نهاية امر خير من بدايته .. المهم النهاية ايه

نرمين واصف · رقم المشاركة : ( 1 ) 22 - 11 - 2018, 06:57 PM

لما اتأمل في اللي فات واقلب في الذكريات بلقي دموعي تسيل علي خدي هو الفاضل أد ايه لما اللي فات من عمري كتير
واللي جاي مين شايفه اد ايه غير عيون رب قدير
بس دموعي اللي في عيوني دي مش حزن وشفقة عليا
دي دموعي بتحكي بس عن بعاد قلب كسير
نفسه يعوض كل ما فاته بأوقات يكون فيها بصير
شوقي احقق حلم الهي اللي حلمه ليا من لحظة ما فتحت عنيا

يمكن دموعي دي نعي لحالي اني في رباطات الخطية
لكن بالرغم منها نازلة بتكوي في قلبي لكن هو عاددها شايفها
ولما اخطي كل خطوة بخوف ..الاقي ايده ملفوفة عليا
بأحضان كافية تمحي خوفي واتعابي اللي هو كاشفها

والقي صوته يقولي دمي غفرلك وغفراني ده ليك عطية
افرد ايدك استقبلها نعمة غيرك نفسه بعد ما رحل يستقبلها
اصل بعد الموت مافيش فرصة ان الخاطي يترجي فيا
لسة حياتك فيها ارصدة من غفراني بتستخدمها

اصل التوبة دي مش كلمة دي بتجمع رصيد مليان من احضاني
ولما تلقي عينك تشكي وتدمع اعرف اني قريب جايلك بتعزيات
وانك حتي لو بعدت عن اللي نفسي فيه ليك او نكرت حتي احلامي
انا مصمم اني اشكل فيك احلامي بس الفرق في التوقيتات

حتي لو تركت احضاني هعرف اخلي قلبك يحن لاحضان ابوك اللي مستنياك
اصل رجوعك ليا تحدي ومسئوليتي انك ترجع ليا تاني
اصل عدوي حلمه انك تبقي معاه في ارض أتعاب وفي النهاية هلاك
لكن يكفي انك باكي نفسك تتشوق ليا وتتحقق بيك احلامي
وانك تصبح سفير لابوك وتعيش ليا هنا وهناك

متخافش انا جايلك قريب وهفرد جناحك كما النسور
وعلي قلبي وشوقي يتم نجاحك وتوصل لاعتاب النور
خليك متمسك بشوقك حتي ولو هنعدي جسور
هنعديها انا وانت. وانت علي كتافي محمول
راجع علم النصرة في ايدك وقلبك في قلبي يبات منصور

امين يارب وعدك صادق وامين حقق وعودك
واني مهما طلبت انت بتعطي حسب جودك

وطول ما مسكاني ايديك مش ممكن يبعدني عنك

عدو مهزوم مكسور منداس بالأقدام ده لأنك
انت اللي عطيتني السلطان والعطية دي نعمة منك

امين