احكيلك على ايه ولا ايه ولا ايه
احكيلك على صحابى اللى غدروا بيا
ولا على اعز الناس اللى بكوا عنيا
قطعنى وقالى
احكيلك انا
عن بطرس اللى انكرنى واستهزء بيا
ولا احكيلك عن يهوذا اللى باعنى بشويه فضه هديه
ولا على تلاميذى اللى سابونى لوحديا
انا عشت كل مشاكلك
واوعى تفتكرى انى بعيد عنك
انا مجتش لادعو ابرار
جيت لادعو خطاه للتوبه
انا مجتش عشان الكويسين
انا جيت عشان التعبانين
انا أله لعازر والسامريه والمجدليه
كلامه بصراحه أثر فيا
معرفتش ارد غير انى قولت
اشكرك يافاديا -
