن اللى بيعمل حاجة فعلاً بتتردله بنفس الطريقة بالمللي...

اتعلمت ان اسوء انواع البشر عندما تضحى من اجل الاخر
وتقدم كل ما عندك ويكون الرد عدم تقدير ونكران واهانه وظلم ودعي عليك وعلي بيتك وولادك .ربنا موجود

و اخيراً علمتني ان جبر الخواطر سحر و السعاده اللي الواحد بيحس بيها بعده لا تقارن،،

علمتني الدنيا #ايه
#مسيرها_تنتهي_وعلمتني من يصبر الي المنتهي فهذا يخلص